ক’ভিড-১৯ৰ বাবে ২০২০ৰ মাৰ্চৰ পৰা যি তলাবন্ধ আৰম্ভ হৈছিল, সেই তলাবন্ধই প্রত্যেকৰে জীৱনত বাৰুকৈয়ে প্রভাৱ পেলাইছিল। ময়াে তাৰ ব্যতিক্রম নহয়। সেই সময়ত মই মুম্বাইত আছিলাে আৰু মইবাস কৰা বিল্ডিংটো ছীল কৰি দিয়া হৈছিল।
কোনাে বাহিৰা লােকৰ অহা-যােৱা কৰাৰ অনুমতি নাছিল। সেই সময়ত মােৰ একমাত্র জীৱিকাৰ সমল আছিল মােৰ ইউটিউব চেনেল ‘প্রজেক্টবার্তালাপ’। সেই সময়লৈকে মই যি গান মুক্তি দিছিলাে, তাৰ বাবদ মই মাহেকীয়াকৈ এটা বেতন লাভ কৰিছিলাে।
সেই মাহেকীয়া বেতনটো যাতে লাভ কৰি থাকো সেইবাবে মই আৰু গান লিখিবলৈ, সুৰ কৰিবলৈ চেষ্ট কৰিলাে আৰু ২০২০ৰ তলাবন্ধত প্রায় চাৰি-পাঁচটা গান ৰাইজৰ মাজত এৰি দিবলৈ সক্ষম হ’লাে। মই নিজকে সৌভাগ্যৱান বুলি ভাবাে, কিয়নাে ৰাইজৰ আশীর্বাদত মই আজি সংগীতৰ দ্বাৰাই জীৱন-নির্বাহ কৰিব পাৰিছে।
ক’ভিডৰ বাবে যিসকল সংগীত শিল্পীয়ে জীৱন-নির্বাহৰ বাবে সংগীত বাদ দি বেলেগ কিবা জীৱিকাৰ পথ বিচাৰি ল’লে, তেওঁলােকক মই এটাইকথা ক’ব বিচাৰিম যে আমি আজিৰ দিনত কেৱল লাইভ মিউজিক’বা লাইভ পাৰফৰ্মেন্স’তে নিৰ্ভৰশীল হৈ থাকিলে নহ’ব।
‘লাইভ মিউজিক’ৰ লগতে আমি উপার্জনৰ বাবে অন্য পথ বাচি উলিয়াব লাগিব অন্য পথ বুলি ক’বলৈ গলে মই ‘অনলাইন প্লেটফৰ্মৰ কথা কম। ইউটিউব, স্পটিফাই’, ‘এপলমিউজিক’ আদিৰ পৰাও এটা ভাল উপার্জন হ’ব পাৰে। লগতে আৰু এটা কথা, যিসকলে সংগীত বাদ দি বেলেগ উপার্জনৰ পথ বিচাৰি লৈছে সেয়াও কোনাে ভুল নহয়।
তেওঁলােকে যদি সেই কাম ভালদৰে কৰিছে, সেয়া খুব ভাল কথা। মােৰ বহুত বন্ধু আছে যি দোকান দি ভাল ভাল উপার্জন কৰি আছে। গতিকে উপার্জনৰ পথ যিয়ে নহওক, মাত্র সৎ হ’ব লাগে। যিসকলে কেৱল সংগীত কৰি জীৱন-নির্বাহ কৰিম বুলি ভাবিছে, তেওঁলােকে কেৱল ‘লাইভ মিউজিক’ কৰিলেই নহ’ব; তাৰ লগতে সংগীতৰ লগত জড়িত বেলেগ উপার্জনৰ পথাে বিচাৰি উলিয়াব লাগিব।
