Zubeen Gamosa:জুবিনক্ষেত্ৰত মুল মণ্ডপত প্ৰদৰ্শন ৪৫০ ফুট দৈঘ্যৰ গামোচা

দৈনিক অগ্ৰদূত ডিজিটেল ডেস্ক:শুক্ৰবাৰৰ পৰা হিয়াৰ আমঠু জুবিন গাৰ্গৰ শেষ শয়নস্থলী জুবিনক্ষেত্ৰত তিনিদিনীয়াকৈ বিস্তৃত কাৰ্যসূচীৰে অনুষ্ঠিত হৈছে জুবিন দিৱস ৷ এই উপলক্ষে আয়োজিত সৰ্বধৰ্ম প্ৰাৰ্থনা,নাম প্ৰসংগত অংশ লৈছে অগনন জুবিন অনুৰাগীয়ে ৷ পুৱাৰে ৰাজ্যৰ বিভিন্ন প্ৰান্তৰ অলেখ জুবিন অনুৰাগীৰ সোঁত বৈছে জুবিনক্ষেত্ৰলৈ ৷ লোকে লোকাৰণ্য হৈ পৰিছে জুবিনক্ষেত্ৰ ৷

জুবিনক্ষেত্ৰ মুল মণ্ডপত প্ৰদৰ্শন কৰা এখন বিশেষ গামোচা সকলোৰে আকৰ্ষণৰ কেন্দ্ৰবিন্দু হৈ পৰিছে৷ প্ৰায় ৪৫০ ফুট দৈঘ্যৰ গামোচা খনত আছে জুবিন গাৰ্গৰ এলবামৰ নাম, গীত, আৰু বিভিন্ন স্থিৰচিত্র ৷ ব্যতিক্ৰমী গামোচা খন নিৰ্মাণ কৰি উলিয়াইছে গুৱাহাটীৰ জুবিন গাৰ্গ আর্টিষ্ট ক্লাৱ নামৰ সামাজিক অনুষ্ঠানটোৱে ৷ গামোচা খন স্বচক্ষে চাবলৈ ভীৰ কৰিছে অলেখ জুবিন অনুৰাগীয়ে ৷