কেন্দ্ৰীয় তদন্তৰ সংস্থা (চি বি আই)ৰ ইতিহাসত এক লজ্জাজনক ঘটনা সংঘটিত হ’ল । ইতিপূৰ্বে নোহোৱা এক কলংক সংঘটিত কৰিলে তদন্তকাৰী সংস্থাটোৱে । উল্লেখ্য যে চি বি আইৰ হাতত থকা অৱস্থাত এক কুইন্টলতকৈও অধিক পৰিমাণৰ বাজেয়াপ্ত কৰা পোষণ হঠাতে নোহোৱা হৈ পৰিছে । এই সোণৰ বজাৰ মূল্য প্ৰায় ৪৫ কোটি টকা হ’ব ।
২০১২ত সুৰাণা কৰ্প’ৰেচন নামৰ চেন্নাইৰ এটা প্ৰতিষ্ঠানৰ পৰা এই সোণ বাজেয়াপ্ত কৰিছিল চি বি আয়ে । সুৰাণা কৰ্প’ৰেচনে বিদেশৰ পৰা সোণ-ৰূপ আমদানি কৰিছিল । বিধিবহিৰ্ভূত ভাৱে প্ৰতিষ্ঠানটোৱে বিদেশৰ পৰা প্ৰচুৰ পৰিমাণৰ গহনা আমদানি কৰিছিল । প্ৰতিষ্ঠানটোৰ পৰা মুঠতে চি বি আয়ে মুঠতে চাৰিশ কিলোগ্ৰাম সোণ বাজেয়াপ্ত কৰিছিল । এই সোণ চিঠি আইৰ ‘ভল্ট’ত ৰখা হৈছিল । এই সোণ গহনা তথা টুকুৰাৰ আকাৰত আছিল ।
সেই সময়ত এই বিশাল পৰিমাণৰ সোণ চি বি আইৰ জিম্মাত নিৰাপদে থকা বুলি সংস্থাৰ বিষয়াসকলে দাবী কৰিছিল । পোষণ থকা ভল্টৰ চাবি চেন্নাইস্থিত চি বি আইৰ বিশেষ আদালতত জমা দিয়া হৈছিল; কিন্তু এই চাবি আদালতত সঠিকভাৱে আদালতত জমাই দিয়া হৈছিল নে নাই সেই কথা চি বি আয়ে জনাব পৰা নাই । যোৱা বছৰ কেইটাত এই বিশাল পৰিমাণৰ সোণক লৈ গোচৰ প্ৰক্ৰিয়া চলি আছে ।
অৱশ্যে সোণ ভল্টত সঠিকভাৱে আছে নে নাই সেই কথা জানিবলৈ কোনেও প্ৰয়োজন বোধ নকৰিলে । ইয়াৰ মাজতে যোৱা বছৰ ডিচেম্বৰত নেচনেল কোম্পানী আইন ন্যায়াধিকৰণে উক্ত সোণৰে সুৰাণা কৰ্প’ৰেচনৰ ঋন পৰিশোধ হোৱাকৈ ভাৰতীয় ষ্টেট বেংককে ধৰি ছটা বেংকত ভাগ কৰি দিয়াৰ নিৰ্দেশ দিয়ে কিন্তু বেংকৰ বিষয়াসকলৰ সন্মুখত সোণ থকা ভল্টৰ দুৱাৰ খোলাৰ সময়তে চকু কপালত উঠে সকলোৰে ।
কাৰণ মুঠ সোণৰ পৰা ১০৩ কিলোগ্ৰাম সোণ ইতিমধ্যে উধাও হৈ পৰিছিল । ফলত সোণ নোহোৱা হোৱা গোচৰএটা ন্যায়ালয়ত পঞ্জীয়ন হয় । গোচৰটোত তদন্ত বিচৰা হয় উধাও হোৱা সোণৰ । চি বি আইৰ অধিবক্তাৰ যুক্তি অনুসৰি জব্দ কৰাৰ সময়ত সকলো সোণ এবাৰতে ওজন কৰা হৈছিল ।
কিন্তু পৰৱৰ্তী পৰ্যায়ত সোণ পৃথকভাৱে ওজন কৰা হয় । এনে কাৰণত পোষণ কমকৈ পোৱা হয় । চি বি আইৰ এনে যুক্তিত অৱশ্যে ন্যায়ালয়ে পতিয়ন নগ’ল । ন্যায়াধীশে স্পষ্টভাৱে জনাই দিয়ে যে সোণ গাঞ্জা নহয় যে উৰি যাব । মাদ্ৰাছা উচ্চ ন্যায়ালয়ে কালি গোচৰটোৰ শুনানি লোৱাৰ সময়ত পোষণ নোহোৱাৰ তদন্তৰ ভাৰ চি আই ডিৰ ওপৰত অৰ্পণ কৰে ।
ন্যায়ালয়ৰ এই নিৰ্দেশৰ ফলত যথেষ্ট অসন্মানবোধ কৰে চি বি আয়ে । চি আই ডিৰ পৰিৱৰ্তে কোনো কেন্দ্ৰীয় সংস্থাৰ দ্বাৰাহে গোচৰৰ তদন্ত বিচাৰে চি বি আয়ে । ন্যায়ালয়ে চি বি আইৰ এই আবেদনো খাৰিজ কৰে ।