ৰাজ্যত পুনৰ বিদ্যালয় খোলাৰ প্ৰকৃত পৰীক্ষা সোমবাৰৰ পৰা আৰম্ভ হ’ব । চাৰি লাখৰো অধিক দশম শ্ৰেণীৰ শিক্ষাৰ্থীক বিদ্যালয় চৌহদত আমন্ত্ৰণ জনাবলৈ প্ৰস্তুত কৰ্তৃপক্ষ ।
শ্ৰেণীকোঠাসমূহ সম্পূৰ্ণভাৱে ছেনিটাইজ কৰা হৈছে আৰু ক’ভিড বিধি অৱলম্বন কৰি বহাৰ ব্যৱস্থা কৰা হৈছে । সকলো শ্ৰেণী আৰম্ভ কৰিবলৈ ৰাজ্য চৰকাৰ এই পৰ্যন্ত পৰীক্ষামূলক পৰ্যায়তে আছে । শিক্ষা বিভাগৰ সূত্ৰ অনুসৰি, ‘অসমত ক’ভিড পজিটিভিটী ৰেট এক শতাংশৰ নিম্নগামী হৈছে যদিও চৰকাৰে শিক্ষাৰ্থীসকলৰ স্বাস্থ্যৰ প্ৰতি ভাবুকি আনিব বিচৰা নাই । মুখ্যমন্ত্ৰী হিমন্ত বিশ্ব শৰ্মাক ৰাজ্য চৰকাৰৰ সিদ্ধান্ত আৰু বিদ্যালয় পুনৰাই খোলাৰ সম্পৰ্কে জনোৱা হৈছে । গতিকে, সকলো শ্ৰেণী পুনৰ আৰম্ভ কৰাৰ বিষয়ত সিদ্ধান্ত গ্ৰহণ কৰাৰ দায়িত্ব তেওঁৰ ওপৰতেই ।’
চাৰিমাহ পাছত ৰাজ্যত ছয় ছেপ্টেম্বৰৰ পৰা দ্বাদশ শ্ৰেণী আৰু স্নাতক চূড়ান্ত বৰ্ষৰ শাৰীৰিক শ্ৰেণী পুনৰ আৰম্ভ হৈছে । কিন্তু গুৱাহাটীত প্ৰথম দিনটোত শ্ৰেণীত ৫০ শতাংশতকৈ কম শিক্ষাৰ্থী উপস্থিত থকা দেখা যায় । কামৰূপৰ (মহানগৰ) বিদ্যালয় পৰিদৰ্শক প্ৰশন্ন বৰাই কয়, ‘বৃহত্তৰ গুৱাহাটীৰ বিভিন্ন বিদ্যালয়ত দ্বাদশ শ্ৰেণীত শিক্ষাৰ্থীৰ উপস্থিতি ৬০ শতাংশতকৈ কম । দশম শ্ৰেণীতো আমি প্ৰথম দিনটোত ৬০ শতাংশতকৈ অধিক শিক্ষাৰ্থীৰ উপস্থিতি আশা কৰা নাই ।’
অসম মাধ্যমিক শিক্ষা পৰিষদে (ছেবা) ইতিমধ্যে অফলাইন পাঠদান নোহোৱাৰ বাবে দশম শ্ৰেণীৰ ৰাজ্যিক বোৰ্ড পৰীক্ষাৰ পাঠ্যতালিকাৰ পৰা ৪০ শতাংশ পাঠ্যক্ৰম হ্ৰাস কৰিছে । যদিও শিক্ষাৰ্থীসকলৰ বাবে এইটো সকাহ যে, ছেবাৰ কৰ্মচাৰীসকলে কৈছে, আভ্যন্তৰীণ পৰীক্ষাৰ লগত কোনো আপোচ কৰা নহ’ব, যাৰ ভিত্তিত মূল্যায়ন কৰা হ’ব যদি, মহামাৰীয়ে ২০২২ৰ বোৰ্ড পৰীক্ষাও ব্যাহত কৰে ।
ছেবাৰ পৰীক্ষা নিয়ন্ত্ৰক নয়ন জ্যোতি শৰ্মাই কয়, “অনলাইনেই হওক বা অফলাইন শ্ৰেণীবোৰ সকলো শিক্ষাৰ্থীৰ বাবে গুৰুত্বপূৰ্ণ হ’ব । আগতে আভ্যন্তৰীণ মূল্যায়নৰ নম্বৰবোৰ সঠিকভাৱে নথিভুক্ত কৰা হোৱা নাছিল । কিন্তু, সম্প্ৰতি ছেবাই দশম শ্ৰেণীত উত্তীৰ্ণ হ’বলগীয়া সকলো শিক্ষাৰ্থীৰ তথ্য ৰাখিছে । আমি ইতিমধ্যে প্ৰথম আভ্যন্তৰীণ মূল্যায়ন (ইউনিট পৰীক্ষা)ৰ নম্বৰসমূহ নথিভুক্ত কৰিছো ।”
