উছেইন ব’ল্ডৰ সংস্পৰ্শলৈ আহিছিল ক্ৰিছ গেইল

প্ৰসিদ্ধ ক্ৰিকেটাৰ ক্ৰিছ গেইলৰ কৰ’না টেষ্ট নিগেটিভ আহিছে । গেইলে এই সন্দৰ্ভত ইনষ্টাগ্ৰামত সদৰী কৰিছে । বিগত দিনত বিশ্বৰ আটাইতকৈ দ্ৰুত, সফল তথা আঠবাৰ অলিম্পিক চেম্পিয়ন স্পিন্টাৰ উছেইন ৱ’ল্ডৰ বাৰ্থডে পাৰ্টিত যোগদান কৰিছিল গেইলে ৷

উছেইন ব’ল্ডৰ কৰ’না পজিটিভ পোৱাৰ পিছত গেইলেও নিজৰ স্বাস্থ্য পৰীক্ষা কৰে । কাৰণ গেইলো ব’ল্ডৰ সংস্পৰ্শলৈ আহিছিল । কিন্তু কৰ’না টেষ্ট নিগেটিভ আহে ক্ৰিছ গেইলৰ ।

আনহাতে এইবাৰ টি-২০ত ক্ৰীছ গেইলে পাঞ্জাৱৰ হৈ খেলিব । কে এল ৰাহুল এইবাৰ পঞ্জাৱ দলৰ অধিনায়ক । উল্লেখযোগ্য যে গেইলে ২০১৯ ত আই পি এলত ৩৬৮ ৰাণ সংগ্ৰহ কৰিছিল । গেইল আৰু ৰাহুলৰ যুটীয়া বেটিঙ নিশ্চয় সকলোৰে মনত আছে ৷

ক্ৰিছ গেইলে আই পি এলৰ কেৰিয়াৰত এতিয়ালৈকে ১২৫ খন মেছ খেলিছে । আৰু ৪৪৮৪ ৰান সংগ্ৰহ কৰিছে ৷ গেইল আই পি এলৰ আটাইতকৈ বেছি শতক উপাৰ্জন কৰা ক্ৰিকেটাৰ।