ঐতিহাসিক ঢেকীয়াখোৱা বৰ নামঘৰত মূখ্যমন্ত্ৰী

HimantaBiswaSarma: দৈনিক অগ্ৰদূত ডিজিটেল ডেস্ক: যোৰহাট ভ্ৰমণৰ আজি তৃতীয় দিনা কাৰ্যসূচীত মূখ্যমন্ত্ৰী হিমন্ত বিশ্ব শৰ্মাই কলীয়া পানি আউনীআটী বিশ্ববিদ্যালয়ৰ পৰা পোনে পোনে আহি ঢেকীয়াখোৱা বৰ নামঘৰত উপস্থিত হৈ চাকি,বন্তি ,শৰাই নৈবেদ্য আগবঢ়ায় নেদেখা জনৰ ওচৰত আশীষ গ্ৰহণ কৰে।

ঢেকীয়াখোৱা বৰ নামঘৰ পৰিচালনা সমিতিয়ে মূখ্যমন্ত্ৰী গৰাকী, গামোচা, সঁফুৰা চেলেং য়ে আদৰি জনোৱাৰ লগতে পৰিচালনা সমিতিৰ পৰা ঢেকীয়াখোৱা বৰনামঘৰক পৰ্যটনৰ থলী হিচাপে গঢ়ি তুলিবলৈ আৰু স্ত্ৰীট লাইট লগোৱাৰ বাবে মূখ্যমন্ত্ৰী গৰাকী স্মাৰক পত্ৰ অৰ্পন কৰে।

মূখ্যমন্ত্ৰী গৰাকীয়ে সংবাদ মাধ্যমৰ আগত পৰ্যটন স্থলী, আধ্যাত্মিক স্থলী হিচাপে গঢ় দিয়াৰ প্ৰচেষ্টা লোৱা হ’ব বুলি জানিবলৈ দিয়ে।