ব্যৱসায় উদ্দেশ্য মাজুলীৰ দক্ষিণ পাট কৈৱৰ্ত গাঁৱৰ পৰা যোৰহাটৰ পদাপৰ্থত ক্ষুদ্ৰ ব্যৱসায় আৰম্ভ কৰি ২০ বছৰ সময় যোৰহাটত অতিক্ৰম কৰি লিখি প্ৰকাশ কৰিছিল ২০খনৰ অধিক ধৰ্মীয় গ্ৰন্থ। শেহতীয়াকৈ
মাজুলীৰ দক্ষিণ পাট কৈৱৰ্ত গাঁৱৰ নিবাসী, এইজন বিশিষ্ট লেখক, বিশিষ্ট ভাগৱত ব্যাখ্যাকাৰ লক্ষীৰাম দুৱৰা দাসৰ ঐকান্তিক প্রচেষ্টাত মাজুলীৰ দক্ষিণ পাট কৈৱৰ্ত গাঁৱত ব্ৰহ্মপুত্ৰৰ নাতিদূৰৈত এক নিৰিবিলি পৰিৱেশত প্ৰতিষ্ঠা হ’বলৈ গৈ আছে”শিৰোমণি ভকত সেৱা আশ্ৰম নামেৰে এখনি আশ্রম।
নিদিষ্ট সময়ত নাম-কীর্তন, গীতা-ভাগৱত চর্চা, মানৱ সেৱাৰ জৰিয়তে ঈশ্বৰ সেৱা মূলমন্ত্ৰ হিচাপে লৈ লক্ষীৰামে এখনি আশ্রম নিৰ্মাণ কৰিবলৈ বহু দিনৰ পৰা মানস কৰি আছিল।
শিৰোমণি ভকতসেৱা আশ্ৰমৰ গুৰু আসন প্ৰতিষ্ঠাৰ বাবে মহাপুৰুষ শ্ৰীমন্ত শঙ্কৰদেৱ-মাধৱদেৱৰ পবিত্ৰ চৰণৰ ধূলি সিঁচৰিত হৈ থকা শ্ৰীশ্ৰীমধুপুৰ ধাম সত্র, শ্রীশ্রীকাকতকুটা সত্ৰ, শ্ৰীশ্ৰীচূণপোৰা সত্র, শ্রীশ্রীগণককুছি সত্র, শ্রীশ্রীপাটবাউসী সত্র, শ্রীশ্রী বৰপেটা সত্ৰ, শ্ৰীশ্ৰীবৰদোৱা সত্ৰ এই পবিত্ৰ সপ্তধামৰ ভূমি, আৰু টোৰোছা নদী, আকাশী গংগা আৰু ব্ৰহ্মপুত্ৰৰ জল শ্ৰদ্ধাৰে আনি সপ্তধামৰ ভূমি সপ্ত বৈকুণ্ঠ জ্ঞান কৰি গুৰুআসন প্রতিষ্ঠাৰ বাবে প্ৰস্তুতি কৰিছে।
সেই উদ্দেশ্যে লক্ষীৰামে দক্ষিণ পাট আঞ্চলিক ৰাইজক ৰাজহুৱা সভাৰ জৰিয়তে বিষয়টো অৱগত কৰে। ৰাইজেও লক্ষীৰামৰ এনে মহৎ প্রচেষ্টাত শলাগ লৈ সৰ্বোতপ্ৰকাৰে সহায়-সহযোগিতাৰ আশ্বাস দিয়ে।
লক্ষীৰামেও সকলো ৰাইজৰ শুভাশিস, সহায়-সহযোগিতা, দিহা-পৰামৰ্শ কামনা কৰিছে।
যদি কোনো সদাশয় ব্যক্তিয়ে লক্ষ্মীৰাম দুৱৰাক আশ্ৰম খন প্ৰতিষ্ঠা কৰাত সহায় সহযোগিতা আগবঢ়াব বিচাৰিলে লক্ষ্মীৰাম দুৱৰাৰ মোবাইল নম্বৰ ৭২২২২১২৫৫৯ লগত যোগাযোগ কৰিবলৈ আহ্বান জনাইছে।
