প্ৰধানমন্ত্ৰীৰ ৭৬তম ‘মন কি বাত’

ক’ভিড পৰিস্থিতিত প্ৰতিষেধকক লৈ চলি থকা উৰাবাতৰিক গুৰুত্ব নিদিবলৈ পৰামৰ্শ দিলে প্ৰধানমন্ত্ৰী নৰেন্দ্ৰ মোদীয়ে ‌। আজি ‘মন কি বাত’ অনুষ্ঠানত ভাৰতৰ কৰ’না পৰিস্থিতিৰ বিষয়ত মত প্ৰকাশ কৰে প্ৰধানমন্ত্ৰীগৰাকীয়ে । অনুষ্ঠানটোত তেওঁ কয়, ‘আমি কৰ’নাৰ প্ৰথম ঢৌক পৰাজিত কৰিছিলো । আত্মবিশ্বাস আছিল মনত । কিন্তু ইতিমধ্যে দেশ বিধ্বস্ত । কৰ’নাই আমাৰ ধৈৰ্য আৰু সহনশীলতা পৰীক্ষা কৰিছে ।’

কৰ’নাৰ বিৰুদ্ধে যুঁজত কেন্দ্ৰীয় চৰকাৰ ৰাজ্যসমূহৰ লগত আছে বুলিও বাৰ্তা দিয়ে প্ৰধানমন্ত্ৰী মোদীয়ে । তেওঁ কয়, ‘আপোনালোকে জানে যে, প্ৰত্যেকটো ৰাজ্যত বিনামূলীয়া প্ৰতিষেধক প্ৰেৰণ কৰিছো আমি । ৪৫ বছৰ বয়সৰ ঊৰ্ধ্বৰ সকলোৱে এই সুবিধা গ্ৰহণ কৰিব পাৰিব । এক মে’ৰ পৰা ১৮ বছৰ বয়সৰ ঊৰ্ধ্বৰ সকলেও প্ৰতিষেধক লাভ কৰিব । ক’ভিডৰ বিৰুদ্ধে যুঁজত ৰাজ্যসমূহক সকলো ধৰণৰ সহায় কৰিছে কেন্দ্ৰই ।’

Tune in to #MannKiBaat April 2021. https://t.co/ti5rqBhiWH

— Narendra Modi (@narendramodi) April 25, 2021

আজি ‘মন কি বাত’ৰ ৭৬তম অনুষ্ঠান । ইতিমধ্যে দেশত দৈনিক প্ৰায় চাৰে তিনি লাখকৈ লোক সংক্ৰমিত হৈছে । এনে পৰিস্থিতিত প্ৰধানমন্ত্ৰীগৰাকীয়ে কয়, ‘সম্প্ৰতি কৰ’নাক পৰাজিত কৰাই আমাৰ মূল লক্ষ্য । প্ৰেতিষেধক গ্ৰহণ কৰাৰ লগতে সাৱধানতা অৱলম্বন কৰাও প্ৰয়োজনীয় । সংক্ৰমণ বৃদ্ধি পোৱাৰ লগতে সুস্থতাৰ হাৰো বৃদ্ধি পাইছে ।’