Guwahati:
মহানগৰীত ডকাইতি কাণ্ড সংঘটিত কৰিবৰ বাবে কুখ্যাত ডকাইত দলৰ সুৰক্ষিত আশ্ৰয়স্থল হিচাপি বিবেচিত হৈ আহিছে হাতীগাঁও-সিজুবাৰী পথৰ এন আৰ ৰেচিডেন্সী ল’জ ৷ গোপন খবৰৰ ভিত্তিত আজি বশিষ্ঠ আৰক্ষীৰ এটা দলে এন আৰ ৰেচিডেন্সী ল’জত অৰ্তকিতে অভিযান চলাই গ্ৰেপ্তাৰ কৰে চাৰিজন দুৰ্ধৰ্ষ ডকাইতক ৷ ধৃত ডকাইত কেইটা হ’ল বিপুল আলী আইনূৰ হুছেইন, ইদুল আলী আৰু মহিবুল আলী। ডকাইতৰ দলটোৰ পৰা ডকাইতিত ব্যৱহৃত সামগ্ৰীৰ লগতে এএছ০১-জিজি-৩৭৪৪ নম্বৰৰ এখন বাহনো জব্দ কৰে আৰক্ষীয়ে ৷ চাৰিও ডকাইতৰে ঘৰ বৰপেটাত ৷
আনহাতে আৰক্ষী অহাৰ পূৰ্বেই দুজন ডকাইত পলায়ন কৰে ৷ ল’জটোত নিশা কটাইছিল আটকাধীন ডকাইতৰ দলটোৱে। উল্লেখ্য যে ইয়াৰ পূৰ্বেও বৰপেটাৰ পৰা আহি এন আৰ ৰেচিডেন্সী ল’জত বাহৰ পাতি থকা কে’বাটাও ডকাইতক আটক কৰিছিল আৰক্ষীয়ে ৷ বৰপেটাৰ পৰা আহি গুৱাহাটীত ডকাইতি কাণ্ড সংঘটিত কৰা ডকাইতৰ আশ্ৰয় স্থলীৰ চেফটি জ’ন হিচাপে পৰিগণিত হৈছে হাতীগাঁও-সিজুবাৰী পথৰ এন আৰ ৰেচিডেন্সী ল’জ ৷
