ষাড়ঁৰ অন্তিমযাত্ৰাত কে’বাশ লোকৰ ভিৰ তামিলনাডুত

কৰ’না ভাইৰাছত আক্ৰান্ত হৈ মৃত্যু হোৱা বহু লোকৰ মৃতদেহ পৰ্যন্ত গ্ৰহণ কৰা নাই পৰিয়ালৰ লোকে কিন্ত এনে অৱস্থাত আকৌ এটা ষাড়ঁৰ মৃত্যুত সমবেত হ’ল কে’বাশ মানুহ । তলাবন্ধৰ নিয়ম উলংঘা কৰি এটা ষাড়ঁৰ শেষকৃত্য সম্পন্ন কৰে তামিলনাডুৰ মুধুবাৰাপট্টি নামৰ গাওঁত । চলিত সপ্তাহতে তামিলনাডুৰ জাল্লিকাটু উৎসৱত অংশগ্ৰহণ কৰা এটা ষাড়ঁ গৰুৰ মৃত্যু হয় । জাল্লিকাটুত অংশ লোৱা ষাড়ঁবোৰৰ স্থানীয় মানুহৰ মাজত যথেষ্ট মৰ্যাদা আছে । এনে ষাড়ঁৰ মৃত্যুত মানুহৰ দৰেই  নীতি-নিয়ম পালন কৰি সৎকাৰ কৰাৰ নিয়ম আছে ।  মৃত ষাড়ঁ গৰুটোৰ ওপৰত দিয়া হৈছে ফুল ,মালা আদি। ধূপ জ্বলাই ষাড়ঁ গৰুটোৰ গাড়ীৰ আগে-পিছে সমদল কৰি গৈছে কে’বাশ লোক । মুখত কোনো আৱৰণ নোলোৱাকৈয়ে ষাড়ঁগৰুটোৰ অন্তিম যাত্ৰাত সামাজিক দূৰত্ব নামানি অংশ ললে এইসকল লোকে । এই দৃশ্য  সামাজিক মাধ্যমত বিয়পি পৰে । এই  বিষয়টো সমালোচনা কৰিছে বিভিন্ন জনে । উল্লেখ্য যে তামিলনাডুত ১২শ ৰ অধিক লোক এই পৰ্যন্ত ক’ভিড-১৯ ত আক্ৰান্ত হৈছে ,তৎসত্বেও সতৰ্ক নহয় অধিকাংশ লোক । সমগ্ৰ দেশতে এনে তলাবন্ধ ভঙা নিয়ম সংঘটিত হৈ আছে ।