চৰকাৰী নিয়ন্ত্ৰণৰ ক্ষেত্ৰত বেচৰকাৰী বেংকৰ অংশগ্ৰহণত অনুমোদন পত্ৰ প্ৰদান

চৰকাৰী প্ৰকল্প আৰু ব্যৱসায় ক্ষেত্ৰত আৰ্থিক সহযোগী হিচাপে বেচৰকাৰী বেংকবোৰক অন্তৰ্ভুক্ত কৰিব বিচাৰে কেন্দ্ৰই । আজি এই বিষয়ত চৰকাৰী অনুমোদন পত্ৰ প্ৰদান কৰাৰ ঘোষণা কৰিছে কেন্দ্ৰীয় বিত্তমন্ত্ৰী নিৰ্মলা সীতাৰমণে ।

আজি বিত্তমন্ত্ৰী সীতাৰমণে চৰকাৰী সিদ্ধান্তৰ বিষয়ে জনায় টুইট কৰে, ‘চৰকাৰী ক্ষেত্ৰত অনুমোদনৰ বিষয়ত বেচৰকাৰী বেংকবোৰৰ নিষেধাজ্ঞা প্ৰত্যাহাৰ কৰা হৈছে । এতিয়াৰ পৰা সকলো বেংকেই অংশগ্ৰহণ কৰিব পাৰিব । দেশৰ অৰ্থনীতি আৰু ‌সামাজিক ক্ষেত্ৰৰ উন্নয়ন আৰু গ্ৰাহক পৰিসেৱাত বেচৰকাৰী বেংকবোৰে এতিয়াৰ পৰা সম-অংশীদাৰ হ’ব পাৰিব ।’

Embargo lifted on grant of Govt business to private banks. All banks can now participate. Private banks can now be equal partners in development of the Indian economy, furthering Govt's social sector initiatives, and enhancing customer convenience. @FinMinIndia @DFS_India

— Nirmala Sitharaman Office (@nsitharamanoffc) February 24, 2021

কেন্দ্ৰৰ নতুন সিদ্ধান্তৰ ফলত ক্ষুদ্ৰ সঞ্চয় প্ৰকল্প, কৰ অন্যান্য ৰাজহ সংক্ৰান্ত বিষয়, পেঞ্চন প্ৰকল্পসহ নানা চৰকাৰী ব্যৱসায়িক কাৰ্যসূচীত অংশগ্ৰহণ কৰিব পাৰিব বেচৰকাৰী বেংকবোৰে । এই ক্ষেত্ৰত গ্ৰাহক পৰিসেৱাৰ মানৰ উন্নতি হ’ব বুলি মত প্ৰকাশ কৰে বহু বিপনী বিশেষজ্ঞই ।

বিত্তমন্ত্ৰীৰ এই ঘোষণাৰ পাছতেই বজাৰ সূচক ছেনছেক্স আৰু নিফটী ঊৰ্ধগামী হয় ।