আমেৰিকাত এক লাখ কৰ’নাত মৃত্যু, ট্ৰাম্প ব্যস্ত গ’ল্ফ খেলত

আমেৰিকাৰ ৰাষ্ট্ৰপতিৰ নিৰ্বাচনৰ প্ৰাৰ্থিত্বৰ যুঁজত ডেম’ক্ৰেটিক দলৰ অন্যতম দাবীদাৰ জ’ বাইডেনে হাৱাইত অনুষ্ঠিত হোৱা দলৰ প্ৰাথমিক নিৰ্বাচনত জয় লাভ কৰিলে ৷ কৰ’না ভাইৰাছৰ সংক্ৰমণৰ ফলত হাৱাইত দলৰ প্ৰাথমিক নিৰ্বাচন প্ৰায় এমাহ পলমকৈ অনুষ্ঠিত হ’ল । প্ৰাৰ্থীত্ব লাভৰ প্ৰাথমিক নিৰ্বাচনত জয়লাভৰ পাছতে ডেম’ক্ৰেটিক নেতা বাইডেনে আমেৰিকাৰ ৰাষ্ট্ৰপতি ড’নাল্ড ট্ৰাম্পক কঠোৰভাৱে সমালোচনা কৰিলে ৷ বাইডেনে কয় যে আমেৰিকাত কৰ’না সংক্ৰমণৰ ফলত এক লাখ লোকৰ মৃত্যু হ’ল আৰু ৰাষ্ট্ৰপতি ট্ৰাম্পে গ’ল্ফ খেলি দিন অতিবাহিত কৰিছে ৷ শনিবাৰে অনুষ্ঠিত হোৱা হাৱাইৰ প্ৰাথমিক নিৰ্বাচনত বাইডেনে ৬৩ শতাংশ আৰু প্ৰতিদ্বন্দ্বী বাৰ্ণি ছেণ্ডাৰ্ছে ৩৭ শতাংশ ভোট লাভ কৰে । এই জয়ৰ পাছত ৰাষ্ট্ৰপতিৰ আগন্তুক নিৰ্বাচনত বাইডেনে ডেম’ক্ৰেটিক দলৰ হৈ প্ৰতিদ্বন্দ্বিতা আগবঢ়োৱাৰ সম্ভাৱনা বৃদ্ধি পালে  ৷