লাডাখৰ প্রকৃত নিয়ন্ত্রণ ৰেখাত চুবুৰীয়া চীনৰ স’তে চলি থকা সংঘাতপূর্ণ পৰিস্থিতিৰ মাজতে এইবাৰ অৰুণাচল প্রদেশৰ সীমান্তত চীনা আগ্রাসনৰ তথ্য পােহৰলৈ আহিছে।শেহতীয়াভাৱে অৰুণাচল প্রদেশত চীনে এখন নতুন গাঁও স্থাপন কৰিছে। এই গাঁৱত নির্মাণ কৰা হৈছে ১০১টা ঘৰ। উত্তৰ সােৱণশিৰি জিলাত নিয়ন্ত্রণ ৰেখা উলংঘা কৰি ভাৰতীয় সীমান্তত প্ৰৱেশ কৰি চীনা বাহিনীয়ে গাঁও নির্মাণৰ এই তথ্য ছেটেলাইটৰ দ্বাৰা সংগৃহীত ছবিৰ পৰা উদ্ধাৰ কৰা হৈছে।
২০২০ৰ এক নৱেম্বৰৰ এই ছবিসমূহত স্পষ্ট হৈছে যে সীমান্তত ভাৰতৰ ভূমিত প্রায় ৪.৫ কিলােমিটাৰ অঞ্চলত এই নির্মাণ কার্য কৰা হৈছে। টাছাৰী চু নৈৰ পাৰত উত্তৰ সােৱণশিৰি জিলাত দীর্ঘদিনীয়া বিতর্কিত অঞ্চলত এই গাঁও স্থাপন কৰিছে চীনে। এই অঞ্চলত পূর্বতে দুই দেশৰ সেনাবাহিনীৰ মাজত সংঘর্ষও হৈছিল।দীর্ঘদিনীয়া বিবদমান অঞ্চলত ২০১৯ৰ ২৬ আগষ্টত সংগৃহীত ছবিত এনে কোনাে ধৰণৰ গাঁৱৰ অস্তিত্ব নাছিল। জংঘলেৰে আৱৰা আছিল নৈৰ পাৰ। সেয়েহে বিগত বৰ্ষতে গাঁও নির্মাণৰ বিষয়টো স্পষ্ট হৈছে। বৈদেশিক মন্ত্রণালয়ে তাৎপর্যপূর্ণভাৱে এই বাতৰিৰ বিৰােধিতা কৰা নাই।
মন্ত্রণালয়ে কয়,‘ভাৰতৰ স’তে থকা সীমান্ত অঞ্চলত চীনে নির্মাণ কার্য কৰাৰ শেহতীয়া প্রতিবেদন আমি দেখিছাে। বিগত কে’বা বছৰাে চীনে এই ধৰণৰ আন্তঃগাঁথনি নির্মাণ কার্য কৰি আছে।আমাৰ চৰকাৰেও সীমান্ত অঞ্চলৰ আন্তঃগাঁথনি নির্মাণ যেনে পথ-দলং আদি নির্মাণত গুৰুত্ব আৰােপ কৰিছে। বিজেপিৰ সাংসদ অৰুণাচলৰ টাপিৰ গাঁৱে নির্মাণ কার্য চীনে কৰাৰ সময়তে এই অভিযােগ উত্থাপন কৰিছিল। তেওঁ কৈছিল যে আপাৰ সােৱণশিৰি জিলাত নিয়ন্ত্রণ ৰেখা অতিক্রম কৰি ভাৰতীয় সীমান্ত প্রৱেশ কৰি চীনে স্থায়ী আন্তঃগাঁথনি নির্মাণ কৰিছে।
তেওঁ লােকসভাত চীনৰ এই আগ্রাসনৰ বিষয়ে সকীয়াই দিছে। সম্প্রতি তেওঁ কয় যে চীনে দ্বৈত লেনযুক্ত নতুন নির্মাণ কৰিছে। নির্মাণ কার্য এতিয়াও অব্যাহত আছে। চীনে আপাৰ সােৱণশিৰি জিলাৰ নৈৰ পাৰে পাৰে ৬০-৭০ কিলােমিটাৰ ভিতৰলৈ প্রৱেশ কৰিছিল। সােৱণশিৰি নৈৰ দিশলৈ প্রবাহিত স্থানীয়ভাৱে লেনছী নামেৰে জনজাত নৈৰ পাৰে পাৰে এটা পথ নির্মাণ কৰি আছে চীনে।ইপিনে, কেন্দ্রীয় চৰকাৰে কয় যে সকলাে বিষয়ত ধাৰাবাহিকভাৱে দৃষ্টি দি আছে।
মনকৰিবলগীয়া যে চীনে অৰুণাচলত নির্মাণ কাৰ্য আৰম্ভ কৰা অঞ্চলটো ঐতিহাসিকভাৱে বিবদমান অঞ্চল। বিশেষজ্ঞসকলৰ মতে এই নৱনির্মিত গাঁও মেকমােহন লাইন অর্থাৎ ভাৰতৰ ধাৰণাৰ প্রকৃত নিয়ন্ত্রণ ৰেখাৰ দক্ষিণত অৱস্থিত। এই বিষয়টো অতিকৈ গুৰুত্বপূৰ্ণ বুলি বিশেষজ্ঞই কয়। এনে নির্মাণ কার্যৰ দ্বাৰা চীনে দুই দেশৰ মাজত থকা এলানি চুক্তিপত্র ভংগ কৰিছে। ভাৰতে দাবী কৰা সীমান্তৰ ভিতৰতে চীনে এই আৱাসী অঞ্চল নির্মাণ কৰিছে বুলি বিশেষজ্ঞসকলে কয়। সশস্ত্র সংঘৰ্ষৰ আগশাৰীৰ সামৰিক বিশেষজ্ঞ ছিমতাকে কয় যে ২০০০ৰ পৰাই চীন সামৰিক বাহিনীয়ে এই উপত্যকাত সামান্য আগ্রাসী অৱস্থান লৈ আছে।
যাৰ জৰিয়তে চীনে সমগ্র উপত্যকাৰ ওপৰত দৃষ্টি ৰাখিবলৈ বিচাৰিছে। এই ক্ষেত্ৰত চীনে কোনাে বাধা পােৱা নাই বুলিও বিশেষজ্ঞই কয়। এইদৰে ক্রমান্বয়ে চীনে সময়ে সময়ে আগবাঢ়ি আহি আছে আৰু শেহতীয়াভাৱে গাঁও পর্যন্ত নির্মাণ কৰিলে। টাছাৰী চু নৈৰ উপত্যকাত সংঘৰ্ষৰ দীঘলীয়া ইতিহাস আছে। ১৯৫৯ত তাত সংঘৰ্ষৰ সূচনা হৈছিল। সেই সময়ত চীনা সৈন্যই কোনাে জাননী নােহােৱাকৈ ভাৰতীয় চকীত গােলাবর্ষণ কৰা বুলি কৰা বুলি দিল্লীয়ে বেইজিঙলৈ আনুষ্ঠানিক টোকাও প্রেৰণ কৰিছিল। সেই ঘটনাত ভাৰতীয় সেনাই কথমপি পলায়ন কৰিবলৈ সক্ষম হৈছিল।
