ভাৰতৰ যুৱ প্ৰজন্মক ভয়াৱহ ম’বাইল ফোন আসক্তিৰ পৰা আঁতৰি আহিবলৈ আহ্বান জনালে জনপ্রিয় ইংৰাজী ঔপন্যাসিক-লেখক চেতন ভগতে। ইংৰাজী সাহিত্যত অন্যতম এজন ‘বেষ্ট ছেলাৰ’ লেখক হিচাপে পৰিচিত হােৱা ভগতে ‘দৈনিক ভাস্কৰ’ কাকতত লিখা এক প্রবন্ধত দেশৰ যুৱ প্ৰজন্মৰ মাজত দেখা দিয়া স্মার্টফোন আসক্তিৰ সন্দৰ্ভত উদ্বেগ প্রকাশ কৰি নতুন প্রজন্মক এনে ভয়াবহ আসক্তিৰ পৰা আঁতৰি আহিব সৃষ্টিশীল কর্ম আৰু দেশ নির্মাণত ব্ৰতী হ’বলৈ পৰামর্শ দিয়ে ।
‘আপােনালােকে ম’বাইল ফোনত নিজৰ জীৱনটো ধ্বংস কৰিছে । আপােনালােক ভাৰতৰ ইতিহাসৰ প্ৰথমটো প্রজন্ম, যিসকলে স্মার্টফোন আৰু সস্তাত ইণ্টাৰনেট সেৱা লাভ কৰিছে । আৰু আপােনালােকে প্রতিদিনে ঘণ্টাৰ পাছত ঘণ্টা স্মার্টফোন ব্যৱহাৰ কৰি কটাইছে । দিনে কমেও পাঁচ-সাতঘণ্টা সময় এইদৰে স্মার্টফোনত অপচয় কৰিছে । অৱসৰপ্ৰাপ্ত বা প্রতিষ্ঠিত লােকে এইদৰে ফোনৰ ব্যৱহাৰত ইমান সময় ব্যয় কৰিব পাৰে, কিন্তু তেওঁলােকে (যুৱ প্ৰজন্মই, যাৰ বাবে এয়া জীৱন গঢ়াৰ সময়) এইদৰে স্মার্টফোন ব্যৱহাৰ কৰি সময় ব্যয় কৰাটো অনুচিত । ভগতে যুৱ প্ৰজন্মক এইদৰে কয়।
স্মার্টফোনৰ অত্যধিক ব্যৱহাৰৰ ফলত হ’ব পৰা যুৱ প্ৰজন্মৰ ক্ষতিৰ কথা উল্লেখ কৰি নিবন্ধটোত জনপ্রিয় লেখকজনে ছাত্র-ছাত্রীসকলক স্মার্টফোনৰ অনর্থক ব্যৱহাৰৰ পৰিৱর্তে নিজকে সৃষ্টিশীল কাম-কাজত নিয়োগ কৰিবলৈ পৰামর্শ দিয়ে। স্মার্টফোনৰ অত্যধিক ব্যৱহাৰ কেৰিয়াৰৰ সম্ভাৱনাক ক্ষতি কৰাৰ লগতে মস্তিস্কৰাে প্রভূত ক্ষতি কৰে বুলি যুৱ প্ৰজন্মক জনপ্রিয় লেখকজনে সকীয়াই দিছে।