Delhi SIR: ✒️বিহাৰৰ পাছত সমগ্ৰ দেশতে ভোটাৰ তালিকাৰ ব্যাপক সংশোধন (SIR) হোৱাৰ কথা ইতিমধ্যেই নিৰ্বাচন আয়োগে স্পষ্ট কৰি দিছে। ৰাজধানী দিল্লীত আৰম্ভ হৈছে এই প্ৰক্ৰিয়া।
ভোটাৰসকলক ২০০২ চনৰ তালিকাত নাম আছে নে নাই তাকে পৰীক্ষা কৰিবলৈ অনুৰোধ জনাইছে দিল্লীৰ মুখ্য নিৰ্বাচনী বিষয়াই।
দিল্লীৰ মুখ্য নিৰ্বাচনী বিষয়াই জাৰি কৰা এক বিবৃতিত কয় যে ভোটাৰ তালিকা পৰীক্ষাৰ এই পৰ্যায় ২৬ অক্টোবৰলৈকে চলি থাকিব।
বিবৃতিটোত ২০০২ চনৰ ভোটাৰ তালিকাত ভোটাৰ আৰু তেওঁলোকৰ অভিভাৱকৰ নাম অন্তৰ্ভুক্ত হৈছে নে নাই পৰীক্ষা কৰিবলৈ আবেদন জনোৱা হৈছে।
২০০২ চনৰ ভোটাৰ তালিকাৰ কপি দিল্লীৰ মুখ্য কাৰ্যবাহী বিষয়াৰ ৱেবছাইটতো আপলোড কৰা হৈছে।
আয়োগে জনাইছে যে যদি কাৰোবাৰ নাম নোহোৱা হয় তেন্তে তেওঁলোকে বৈধ নথি-পত্ৰ সাজু কৰি ৰাখিব লাগিব যাতে তেওঁলোকে পৰীক্ষণৰ সময়ত কোনো ধৰণৰ সমস্যাৰ সন্মুখীন নহয়। যাৰ অৰ্থ দিল্লীতো SIR প্ৰক্ৰিয়া আৰম্ভ হৈছে।
মন কৰিবলগীয়া যে এছ আই আৰ সন্দৰ্ভত উচ্চতম ন্যায়ালয়ত কেইবাটাও গোচৰ বিচাৰাধীন হৈ আছে। বিহাৰৰ ক্ষেত্ৰত আয়োগে প্ৰথমে ভোটাৰ তালিকাত নাম নামভৰ্তিৰ বাবে ১১খন নথি ঘোষণা কৰিছিল।
পাছত নিৰ্বাচন আয়োগৰ নিৰ্দেশত আধাৰ কাৰ্ডো তথ্যচিত্ৰ হিচাপে সংলগ্ন কৰা হয়।যদিও উচ্চতম ন্যায়ালয় আৰু আয়োগে স্পষ্ট কৰি দিছে যে আধাৰ কেৱল পৰিচয় পত্ৰ, কোনো কাৰণতে নাগৰিকত্বৰ প্ৰমাণ নহয়।