Senior Utpal Chakraborty Passes Away:
দৈনিক অগ্ৰদূত ডিজিটেল ডেক্স:- দীর্ঘদিন দুৰাৰোগ্য ৰোগত ভুগি থাকি আজি অকাল মৃত্যুক সাৱটি লয় জ্যেষ্ঠ সাংবাদিক উৎপল চক্রবর্তীয়ে। মৃত্যুৰ সময়ত তেওঁৰ বয়স আছিল ৫৭ বছৰ। মাজতে কিছু পৰিমাণে সুস্থ হৈও উঠিছিল চক্রবর্তী। কিন্তু – শেহতীয়াকৈ তেওঁ পুনৰ গুৰুতৰভাবে অসুস্থ হৈ পৰে। ইয়াৰ বাবে যোৱা পহিলা মাৰ্চত গুৱাহাটীৰ এখন ব্যক্তিগত চিকিৎসালয়ত তেওক ভর্তি কৰা হৈছিল। আজি সন্ধিয়া ৬-২১ বজাত চিকিৎসাধীন অবস্থাতে চক্রবর্তীয়ে শেষ নিশ্বাস ত্যাগ কৰে। মৃত্যুৰ সময়লৈ তেও ‘নিয়মীয়া বার্তা’ কাকতৰ জ্যেষ্ঠ সাংবাদিকৰূপে কৰ্মৰত আছিল। চক্ৰৱতীৰ বিয়োগৰ বাতৰি বিয়পি পৰাৰ লগে লগে সংবাদমহলত শোকৰ ছাঁ বিয়পি পৰে। ইহসংসাৰত পত্নী আৰু একমাত্র পুত্ৰ সন্তানক এৰি থৈ যোৱা চক্রৱর্তীৰ শেষকৃত্য আজি সম্পন্ন কৰা কৰা হ’ব।
বঙাইগাঁও জিলাৰ উত্তৰ শালমাৰাৰ প্ৰকৃত বাসিন্দা থকা উৎপল চক্রৱতীয়ে ১৯৮৮ত বৰপেটাৰ পৰা প্ৰকাশিত অধুনালুপ্ত বৰপীঠ’ কাকতৰ জৰিয়তে সংবাদসেৱাৰ ক্ষেত্ৰখনত প্রবেশ কৰিছিল। গুৱাহাটীৰ পৰা প্রকাশিত সেই সময়ৰ ‘আজিৰ বাতৰি’ কাকতৰ উত্তৰ তাৰপাছত তেওঁ শালমাৰাৰ স্থানীয় সংবাদদাতাৰূপে আগবঢ়াইছিল। পলিটেকনিকৰ ডিপ্ল ‘মাধাৰী চক্রৱর্তীয়ে সাংবাদিকতাৰ প্রতি গভীৰভাৱে আকৃষ্ট হৈছিল। সেই হেতুকে তেওঁ গুৱাহাটীলৈ আহি আজিৰ বাতৰিৰ ষ্টাফ ৰিপ’ৰ্টাৰ হৈছিল। পৰৱৰ্তী সময়ত তেওঁ আজি, আজিৰ দৈনিক বাতৰি আৰু অসমীয়া খবৰ কাকতৰ ষ্টাফ ৰিপ’ৰ্টাৰ পদত দক্ষতাৰে নিজৰ সেৱা আগবঢ়াইছিল।
ইয়াৰ পাছত তেওঁ যোগদান কৰিছিল নিয়মীয়া বার্তা কাকতত। উৎপল চক্রৱতীৰ বিয়োগত বিভিন্ন সাংবাদিক সন্থা, সংগঠন আৰু ব্যক্তিয়ে গভীর শোক প্রকাশ কৰিছে। গুৱাহাটী প্ৰেছ ক্লাবে চক্ৰৱৰ্তীৰ বিয়োগত শোক প্রকাশ কৰিছে। জার্নেলিষ্ট ইউনিয়ন অৱ আছামৰ সভানেত্ৰী চেমিম চুলতানা আহমেদ আৰু সাধাৰণ সম্পাদক ধনজিৎ দাসেও শোক প্রকাশ কৰি শোকসন্তপ্ত পৰিয়াললৈ সমবেদনা জনাইছে। অসম বার্তাজীৱী সংঘয়ো শোক প্রকাশ কৰিছে। ইয়াৰোপৰি বঙাইগাঁও জিলা সাংবাদিক সন্থা, বৃহত্তৰ বঙাইগাঁও জিলা সাংবাদিক সন্থা, অভয়াপুৰী প্রেছ ক্লাব, জিলা সাহিত্য সভা, অভয়াপুৰী সাহিত্য সভাকে ধৰি বহু অনুষ্ঠান প্রতিষ্ঠানেও শোক প্রকাশ কৰিছে।
