Heat wave is terrible in Europe:
দৈনিক অগ্ৰদূত ডিজিটেল ডেস্ক:গৰমৰ পৰা সকাহৰ বাবে গ্রীষ্মকালত এছিয়াকে ধৰি বিশ্বৰ বিভিন্ন প্রান্তৰ লোকে ইউৰোপৰ বিভিন্ন দেশ ভ্রমণ কৰে। কিন্তু এনে দিন আৰু এতিয়া নাই। বিগত কিছু বছৰৰ পৰা ইউৰোপতো গ্রীষ্মকালত বৃদ্ধি পোৱা গৰমে এইবাৰ ভয়াৱহ ৰূপ ধাৰণ কৰিছে। আনকি উৎকট গৰমত এইবাৰ মহাদেশখনত হেজাৰ হেজাৰ লোকৰ মৃত্যু হৈছে। আনকি চলিত বছৰৰ গৰমত কেৱল জার্মানী, ফ্রান্স আৰু স্পেইনতে ২৫ হেজাৰজন দুই পৃষ্ঠাত চাওক লোকে প্রাণ হেৰুৱাইছে চলিত গৰমৰ দিনত সৰ্বাধিক মৃত্যু হৈছে জার্মানীত।
যোৱা ছয় এপ্ৰিলৰ পৰা ন আগষ্টলৈ দেশখনত কেৱল গৰমৰ বাবে ১৪ হেজাৰ লোকৰ মৃত্যু হৈছে। এই তথ্য প্রকাশ কৰিছে ৰবাৰ্ট ক’চ ইনষ্টিটিউটে। উল্লেখ্য যে যোৱা জুনত জাৰ্মানীৰ ৪৪ টা বতৰ বিজ্ঞান কেন্দ্ৰই প্ৰকাশ কৰা অনুসৰি দেশখনত তাপমাত্রা ৪০ ডিগ্রী চেলচিয়াছৰো অধিক হয়। একে অৱস্থা বিৰাজ কৰে ফ্রান্স আৰু স্পেইনতো। ফলত যোৱা এপ্ৰিলৰ পৰা ২২ জুলাই পর্যন্ত দেশখনত গৰমৰ ফলত ৭,৩০০ লোকৰ প্ৰাণহানি ঘটে।
আনহাতে, স্পেইনত তাপমাত্রা ৪২ ডিগ্রী চেলচিয়াছ পর্যন্ত বৃদ্ধি পাইছে। এনে অসহনীয় পৰিৱেশত এই দেশসমূহৰ বিভিন্ন স্থানত হেজাৰ হেজাৰ লোকে প্ৰাণ হেৰুৱাব লগা হৈছে। উল্লেখ্য যে এটা স্বেচ্ছাসেবী সংগঠনৰ সমীক্ষা অনুসৰি ২০১৯ৰ পৰা ২০২৩ৰ সময়ছোৱাত ইউৰোপৰ কেতবোৰ চহৰত গ্ৰীষ্মকাল বিশ্বৰে সৰ্বাধিক দৈৰ্ঘ্যৰ হয়। ইউৰোপতো এনেদৰে গৰমৰ প্ৰকোপ বৃদ্ধিৰ আঁৰত জলবায়ু পৰিৱৰ্তন বুলি চর্চিত হৈছে।
