Raijor dal Pressmeet: দৈনিক অগ্ৰদূত ডিজিটেল ডেস্ক:কংগ্ৰেছ নেতৃত্বাধীন মিত্ৰজোঁটৰ অংশীদাৰ হোৱাৰ পিছতো কংগ্ৰেছ দল আৰু গৌৰৱ গগৈৰ বিৰুদ্ধে নানান সমালোচনা কৰি অহা ৰাইজৰ দলৰে মিত্ৰতা ভংগৰ ঘোষণা কৰে কৰিলে এপিচিচিয়ে ৷
বৃহস্পতিবাৰে এপিচিচিয়ে আনুষ্ঠানিকভাৱে ৰাইজৰ দলৰে মিত্ৰতা ভংগৰ পিছতে পুনৰ সৰৱ হৈ পৰে ৰাইজৰ দলৰ নেতৃত্ব৷ দলৰ মুখ্য কাৰ্যালয়ত ততাতৈয়াকৈ আয়োজন কৰা এক সংবাদমেলত দলটোৰ কাৰ্যকৰী সভাপতি ভাস্কো ডি শইকীয়াই কয়, কংগ্ৰেছে মিত্ৰতা ভংগ কৰি নিজৰ ব্যৰ্থতাৰ নগ্ন ৰূপটো পুনৰ উদঙাই দিলে৷ ৰাইজৰ পৰা বিচ্ছিন্ন দল এটাই আমাৰ স’তে সম্পূৰ্ণ চিন্ন কৰি কি বুজাব বিচাৰিছে। আমিহে ভৱিষ্যতে কেতিয়াও গণ বিচ্চিন কংগ্ৰেছৰে মিত্ৰতা নকৰো৷নিজৰ দলৰ প্ৰতিয়েই সৎ নহয় কংগ্ৰেছৰ বিধায়ক। সংখ্যালঘুৰ ওপৰত অত্যাচাৰ হ’লেও নিমাত হৈ থাকে কংগ্ৰেছ৷ বিধানসভাত ৰাইজৰ দলৰ সভাপতি অখিল গগৈয়ে শাসক দলৰ বিৰুদ্ধে সৰৱ হৈ থকাৰ সময়ত মৌন ব্ৰতত থাকে কংগ্ৰেছ বিধায়ক কেইগৰাকী ৷ এইয়া হৈছে তেওঁলোকৰ জনপ্ৰীতি৷
কাৰ্যকৰী সভাপতি গৰাকীয়ে আৰু কয় যে, সদ্য সমাপ্ত বিধান সভা নিৰ্বাচনৰ সময়ত হেলিকপ্টাৰ দিয়া নাছিল ৰাইজৰ দলক৷ অথচ মিত্ৰজোঁট গঠনৰ সময়ত কংগ্ৰেছে অখিল গগৈক হেলিকপ্টাৰ দিয়াৰ কথা দিছিল৷ গৌৰৱ গগৈক বাৰে বাৰে কোৱাৰ পাছতো হেলিকপ্টাৰ নিদিলে অখিল গগৈ। আনকি দলগাঁৱত আমাৰ প্ৰাৰ্থী গৰাকীৰ হৈ প্ৰচাৰাভিযানত অংশ ল’ম বুলি কৈ বিভিন্ন অচিলা লৈ উপস্থিত নাথাকিল গৌৰৱ গগৈ৷ এইয়া হৈছে তেওঁলোকৰ মিত্ৰতা ধৰ্ম৷
সংবাদমেল কংগ্ৰেছৰ বিৰুদ্ধে আন কেতবোৰ বিস্ফোৰক মন্তব্য প্ৰকাশ কৰে ৰাইজৰ দল শীৰ্ষ নেতা গৰাকীয়ে৷ সংবাদমেলত দলটোৰ সাধাৰণ সম্পাদক ৰাছেল হুছেইন সহ আন কে’বাজনো নেতা উপস্থিত থাকে৷
