ৰাজধানী দিল্লীত অক্সিজেন আৰু প্ৰতিষেধকৰ নাটনিৰ বাবে পৰিস্থিতি নিয়ন্ত্ৰণ কৰিবলৈ জলাকলা খাইছে ৰাজ্য চৰকাৰে । এনে পৰিস্থিতিত বিজেপি সাংসদ তথা প্ৰাক্তন ভাৰতীয় ক্ৰিকেটাৰ গৌতম গম্ভীৰৰ বিৰুদ্ধে বেআইনীভাৱে ফ্লু প্ৰতিৰোধী ‘ফেবিফ্লু’ দৰৱ সঞ্চয় কৰি ৰখাৰ অভিযোগ উত্থাপন হয় । নিজৰ নিৰ্বাচনী কেন্দ্ৰত সেই দৰৱ বিনামূল্যে বিতৰণ কৰাৰ কথা ঘোষণা কৰিছে গম্ভীৰে । ফলত বিতৰ্কৰ আৰম্ভণি হয় ।
ৰাজধানীৰ হাস্পতালসমূহত অক্সিজেন, প্ৰতিষেধকৰ নাটনি হৈ থকাৰ সময়তে তেওঁ বিপুল পৰিমাণৰ ফেবিফ্লু ক’ৰ পৰা লাভ কৰিলে, তাক লৈও প্ৰশ্ন উত্থাপন হৈছে । চিকিৎসকৰ প্ৰেছক্ৰিপছন অবিহনে ফেবিফ্লু বিক্ৰীৰ অনুমতি নাই দোকানসমূহৰ । সেয়ে বেআইনীভাৱেই গম্ভীৰে দৰৱ সঞ্চয় কৰি ৰাখিছে বুলি অভিযোগ উত্থাপন কৰিছে বিৰোধীসকলে ।
বিগত ২৪ ঘণ্টাত দিল্লীত নতুনকৈ ২৪ হেজাৰ ৬৩৮ জন লোক ক’ভিড-১৯ত আক্ৰান্ত হৈছে । ২৪৯ জন লোকৰ মৃত্যু হৈছে । কালি বিনামূল্যে ফেবিফ্লু বিতৰণ কৰিব বুলি টুইট কৰি বিতৰ্কৰ সন্মুখীন হৈছে গম্ভীৰ । তেওঁ টুইটত লিখে, ‘পূৱ দিল্লীৰ বাসিন্দাসকলে পুৱা ১০ বজাৰ পৰা সন্ধিয়া পাঁচ বজাৰ ভিতৰত সাংসদৰ কাৰ্যালয়ত বিনামূল্যে ফেবিফ্লু গ্ৰহণ কৰিব পাৰিব । কেৱল আধাৰ কাৰ্ড আৰু প্ৰেছক্ৰিপছন দেখুৱালেই হ’ব ।’
People of East Delhi can get ‘Fabiflu’ from MP office (2, Jagriti Enclave) for FREE between 10-5. Kindly get Aadhar & prescription
पूर्वी दिल्ली के लोग “Fabiflu” मेरे कार्यालय (2, जाग्रति एन्क्लेव) से 10 से 5 के बीच मुफ़्त में ले सकते हैं. अपना आधार और डॉक्टर की पर्ची ले आएं
— Gautam Gambhir (Modi Ka Parivar) (@GautamGambhir) April 21, 2021
২০১৯ত গেৰুৱা শিবিৰৰ হৈ পূৱ দিল্লী কেন্দ্ৰৰ পৰা জয়ী হৈয়ে সাংসদ হয় গম্ভীৰ । পূৱ দিল্লীৰ মুঠ জনসংখ্যা ১৭ লাখ । এই বিপুল সংখ্যক লোকক প্ৰদান কৰিব পৰাকৈ দৰৱ তেওঁৰ হাতত কেনেকৈ আহিল সেই বিষয়ে অৱশ্যে জনোৱা নাই গম্ভীৰে ।
সাংসদগৰাকীৰ টুইটৰ কটাক্ষ কৰি বিৰোধী দল আম আদমি পাৰ্টীৰ নেতা দুৰ্গেশ পাঠকে টুইট কৰে, ‘গুজৰাটত বিজেপিৰ সভাপতিয়ে জীৱনদায়ী প্ৰতিষেধক সঞ্চয় কৰি ৰাখিছে, মহাৰাষ্ট্ৰত বিজেপিৰ প্ৰাক্তন মুখ্যমন্ত্ৰী ফড়নবিছে ৰেমডেচিবিৰ সঞ্চয় কৰি ৰাখিছে আৰু দিল্লীৰ অংশিক সময়ৰ বিজেপি সাংসদ আৰু পূৰ্ণ সময়ৰ ক্ৰিকেটাৰে জীৱনদায়ী দৰৱ সঞ্চয় কৰি ৰাখিছে । এওঁলোক জনপ্ৰতিনিধি নে অপৰাধী ? আপোনালোকেই বিবেচনা কৰক ।’
Is this not criminal? An MP hoarding medicines and giving it as per his wishes. Why should he not give them to the hospital? .@LtGovDelhi .@CMODelhi https://t.co/QzpTeZkr1G
— Adv. Somnath Bharti: इंसानियत से बड़ा कुछ नहीं! (@attorneybharti) April 21, 2021
জীৱনদায়ী দৰৱ গম্ভীৰে কেনেকৈ লাভ কৰিলে বুলি প্ৰশ্ন উত্থাপন কৰি কংগ্ৰেছ নেতা পৱন খেৰাই টুইট কৰে, ‘১) গৌতম গম্ভীৰ, সঠিকতে কিমান পৰিমাণৰ ফেবিফ্লু সঞ্চয় কৰি ৰাখিছে আপুনি ? ২) এই বিপুল পৰিমাণৰ ফেবিফ্লু কেনেকৈ লাভ কৰিলে ? অৰবিন্দ কেজৰিৱাল আপুনি কওক: ১) এইটো বৈধ নে ? ২) বেআইনীভাৱে দৰৱ সঞ্চয় আৰু বিতৰণ কৰাৰ বাবেই দৰৱৰ দোকানবোৰত ফেবিফ্লুৰ নাটনি হৈছে নেকি ?’
https://twitter.com/Pawankhera/status/1384810366870253573?ref_src=twsrc%5Etfw%7Ctwcamp%5Etweetembed%7Ctwterm%5E1384810366870253573%7Ctwgr%5E%7Ctwcon%5Es1_c10&ref_url=https%3A%2F%2Fwww.anandabazar.com%2Findia%2Fcoronavirus-in-india-gautam-gambhir-accused-of-hoarding-anti-covid-fabiflu-illegally-in-delhi-dgtl%2Fcid%2F1277214
নিজৰ টুইটৰ বিবৰণি দি গম্ভীৰে পুনৰ টুইট কৰে, ‘দিল্লী মোৰ বাসস্থান । শেষ মূহুৰ্ত পৰ্যন্ত মানুহৰ সেৱা কৰিম । বিছনা, অক্সিজেন আৰু দৰৱৰ চাহিদা পূৰণ কৰিবলৈ যথাসম্ভৱ চেষ্টা কৰিছো ।’
Delhi is my home & I will keep serving the people till my last breath. With many requests for beds, oxygen & medicines, we are helping as many as we can!
— Gautam Gambhir (Modi Ka Parivar) (@GautamGambhir) April 21, 2021