আগন্তুক সময় বা বছৰটো মােৰ তথা বিশ্ববাসীৰ বাবে কেনে হােৱাটো বিচাৰাে আৰু তাৰ বাবে মােৰ তৰফৰ পৰা কৰণীয় কি আছেবুলি কোৱাৰ আগতে মই পােনপ্ৰথমে সকলােলৈকে আগন্তুক নৱবৰ্ষৰ শুভেচ্ছা জ্ঞাপন কৰিছাে।আশাকৰাে আগন্তুক বৰ্ষটো বিগত দুটি বৰ্ষতকৈ যাতে ভাল হ’ব আৰু লগতে মই সকলােৰে সু-স্বাস্থ্য কামনা কৰিছাে।
মই আশাবাদী যে ২০২২ বৰ্ষটো শিল্পী সমাজৰ বাবে এটা ভাল বর্ষ হ’ব। মােৰ তৰফৰ পৰা ৰাইজৰ বাবে আৰু নতুন গীত উপহাৰ দিবলৈ সাজু হৈছাে। বহুকেইটা নতুন গীতৰ কাম চলি আছে যি মই আগন্তুক বৰ্ষত মুকলি কৰি দিম। আশাকৰাে ৰাইজে আদৰি ল’ব। এই পর্যন্ত মােৰ প্রায় ২০টা মান গীতে মুক্তি লাভ কৰিলে।
ভিডিঅ’ বুলি কবলৈ গ’লে মােৰ গানৰ লিৰিকেল ভিডিঅহে আছে, অফিচিয়েল ভিডিঅ’ তেনেকৈ বিশেষ নাই। তথাপি গীত বুলি ক’বলৈ গলে ২০টা মান আছে আৰু মই ‘লাইভ পাৰফৰ্ম কৰিলে মােৰ নিজৰ গীতেই পৰিৱেশন কৰিবলৈ চেষ্টা কৰাে। আগন্তুক বৰ্ষত প্রায় ১০টা গীত মুকলি হ’বলৈ গৈ আছে আৰু তাৰ ভিতৰত দুটিমান হিন্দী গীততা আছে। সফলতাৰ সংজ্ঞা কি? এইটো মােৰ বাবে এটা কঠিন প্রশ্ন।
কিয়নাে সফলতাৰ সংজ্ঞা দিব পৰাকৈ নিজকে মই সফল বুলি নাভাবাে আৰু সকলােৰে বাবে সফলতাৰ সংজ্ঞা বেলেগ বেলেগ হ’ব পাৰে। কাৰােবাৰ বাবে ধন, টকা-পইচা আৰু আন কাৰােবাৰ বাবে সুখ-শান্তিৰে দুবেলা দুসাজ খােৱাটোৱেই সফলতা হ’ব পাৰে।
কাৰােবাৰ বাবে নিজৰ উম্বকাংক্ষী সপােনৰ প্রাপ্তিয়েই সফলতা হ’ব পাৰে। মই যি কাম কৰি ভাল পাওঁ, যিকামে মােক শান্তি দিয়ে সেই কাম দিনে ১২ ঘণ্টাকৈ কৰিবলৈ পালেই মই সফল হৈছে বুলি ভাবাে। নতুন প্রজন্মই নিজৰ সফলতাৰ সংজ্ঞা নিজে বিচাৰি তেনেকৈ আগবাঢ়ি যােৱাটো মই উচিত বুলি ভাবাে আৰু আমি নিজৰ সফলতাৰ লগতে সমাজখন আমি আৰু ভাল দৰে কেনেকৈ গঢ়ি তুলিব পাৰে, সেই চিন্তা কৰিব লাগে। লগতে ভৱিষ্যত প্রজন্মক আমি কি দি থৈ যাব পাৰাে, সেই কথাষাৰ সদায় চিন্তা কৰা উচিত। এইদৰেই যদি আমি আগবাঢ়ি যাওঁ, মােৰ বিশ্বাস যে আমি সচাঁকৈয়ে এখন ধুনীয়া পৃথিৱী গঢ়ি তুলিব পাৰিম।
