74,000 Indians leave Uk:
ক্ৰমাৎ দক্ষতা সম্পন্ন ভাৰতীয় লোকৰ গ্রেট ব্রিটেইন ত্যাগ বৃদ্ধি পাইছে। শেহতীয়া তথ্য অনুসৰি, দেশখনলৈ যোৱা ৭৪ হেজাৰ ভাৰতীয় লোকে ব্রিটেইন ত্যাগ কৰিছে। উল্লেখ্য যে চলিত বৰ্ষৰ জুনলৈ ব্রিটেইনত বাস কৰা ভাৰতীয় প্ৰব্ৰজনকাৰীৰ সংখ্যা দুই লাখ চাৰি হেজাৰ হয়। এই সংখ্যা ২০২৩ৰ তুলনাত ৮০ শতাংশ কম।
লক্ষ্যণীয়ভাবে শেহতীয়াভাবে ব্রিটেইন চৰকাৰে ধাৰণা কৰিছে যে বিদেশৰ পৰা উচ্চ হাৰৰ প্ৰব্ৰজনে দেশখনৰ গৃহ, স্বাস্থ আৰু স্থানীয় সেবাসমূহত নেতিবাচক প্রভাৱ পেলাইছে। এনে অৱস্থাতে ভাৰতীয় লোকৰ ব্রিটেইন আগ বৃদ্ধি পাবলৈ ধৰিছে। ব্রিটেইন ত্যাগ কৰ বিশ্বৰ বিভিন্ন দেশৰ ভিতৰত সৰ্বাধিক সংখ্যক হৈছে ভাৰতীয়। শেহতীয়াভাবে ব্রিটেইন ত্যাগ কৰা এইসকল লোকৰ মাজত ৪৫ হেজাৰ অধ্যয়ন ভিছাত আছিল। ২২ হেজাৰ জীৱিক ভিছা আৰু আন সাত হেজাৰ অন্যান্য ভিছাত ব্রিটেইনলৈ গৈছিল।
এনেদৰে বিগত দুবছৰত মুঠ ৭৪ হেজাৰ ভাৰতীয লোকে ব্রিটেইন ত্যাগ কৰে। এই ক্ষেত্রত দ্বিতীয় স্থানত আছে চীনৰ লোক। বিগত সময়ত চীনৰ ৪২ হেজাৰ লোকে ব্রিটেইন ত্যাগ কৰে। এই সম্পৰ্কত ব্রিটেইনৰ ৰাষ্ট্ৰীয় পৰিসংখ্যা কার্যালয়ে কয় যে দেশখন ত্যাগ কৰা আন দেশৰ লোকৰ সর্বাধিক সংখ্যক হৈছে ভাৰতীয়। অৱশ্যে ব্রিটেইনলৈ যোৱা বিশ্বৰ বিভিন্ন দেশৰ লোকৰ ভিতৰত সর্বাধিক সংখ্যক হৈছে ভাৰতীয় লোক। বিগত সময়ত ভাৰতীয় ছাত্র-ছাত্রীক দেশখনে ১০ হেজাৰ ভিছা আৰু ভাৰতীয় পেছাদাৰীক ৪৬ হেজাৰ জীৱিকা ভিছা প্রদান কৰে।
উল্লেখ্য যে ব্রিটেইনলৈ যোৱা আৰু ব্রিটেইন ত্যাগ কৰা লোকৰ মাজৰ পাৰ্থক্যক বুজাবলৈ ‘নেট মাইগ্রেছন’ শীর্ষক সংজ্ঞা ব্যৱহাৰ কৰা হয়। নেট মাইগ্ৰেচন হ্ৰাসৰ সম্পৰ্কত ব্রিটেইনৰ পৰিসংখ্যা কাৰ্যালয়ৰ বিষয়া মেৰী গ্রেগ’ৰীয়ে কয় যে ২০২১ব পাছত সম্প্রতি এই পৰিসংখ্যা সর্বনিম্ন হৈছে। একাংশ বিশেষজ্ঞৰ মতে,শেহতীয়াভাৱে ভাবতকে ধৰি বিশ্বৰ বিভিন্ন দেশৰ লোকে ব্রিটেইনত অধ্যয়ন বা কাম কৰিবলৈ অনিচ্ছা প্রকাশ কৰিবলৈ লৈছে। তদুপৰি জীৱন ধাৰণৰ বাবে সন্তানৰ ওপৰত নিৰ্ভৰ কৰা লোকৰো ব্রিটেইনলৈ হ্রাস পাবলৈ ধৰিছে।
