Mizoram Bye Election Results:
চুবুৰীয়া পাৰ্বত্য ৰাজ্য মিজোৰাম বিধানসভাৰ ডাম্পা সমষ্টিৰ বাবে অনুষ্ঠিত হোৱা উপ-নিৰ্বাচনৰ আজি আছিল ভোট গণনা ৷ পুৱাৰে পৰা অনুষ্ঠিত হোৱা ভোট গণনাৰ অন্তত এমএনএফৰ প্ৰক্ষেপিত প্ৰাৰ্থী ড: আৰ লালথানলিয়ানা বিজয়ী হয় ৷ ড:লালথানলিয়ানাই পৰাভূত কৰে শাসকীয় ডেড পিএমৰ প্ৰাৰ্থী ভানলালচাইলোভাক ৷
উল্লেখ্য যে ভাৰতৰ নিৰ্বাচন আয়োগে শুকুৰবাৰে ঘোষণা কৰা অনুসৰি ডাম্পা সমষ্টিৰ উপ-নিৰ্বাচনত ৫৬২ টা ভোটৰ ব্যৱধানত জয়লাভ কৰিছে মিজো নেশ্যনেল ফ্ৰণ্টৰ প্ৰাৰ্থী আৰ লালথাংলিয়ানাই। আজি পুৱা ৮ বজাৰ পৰা ডাম্পা উপ-নিৰ্বাচনৰ ভোট গণনা আৰম্ভ হয় আৰু ৫ ৰাউণ্ড গণনাৰ অন্তত এম এন এফৰ প্ৰাৰ্থী গৰাকীয়ে ৬৯৮১টা ভোট লাভ কৰি বিজয়ী সাব্যস্ত কৰে ৷ আনহাতে ৬৪১৯টা ভোট লাভ কৰে জোৰাম পিপলছ মুভমেণ্টৰ প্ৰাৰ্থী ভানলালছাইলোভাই।
ইফালে কংগ্ৰেছৰ জন ৰটলুয়াংলিয়ানাই ২৩৯৪টা, ভোট ৷ বিজেপিৰ লালমিংথাংগাই ১৫৪১টা আৰু মিজোৰাম পিপলছ কনফাৰেন্সৰ প্ৰাৰ্থী কে জাহমিংথাংগাকে ৫০টা ভোট লাভ কৰে ৷
উল্লেখযোগ্য চলিতবৰ্ষৰ ২২ জুলাইত নতুন দিল্লীৰ এখন চিকিৎসালয়ত এমএনএফৰ ডাম্পা সমষ্টিৰ বিধায়ক লালৰিণ্টলুয়াংগা চাইলোৰ মৃত্যু হয় ৷ ছাইলো দুবাৰৰ বিধায়ক আছিল ডাম্পাৰ ৷
আজি ডাম্পা সমষ্টিৰ উপ- নিৰ্বাচনত এম এন এফে ডাম্পা সমষ্টি পুনৰ দখল কৰাৰ জৰিয়তে বিধানসভাত দলটোৰ সংখ্যা হ’লগৈ ১০ ৷
৪০ জনীয়া মিজোৰাম বিধানসভাত শাসকীয় জেড পি এমৰ সংখ্যা ২৭ খন ৷ একক সংখ্যাগৰিষ্ঠতাৰে ৰাজ্যখন শাসন কৰি আছে জেড পি এমে ৷
বিহাৰ বিধানসভা নিৰ্বাচনৰ সমান্তৰালকৈ আজি পুৱা ৮ বজাৰ পৰা ৬খন ৰাজ্য আৰু ১খন কেন্দ্ৰীয় শাসিত অঞ্চলৰ ৮ খন বিধানসভাৰ আসনৰ বাবে উপ-নিৰ্বাচন ভোট গণনা আৰম্ভ হয় । একেদৰে জম্মু-কাশ্মীৰৰ বুডগাম, আৰু নাগ্ৰোটা, ৰাজস্থানৰ অন্তা, পঞ্জাৱৰ তৰ্ণ তৰণ; ঝাৰখণ্ডৰ ঘাটচিলা; ওড়িশাৰ নুৱাপাদা’ আৰু তেলেংগানাৰ জুবলী হিলছতো ভোট গণনা হয় ।
