Michael Rosenberg:
সামাজিক মাধ্যমত আৰু দেখা নাযাব আমেৰিকাৰ বিখ্যাত সংগীতজ্ঞ মাইকেল ডেভিদ ৰ’জেনবাৰ্গক। ‘লেট হাৰ গ’ৰ জৰিয়তে বিশ্বজোৰা খ্যাতি অর্জন কৰা ৰ’জেনবার্গে কয় যে সামাজিক মাধ্যম ব্যৱহাৰকাৰীসকলৰ ৰুচিৰ দ্রুত পৰিৱৰ্তন ঘটে। একোটা ভিডিঅ’, ৰীল আদি ৩০ ছেকেণ্ডতকৈ অধিক সময় কোনেও নাচায় বুলি তেওঁ মন্তব্য কৰে।
এনে কাৰণতে সামাজিক মাধ্যম ত্যাগৰ সিদ্ধান্ত লোৱা বুলি সদৰী কৰি এক সাক্ষাৎকাৰত তেওঁ কয়, ‘খোলাখুলিকৈ কওঁ যে মোক আৰু সামাজিক মাধ্যমত নাপাব। অর্থাৎ মই নিজে ফে’চবুক, ইনস্টাগ্রাম আৰু ইউটিউব ব্যক্তিগতভাবে ব্যৱহাৰ নকৰো। এইসমূহ বিষাক্ত যেন লাগিছে। মই ভাবো যে এইসমূহে মোৰ মগজুৰ উপকাৰ সাধন কৰা নাই।’
গীত ৰচনা, এলবাম তৈয়াৰ আৰু দীঘলীয়া সৃষ্টিতে সময় অতিবাহিত কৰিব বিচাৰে বুলিও তেওঁ মন্তব্য কৰে। প্ৰসিদ্ধ সংগীত শিল্পীজনে লগতে কয়, ‘সামাজিক মাধ্যমত ৩০ ছেকেণ্ডতকৈ অধিক সময় কোনেও একোৱে চাব নিবিচাৰে। যদি মানুহৰ ধৈর্য নাথাকিলেও সেয়াও ঠিকে আছে। তথাপি মই বিশ্বাস কৰো যে অর্থপূর্ণ আৰু বিশুদ্ধ সৃষ্টি আমি অব্যাহত ৰখা উচিত।’
ইয়াৰ জৰিয়তে শিল্পীজনে ইংগিত দিয়ে যে তেওঁৰ সাময়িক জনপ্রিয়তা অৰ্জনৰ প্ৰতি কোনো আগ্রহ নাই। এই সম্পর্কত তেওঁ আৰু কয়, ‘সাময়িক জনপ্রিয়তা অৰ্জনৰ বাবে কিবা এটা সৃষ্টি কৰাটো সদায়ে লোভনীয় হয়। কিন্তু পৰিশেষত কি হ’ব? মই মোৰ ক্ষেত্ৰত ভাবো যে মই এনে এক অৱস্থানত আছো যে সৃষ্টি অব্যাহত ৰাখিব পাৰিম। মই আৰু টিকটকত নৃত্য নকৰো।’
উল্লেখ্য যে অলপতে ৰ’জেনবার্গে ভাৰতত অভিষেক ঘটোৱাৰ কথা। ইতিমধ্যে বুক মাই শ্ব’ই এই কথা প্ৰচাৰ কৰিছে। ভাৰতক ভাল পায় বুলি উল্লেখ কৰি সংগীত শিল্পীজনে লগতে কয়, ‘মই পৰ্যটকৰূপে বহুবাৰ ভাৰত ভ্ৰমণ কৰিছো। অৱশেষত মই ভাৰতীয় দর্শকসকলৰ বাবে মোৰ অনুষ্ঠান পৰিবেশন কৰিবলৈ সাজু হৈছো। ইয়াক লৈ মই উৎসাহিত হৈ আছো।’
তেওঁ বেণ্ডৰ স’তে সংগীতানুষ্ঠান পৰিবেশন নকৰে বুলিও জনায়। তেওঁ অকলে গীটাৰ বজাই গীত পৰিৱেশন কৰে। তেওঁৰ সংগীতানুষ্ঠান অতি সৰল আৰু আন্তৰিকতাপূর্ণ বুলিও ৰ’জেনবার্গে মন্তব্য কৰে। আগন্তুক ভাৰত ভ্ৰমণৰ সময়ত তেওঁ ভাৰতীয় সংগীত সম্পর্কে গভীৰ জ্ঞান আয়ত্ত কৰিবলৈ বিচাৰে বুলিও তেওঁ কয়। ভাৰতীয় সংগীত সম্পর্কত তেওঁ লগতে কয়, ‘ভাৰতীয় সংগীত সম্পর্কে মোৰ যেনেদৰে জ্ঞান থাকিব লাগে তেনে জ্ঞান নাই। গতিকে মই কিছু সংখ্যক ভাৰতীয় সংগীতজ্ঞৰ স’তে সহযোগিতা কৰিব বিচাৰো। এয়া মজাৰ কথা হ’ব।’
