Cattle Theft:তিতাবৰত অঘটন !

Cattle Theft:

দৈনিক অগ্ৰদূত ডিজিটেল ডেস্ক:যোৰহাট জিলাৰ তিতাবৰত দিনক দিনে বৃদ্ধি পাইছে গৰু চোৰৰ সন্ত্ৰাস৷ নিশা গৃহস্থ শোৱাৰ পিছতে আৰম্ভ হয় চোৰৰ চাফাই অভিযান ৷ বহু গৃহস্থৰ গোহালি উদং কৰিছে গৰু চোৰে ৷ এনে ঘটনাক্ৰমৰ মাজতে বুধবাৰে নিশা তিতাবৰত সংঘটিত হয় এক দুৰ্ঘটনা ৷ গৰু চোৰ কৰিবলৈ আহি নিহত হয় এটা গৰু চোৰ ৷ আনহাতে আহত হয় আন চাৰি চোৰ৷ গৰু চুৰি কৰি এখন বাহনত উঠাই লৈ আনোতে ৰাইজৰ ৰোষত পৰি গাড়ী লৈ পলায়ন চেষ্টা কৰোতে পথৰ কাষৰ গছত প্রচণ্ড খুন্দা মাৰে৷ফলত এটা চোৰ থিতাতে মৃত্যু হোৱাৰ বিপৰীতে আহত হয় আন চাৰি চোৰ ৷ আহত আটাইকেইটা চোৰক নিশাই ভৰ্তি কৰা হয় জেএমচিএইছত ৷ আহত চাৰি চোৰ কেইটা হ’ল চুলেমন আলী, ৰুস্তম আলী, মইনুল আলী আৰু আবিদিৰ হুছেইন ৷ আটাইৰে ঝৰ গোলাঘাটৰ বচাগাঁও আৰু চকীয়াল গাৱঁত ৷ ইতিমধ্যে আৰক্ষীয়ে গাড়ী সহ গৰু কেইটা জব্দ কৰিছে।