spicejet : অৱতৰণৰ কিছু সময় আগতেই হঠাৎ বিমানত যান্ত্রিক ত্রুটিৰ উমান পায় পাইলটে । ফায়াৰ এলার্ম বাজি উঠে । কেবিন আৰু ককপিট ভৰি উঠে ধোঁৱাত । যাত্রীসকল আতংকিত হৈ পৰে । ইয়াৰ পাছতেই দ্রুত পাইলটে এয়াৰ ট্রেফিক কন্ট্র’ল (এটিচি)-ৰ স’তে যোগাযোগ কৰে । কোনো ধৰণৰ সমস্যা নোহোৱাকৈ বিমানখনক আপৎকালীন অৱতৰণ কৰা হয় তেলেংগানাৰ হায়দাৰাবাদ বিমানবন্দৰত ।
বিমান চলাচল নিয়ামক সংস্থা ‘ডিৰেক্টৰেট জেনেৰেল অৱ চিভিল এভিয়েছন’ (ডিজিচিএ) সূত্রে খবৰ, বুধবাৰে নিশা ১১ বজাত গোৱাৰ পৰা হায়দাৰাবাদগামী স্পাইছজেটৰ বিমানত ওই ঘটনা সংঘটিত হয় । প্রসংগত, বিগত বছৰত কলকাতা বিমানবন্দৰৰ পৰা বাগডোগৰাগামী স্পাইছজেটৰ এআন বিমানত একেই ধোঁৱা ওলোৱাৰ ঘটনা ঘটিছিল । কিছু মাহ পূৰ্বে জবলপুৰতো একেই ঘটনা ঘটে ।
@narendramodi @PMOIndia @flyspicejet @PilotSpicejet @SpiceJetRBLX @JM_Scindia Respected sir or to whomsoever it may concern.
Night we were returning to hyd from goa within the ✈️ (Spicejet),suddenly there was smoke all around inside the plane starting from nagpur to hyderabad… pic.twitter.com/zZa9OUmJib— Srikanth Mulupala (@SrikanthMulupal) October 13, 2022
হায়দাৰাবাদ বিমানবন্দৰৰ এজন বিষয়াই জনাইছে, ঘটনাৰ সময়ত কানাডাৰ ডি হেভিলেণ্ড সংস্থাৰ দ্বাৰা নির্মিত এই কিউ-৪০০ টার্ব’-ইঞ্জিন বিমানত মুঠ ৮৬ জন যাত্রী আছিল । তেওঁলোক সকলোৱে সুৰক্ষিত । ঘটনাৰ ফলত ন খন বিমানৰ যাত্রপথ সলনি কৰা হয় । ইতিমধ্যে ঘটনাৰ তদন্ত আৰম্ভ হৈছে ।
It took 20 minutes from there and we all the passengers suffered and blacked out with fear. Luckily we landed alive and safely… But what if something happens and who would be responsible, this happened clearly due to the neglence of the crew and respective department. pic.twitter.com/gwvltHNlHR
— Srikanth Mulupala (@SrikanthMulupal) October 13, 2022
স্পাইছজেটৰ এই বিমানত থকা এজন যাত্রীয়ে ধোঁৱাৰে আৱৰা কেবিন হায়দাৰাবাদ বিমানবন্দৰত জৰুৰী অৱতৰণৰ ভিডিঅ’ টুইট কৰিছে । তেওঁ লিখিছে, ‘গোৱাৰ পৰা হায়দাৰাবাদলৈ উভতিছিলো । যাত্রাবিৰতিৰ পাছত নাগপুৰৰ পৰা বিমানখন আকাশত উৰাৰ পাছতে ভিতৰভাগ ধোঁৱাৰে ভৰি যায় ।’
