জম্মু-কাশ্মীৰৰ দ খাৱৈত পৰিল CRPF-ৰ বাছ, মৃত তিনি, আহত ১৬

Jammu and Kashmir:✒️জম্মু-কাশ্মীৰৰ উধামপুৰত বৃহস্পতিবাৰে পুৱা সংঘটিত হয় এক বৃহৎ দুৰ্ঘটনা। পথৰ পৰা বাগৰি খাৱৈত পৰে চি আৰ পি এফ এখন বাংকাৰ।

উধমপুৰ জিলাৰ বসন্তগড় অঞ্চলৰ কান্দৱাৰৰ সমীপত সংঘটিত হয় এই দুৰ্ঘটনা। ঘটনাটোত কমেও তিনিজন জোৱান নিহত হয়। ১৬ জন জোৱান আহত।

তথ্য অনুসৰি,বাংকাৰ বাছখনত ১৮৭ বেটেলিয়নৰ ২৩ জন জোৱান আছিল। বসন্তগড়ত অভিযান চলাই আজি পুৱা প্ৰায় ১০:৩০ বজাত ঘাটিলৈ উভতি আহিছিল জোৱান কেইজন।

জম্মু-কাশ্মীৰৰ কাণ্ডৱাৰ পৰা উভতি আহি থকা অৱস্থাত সংঘটিত হয় এই দুৰ্ঘটনা।

উধামপুৰৰ এ এছ পি সন্দীপ ভাটে জানিবলৈ দিয়া মতে, দুৰ্ঘটনাটোৰ তথ্য লাভ কৰাৰ পাছতে আৰক্ষীয়ে ততাতৈয়াকৈ সেই স্থানত উপস্থিত হৈ উদ্ধাৰ অভিযান আৰম্ভ কৰে।

আহত জোৱানকেইজনক চিকিৎসাৰ বাবে ওচৰৰ চিকিৎসালয়লৈ লৈ যোৱা হয়। থিতাতে মৃত্যু হয় এজন জোৱানৰ।