All Assam Unemployed Association:
প্ৰতি বছৰে ২ লাখকৈ নিবনুৱাক কর্ম সংস্থাপন দিম বুলি প্রতিশ্রুতি দি দিছপুৰৰ মনছদত বহা বিজেপি নেতৃত্বাধীন বিজেপি চৰকাৰে বাস্তৱ ক্ষেত্ৰত নিবনুৱাক কৰ্ম সংস্থাপন দিয়াত বিফল হৈছে ৷ এই মন্তব্য সদৌ অসম নিবনুৱা সন্থাৰ ৷
বৃহস্পতিবাৰে গুৱাহাটী প্ৰেছ ক্লাবত অনুষ্ঠিত এক সংবাদমেলত সংগঠনটোৰ সভাপতি ধর্মেন্দ্ৰ দেউৰীয়ে কয় ,কেৱল ডেৰ লাখ চৰকাৰী চাকৰি দিলেই অসমৰ ৫০ লাখ নিবনুৱা সমস্যা সামাধান নহয়। চৰকাৰে বিস্ফোৰণ মুখী নিবনুৱা সমস্যা সামাধানৰ কাৰনে কি ব্যৱস্থা গ্ৰহন কৰিছে তাক ৰাজহুৱা ভাৱে প্ৰকাশ কৰক।
একেদৰে সংগঠনটোৱে তেওঁলোকৰ দাবী কেইটাও সংবাদমেলত সদৰি কৰে ৷ চৰকাৰে অসমৰ মাটি বিভিন্ন পুজি পতি গোষ্ঠীক বৃহৎ বৃহৎ কোম্পানী প্রতিষ্ঠা কৰিবলৈ আৱণ্টন প্ৰদান কৰিছে। এই পুজি পতি গোষ্ঠী সমূহে অসমৰ থলুৱা নিবনুৱাক ১০০% ই কোম্পানী সমূহত নিয়োগ কৰাৰ ব্যৱস্থা গ্ৰহন কৰিবলৈ চৰকাৰে এক উদ্যোগ নীতি প্রণয়ন কৰক। কোম্পানী সমূহত কাম কৰিবলৈ উপযুক্ত দক্ষতা, যোগ্যতা সম্পন্ন নিবনুৱা নাথাকিলে ভূমি আৱণ্টন দিয়াৰ কোম্পানী সমূহে আগতীয়াকৈ নিবনুৱা সকলক প্রশিক্ষণ দি উপযুক্ত কৰি তুলিবৰ বাবে চৰকাৰে কোম্পানী সমূহক বাধ্য কৰাৰ ব্যৱস্থা গ্ৰহন কৰক।
তদুপৰি বৰ্তমান সময়ত হাজাৰ হাজাৰ নিবনুৱা যুