Toll Rates To Rise At Nine Toll Plazas:
অত্যাৱশ্যকীয় সা-সামগ্ৰীৰ আকাশলংঘী মূল্যবৃদ্ধিৰে ৰাইজক মাধমাৰ সোধাই অহাৰ মাজতে এইবাৰ ভুতৰ ওপৰত দানহ পৰাৰ দৰে ৰাজ্যবাসীৰ ওপৰত পুনৰ ৰামটাঙোন সোধাবলৈ সাজু হৈছে চৰকাৰ ৷
অহাবৰ্ষৰ এপ্ৰিলৰ পৰা বৃদ্ধি হ’ব ৰাষ্ট্ৰীয় ঘাইপথৰ টোলৰ নিৰিখ। ৰাজ্যৰ নখন টোল গেটত নিৰিখ বৃদ্ধিৰ পৰিকল্পনা লৈছে ৰাষ্ট্ৰীয় ঘাইপথ প্ৰাধিকৰণে ৷ সদ্যহতে পাঁচখন টোল গিটত শীৰ্ঘেই আৰম্ভ কৰিব উচ্চ নিৰিখত টোল আদায় ।
প্ৰাপ্ত খবৰ অনুসৰি ১৫ ৰ পৰা ২০ শতাংশ পৰ্যন্ত নিৰিখ বৃদ্ধি কৰিব এন এইচএআই- এ ।
উল্লেখ্য যে, সমগ্ৰ দেশত সক্ৰিয় হৈ থকা ১২০০ টোল গেটত দৈনিক ফাষ্ট ট্ৰেকৰ জৰিয়তে সংগ্ৰহ কৰি আহিছে প্ৰায় ১৯৩ কোটি টকা ৷
আনহাতে এই নতুন নিৰিখ অনুসৰি টোল গিটত চাৰিচকীয়া বাহনে আদায় দিব লাগিব ১৫৫-১৬০ টকা ৷ একেদৰে এখন বাছ বা ট্ৰাকে এবাৰত আদায় দিবলগীয়া হ’ব পাৰে ৪৮০ টকা ৷
মনকৰিবলগীয়া যে,দৈনিক বহি:ৰাজ্যৰ পৰা অসমলৈ আমদানি কৰা খাদ্য সামগ্ৰী সহ আন আন বয়বস্তু কঢ়িয়াই অনা ট্ৰাক সমূহে অসমত প্ৰৱেশ কৰালৈকে যিমান কেইটা টোল গেটত উচ্চহাৰত নতুন নিৰিখ আদায় দিব ৷ ইয়াৰ লগে লগে বয়বস্তুৰ পুনৰ দাম বৃদ্ধি পোৱাৰ সম্ভাৱনা প্ৰকট হৈ পৰিছে ৷
অন্যহাতে যাত্ৰীবাহী বাছ সমূহেও টোল গেটত নতুন নিৰিখ আদায় দিয়াৰ লগে লগে পৰৱৰ্তী সময়ত যাত্ৰীৰ পৰা উচ্চহাৰত ভাড়া আদায় লোৱাৰ সম্ভাৱনা আছে পৰিবহণ সন্থা সমুহে ৷
অৰ্থাৎ টোল নিৰিখ বৃদ্ধিৰ পাছত ইয়াৰ প্ৰভাৱ পৰিব সৰ্বসাধাৰণ ৰাইজৰ ওপৰত ৷