Bihar Election Result Updates:
বিহাৰ বিধানসভা নিৰ্বাচনৰ এগজিট প’লৰ ভৱিষ্যত বাণীক ভুল প্ৰমাণিত কৰি মেজিক নম্বৰ ১২২ত তৈ বহু বেছি আসন লাভেৰে ৰাজকীয় অগ্ৰগতি লাভেৰে পুনৰবাৰ চৰকাৰ গঠন কৰাটো নিশ্চিত হৈ পৰিছে এনডিএ । ভোট গণনাৰ শেহতীয়া খবৰ অনুসৰি এনডিএ ২০২ আসনত অগ্ৰগতি লাভ কৰাৰ বিপৰীতে আৰজেদিয়ে ৩২ খন আসনত আৰু কংগ্ৰেছে ৬ খন আসনত অগ্ৰগতি লাভ কৰিছে ৷
উল্লেখ্য যে নীতিশ কুমাৰ মন্ত্ৰী সভাৰ ২৯ মন্ত্ৰীৰ ২৮ গৰাকীয়ে নিজ নিজ আসনত ৰাজকীয় অগ্ৰগতি লাভ কৰিছে ৷
ইপিনে এনডিএ পাটনাৰ মছনদ দখল কৰটো নিশ্চিত হোৱাৰ পিছতে বিজেপিৰ বিহাৰ আৰু দিল্লীস্থিত মুখ্য কাৰ্যালয়ৰ লগতে জেডিইউ বিহাৰৰ প্ৰদেশ কাৰ্যালয়ত নেতা – কৰ্মীৰ মাজত এক উৎসৱ মুখৰ পৰিবেশৰ সৃষ্টি হয় ৷ ইজনে সিজনক খুৱাইছে মিঠাই ৷
আনহাতে বিহাৰত এনডিএ ৰাজকীয় সফলতাত সন্তুষ্টি লাভ কৰি আজি সন্ধিয়া ছয় বজাত প্ৰধানমন্ত্ৰী নৰেন্দ্ৰ মোদীয়ে দিল্লীস্থিত বিজেপিৰ মুখ্য কাৰ্যালয়ৰ পৰা সম্বোধন কৰিব বিহাৰবাসীক ৷ এই উপলক্ষে আয়োজিত অনুষ্টুপীয়া অনুষ্ঠানত উপস্থিত থাকিব বিজেপিৰ ৰাষ্ট্ৰীয় সভাপতি জেপি নাড্ডা, গৃহমন্ত্ৰী অমিত শ্বাহ,প্ৰতিৰক্ষা মন্ত্ৰী ৰাজনাথ সিং সহ জ্যেষ্ঠ নেতা ৷
