Administration eviction operation in Sonapur Kachutali:
দিছপুৰ(ডিমৰীয়া) সমষ্টিৰ অন্তৰ্গত সোণাপুৰৰ কচুতলীত প্ৰশাসনৰ উচ্ছেদ অভিযান। অবৈধ বেদখলকাৰীৰ বিৰুদ্ধে প্ৰশাসনে চলাই উচ্ছেদ ৷ জনজাতীয় ভূমি বেদখলৰে বাসগৃহ নিৰ্মাণ কৰিছিল প্ৰায় ১২০ ঘৰ বেদখলকাৰীয়ে ৷ এই অবৈধ বেদখলকাৰীৰ বিৰুদ্ধে তৎপৰ হৈ পৰে আৰক্ষী ৷ বিগত চাৰিদিন ধৰি আৰক্ষী- চিআৰপিএফ সহ বৃহৎ নিৰাপত্তা বাহিনীৰ উপস্থিতিত প্ৰশাসনে জেচিবিৰে এফালৰ পৰা ভাঙি তচনচ কৰে বাসগৃহ সমূহ৷
উদ্থাপিত অভিযোগ মতে,বেদখলকাৰীয়ে কলং আৰু ডিগাৰু নদীপথেৰে আহি বসতি কৰিছিল কচুতলীত। পৰৱৰ্তী সময়ত অবৈধ বেদখলৰ বিৰুদ্ধে সোনাপুৰৰ জনজাতীয় দল- সংগঠন সৰব হৈ পৰে ৷ জনজাতীয় ভূমি বেদখলৰ কৰা কাৰ্যৰ বিৰুদ্ধে চৰকাৰক কাৰ্যব্যৱস্থা ল’বলৈ ওলাই আহে শ শ জনজাতীয় জনতা ৷
অৱশেষত ৰাইজৰ প্ৰতিবাদৰ প্ৰতি সহাৰী জনাই সোণাপুৰৰ কচুতলীত অবৈধ বেদখলকাৰী বাসগৃহত পৰিল প্ৰশাসনৰ হাতুৰি ৷ যোৱা চাৰিদিন ধৰি প্ৰশাসনে অব্যাহত ৰাখে উচ্ছেদ অভিযান।
