West Karbianglong:
পশ্চিম কাৰ্বি আংলঙত ভয়াৱহ পথ দুৰ্ঘটনা৷ পুৱতি নিশা সংঘটিত দুৰ্ঘটনাটোত থিতাতে প্ৰাণ গ’ল তিনি গৰাকী মহিলাৰ । আনহাতে আহত হয় ১৫ গৰাকী লোক। আহতসকলক উম্মানাই প্রাথমিক চিকিৎসালয়ত ভর্তি কৰা হয় যদিও ইয়াৰে ৭ জনৰ অৱস্থা অতি সংকটজনক হোৱাত ততাতৈয়াকৈ প্ৰেৰণ কৰা হয় জিএমচিএইছলৈ।
শোকাৱহ দুৰ্ঘটনাটো সংঘটিত হয় পশ্চিম কাৰ্বি আংলঙ উমছোৱাইৰ ৰাজপথত। তিৱা জনগোষ্ঠীৰ লাংখন উৎসৱৰ পৰা ঘৰলৈ উভতাৰ পথত সংঘটিত হয় এই দুর্ঘটনা। দ্ৰুতবেগী পিকআপ ভান খন নিয়ন্ত্ৰণ হেৰুৱাই পথৰ ওপৰতে বাগৰি পৰে ৷ফলত বাহন খনৰ তিনি আৰোহী ক্ৰমে কুলবাৰী মালাং, চিলনি আমচং, মনি আমচং ঘটনাস্থলীতে কৰুণ মৃত্যুক সাৱটি লয় ৷ ঘটনা সংঘটিত হোৱাৰ পিছতে আৰক্ষী উপস্থিত হৈ মৃতদেহ মৰণোত্তৰ পৰীক্ষাৰ বাবে চিকিৎসালয়লৈ প্ৰেৰণ কৰাৰ বিপৰীতে আহত সকলক চিকিৎসালয়লৈ নিয়াৰ ব্যৱস্থা গ্ৰহণ কৰে ৷ কাহিলি পুৱাই সংঘটিত এই শোকাৱহ দুৰ্ঘটনাই জোকাৰি যায় সমগ্ৰ কাৰ্বি আংলং ৷
ADVERTISEMENT
