Orissa Cid Arrested In Batadova Youth:
নগাঁৱত ওড়িশাৰ চিআই ডিৰ অভিযান ৷ দেশবিৰোধী কাৰ্যকলাপত জড়িতৰ অভিযোগত ওড়িশাৰ চি আই ডিয়ে জাজৰী আৰক্ষীৰ সহযোগত বটদ্ৰৱা থানাৰ অন্তৰ্গত গেন্ধুৱা পথাৰ অঞ্চলৰ পৰা গ্ৰেপ্তাৰ কৰে ইকবাল হুছেইন নামৰ যুৱকজনক ৷
ওড়িশাৰ চি আই ডিৰ এক সূত্ৰৰ পৰা প্ৰাপ্ত তথ্য অনুসৰি আটকাধীন যুৱকজনে পাকিস্তানৰ এজন যুৱকৰ স’তে অনলাইনৰ জৰিয়তে দেশবিৰোধী কাৰ্যকলাপ অব্যাহত ৰাখিছিল ৷
এই সম্পৰ্কে পৰ্যাপ্ত অভিযোগ ওড়িশাৰ চি আই ডিয়ে লাভ কৰাৰ পাছতে বুধবাৰে অভিযান চলাই চলাই নগাঁৱৰ বটদ্ৰৱাত ৷
উল্লেখ্য যে,আটকাধীন যুৱকজনৰ ভাতৃয়ে সংবাদ মাধ্যমৰ আগতে এই অভিযোগ সন্দৰ্ভত অজ্ঞতা প্ৰকাশ কৰি কয়,তেওঁৰ ভাতৃ এজন ই-ৰিক্সা চালক ৷ ইয়াৰ পূৰ্বে বাংগালোৰৰ এখন হোটেলত ৱেটাৰৰ কাম কৰিছিল ৷
কিন্ত কিছুমাহ পূৰ্বে ঘৰলৈ উভতি আহি বিবাহপাশত আবদ্ধ হৈ শেহতীয়াকৈ এখন ই-ৰিক্সা চলাই জীৱন যুদ্ধত নামি পৰিছিল ৷
আটকাধীন ইকবাল হুছেইনক বৰ্তমান জাজৰী আৰক্ষী জিন্মাত ৰখা হৈছে ৷ বৃহস্পতিবাৰে আদালতত হাজিৰ কৰি ওড়িশাৰ চি আই ডিয়ে নিজৰ জিন্মাত লৈ ওড়িশালৈ নিব পাৰে ৷
