Pramod Baro Rally in Mushalpur :
বিটিচি নিৰ্বাচনৰ দিন ঘোষণা হোৱা নাই যদিও ৰাজ্য চৰকাৰে চেপ্তেম্বৰ মাহতে নিৰ্বাচন হ’ব স্বয়ং মুখ্যমন্ত্ৰী গৰাকীয়ে ঘোষণা কৰাৰ পিছৰে পৰা বিটিচিৰ চৌদিশে এতিয়া ইউপিপিএল,বিপিএম আৰু বিজেপিয়ে নিৰ্বাচনী প্ৰচাৰাভিযান তীব্ৰতৰ কৰি তুলিছে ৷
একেদৰে শামুকীয়া গতিত প্ৰচাৰাভিযান অব্যাহত ৰাখিছে কংগ্ৰেছেও৷ বিগত পৰিষদীয় নিৰ্বাচনৰ পিছত একেলগে বিটিচি দখল কৰা দুই শাসনাধিষ্ঠ ইউপিপিএল আৰু বিজেপিয়ে দিছপুৰত যদিও একলগ বিটিআৰত সুকীয়া সুকীয়াকৈ নিৰ্বাচনী যুঁজত অৱতীৰ্ণ হৈছে ৷ আনহাতে হাগ্ৰামা মহিলাৰী নেতৃত্বাধীন বিপিএফে আগ্ৰাসী ৰূপ লৈ ব্যাপক নিৰ্বাচনী অভিযান অব্যাহত ৰাখিছে ।
আনহাতে ৰাজ্যৰ মুখ্যমন্ত্ৰী ড:হিমন্ত বিশ্ব শৰ্মাই বিগত এটা মাহ ধৰি বিটিচিৰ চৌদিশে বিভিন্ন সকল্প সভা শীৰ্ষক জনসভাত অংশ লৈ ইউপিপিএল,বিপিএফৰ বাবে মুৰৰ কামোৰণি হৈ পৰিছে ৷ একেদৰে পিছ পৰি থকা নাই বিটিআৰৰ শাসনত থকা প্ৰমোদ বড়োৰ ইউপিপিএল ৷ বড়োৱে বিটিচি অঞ্চলৰ বিভিন্ন স্থানত পূৰ্ণ গতিত চলাই গৈছে ইখনৰ পিছত সিখনকৈ সভা ।
এনে প্ৰচাৰাভিযানৰ মাজত বিটিচি নিৰ্বাচনত আৰম্ভ হৈছে হেলিকাপ্টাৰৰ ৰাজনীতি হেলিকাপ্টাৰক লৈ হাগ্ৰামা মহিলাৰীক কটাক্ষ প্ৰমোদ বড়োৰ। নিৰ্বাচনকলৈ হাগ্ৰামা মহিলাৰীৰ নাই কোনো এজেণ্ডা।সেয়ে হেলিকাপ্টাৰৰ কথাৰে ৰাইজক আকৰ্ষনৰ চেষ্টা কৰিছে হাগ্ৰামাই। সম্প্ৰতি সমষ্টিয়ে সমষ্টিয়ে আৰম্ভ হৈছে নিৰ্বাচনী কুচকাৱাজ। ইতিমধ্যে হেলিকাপ্টাৰেৰে প্ৰচাৰ আৰম্ভ কৰিছে হাগ্ৰামাই।
ইয়াকে লৈ প্ৰমোদ বড়োৰ কটাক্ষ হাগ্ৰামাৰ নাই কোনো মিছন ভিজন। সেয়ে হেলিকাপ্টাৰত তেল ভৰোৱা কথাক লৈ ৰাইজক আভুৱা ভাৰিছে হাগ্ৰামাই। ৰাজনীতিত হেলিকাপ্টাৰৰ তেল ভগোৱা লৈ নাই কোনো সম্পৰ্ক।লাগিব ৰাজনৈতিক এজেণ্ডা। আনফালে হাগ্ৰামাই কমেডিয়ান লগত লৈ প্ৰচাৰ কৰাকলৈও প্ৰমোদ বড়োৱে কটাক্ষ । হাগ্ৰামা নিজেই এজন কমেডিয়ান। সেয়ে তেওঁ কমেডিয়ান লগত লৈ ঘুৰে।
কিন্তু ডাক্তৰ বা বৈজ্ঞানিক লগত লৈ নুঘুৰে বুলি মন্তব্য প্ৰকাশ কৰে প্ৰমোদ বড়োৱে। নাচ-গান কৌতুকেৰে ৰাইজৰ মন আকৰ্ষন কৰিলে নহব, ৰাইজ জনাব লাগিব ৰাজনৈতিক দলটোৰ লক্ষ্য-উদ্দেশ্য। ৰাইজৰ বাবে দলটোৱে কি কৰিব । হাগ্ৰামাৰ কোনো ভিজন নাই বাবে এনেধৰণে প্ৰচাৰ চলাই আছে।
ইফালে বিটিচিত সংঘটিতত হিংসাত্মক ঘটনাকলৈও প্ৰমোদ বড়োৰ গুৰুত্বপূৰ্ণ মন্তব্য। এবছুত মোৰ নেতৃত্বত দহবছৰীয়া সংগ্ৰামৰ সময়ত এজন লোকৰো মৃত্যু হোৱা নাছিল।হাগ্ৰামাৰ দিনতেই হত্যা কৰা হৈছিল দুজনকৈ সাংবাদিকৰ লগতে ডেৰশতাধিক লোকক।হাগ্ৰামাই নিজৰ ব্যৰ্থতা ঢাকিবলৈ গৈ আনলৈ দায় থেলিছে।