সেয়েহে দেশখনলৈ প্ৰব্ৰজন ঘটাব বিচৰা লোকৰ সংখ্যা হ্রাস পাই আহিছে। অর্থাৎ দেশখনলৈ বিদেশী লোকৰ আগমন যিমান হৈছে তাৰ তুলনাত দেশখন ত্যাগ কৰা লোকৰ সংখ্যা অধিক হৈছে। পৰিসংখ্যা কার্যালয়ে স্পষ্ট কৰি দিছে যে সম্প্রতি ব্রিটেইনৰ নেট মাইগ্ৰেচন বিগত পাঁচ বছৰৰ সৰ্বনিম্ন হৈছে। অৱশ্যে প্রব্রজন হ্রাসক আদৰণি জনাইছে ব্রিটেইনৰ গৃহমন্ত্রী শ্বাবনা মেহমুদে। মন্ত্রী গৰাকীয়ে কয়, ‘আমি এনে সংস্কাৰৰ ব্যৱস্থা কৰিছো যিসকল ইয়ালৈ আহিব সেইসকলে আমাৰ পৰা অধিক লোৱাতকৈ অধিক বৰঙণি আগবঢ়াব।’
আনহাতে, দেশখনৰ গৃহ মন্ত্রণালয়ে প্রকাশ বা অনুসৰি, চলিত বৰ্ষৰ ছেপ্টেম্বৰলৈকে ব্রিটেইনে ৩১ লাখ ভিছাত অনুমোদন জনায়। যোৱা বছৰতকৈ এই শেহতীয়াভাৱে ভাৰতকে ধৰি বিশ্বৰ বিভিন্ন দেশব লোকে ব্রিটেইনত অধ্যয়ন বা কাম কৰিবলৈ অনিচ্ছা প্রকাশ কৰিবলৈ লৈছে। তদুপৰি জীৱন ধাৰণৰ বাবে সন্তানৰ ওপৰত নিৰ্ভৰ কৰা লোকৰো ব্রিটেইনলৈ হ্রাস পাবলৈ ধৰিছে। সেয়েহে দেশখনলৈ প্ৰব্ৰজন ঘটাব বিচৰা লোকৰ সংখ্যা হ্রাস পাই আহিছে। অর্থাৎ দেশখনলৈ বিদেশী লোকৰ আগমন যিমান হৈছে তাৰ তুলনাত দেশখন ত্যাগ কৰা লোকৰ সংখ্যা অধিক হৈছে।
পৰিসংখ্যা কার্যালয়ে স্পষ্ট কৰি দিছে যে সম্প্রতি ব্রিটেইনৰ নেট মাইগ্ৰেচন বিগত পাঁচ বছৰৰ সৰ্বনিম্ন হৈছে। অৱশ্যে প্রব্রজন হ্রাসক আদৰণি জনাইছে ব্রিটেইনৰ গৃহমন্ত্রী শ্বাবনা মেহমুদে। মন্ত্ৰীগৰাকীয়ে কয়, ‘আমি এনে সংস্কাৰৰ ব্যৱস্থা কৰিছো যিসকল ইয়ালৈ আহিব সেইসকলে আমাৰ পৰা অধিক লোৱাতকৈ অধিক বৰঙণি আগবঢ়াব।’ আনহাতে, দেশখনৰ গৃহ মন্ত্রণালয়ে প্রকাশ কৰা অনুসৰি, চলিত বৰ্ষৰ ছেপ্টেম্বৰলৈকে ব্রিটেইনে ৩১ লাখ ভিছাত অনুমোদন জনায়। যোৱা বছৰতকৈ এই বছৰৰ ভিছা অনুমোদনৰ পৰিমাণ এক লাখ কম।
যোৱা বছৰ দেশখনে ৩২ লাখ ভিছা অনুমোদন জনায়। একেদৰে যোৱা বছৰতকৈ এইবাৰ দেশখনে অনুমোদন জনোৱা জীৱিকা ভিছা বা বর্ক ভিছা ৩৯ শতাংশ হ্রাস পায়। এই হ্ৰাসৰ পৰিমাণ ২০২০ৰ ভিতৰত সর্বোচ্চ। গতিকে দেশখনলৈ যোৱা দক্ষতা সম্পন্ন পেছাদাৰীৰ সংখ্যা হ্রাস পাবলৈ ধৰিছে। চলিত বিত্তীয় বৰ্ষৰ তৃতীয়টো ত্রিমাসিকত দেখা গ’ল যে দক্ষতাসম্পন্ন পেছাদাৰীক মাথোঁ ১১.৭৩৩ ভিছাহে প্রদান কৰা হ’ল।
অথচ ২০২৩ৰ তৃতীয়টো ত্রিমাসিকত দেশখনে স্বাস্থ্য আৰু চিকিৎসা কর্মীক ৪৫ হেজাৰৰো অধিক ভিছা প্রদান কৰিছিল। কিন্তু চলিত বর্ষত এনে ভিছা অনুমোদন চকুত লগাকৈ হ্রাস পায়। যোৱা বছৰৰ প্ৰথম ত্রিমাসিকত দক্ষতা সম্পন্ন বিদেশী পেছাদাৰীক ২১,০৩৫ ভিছা অনুমোদন জনোৱা হয় যদিও চলিত বৰ্ষৰ তৃতীয়টো ত্রিমাসিকলৈ ইয়াৰ সংখ্যা ৯,১০৫ লৈ হ্রাস পায়। গতিকে ব্রিটেইনলৈ প্রব্রজন হাসৰ আভাস স্পষ্ট হৈছে।
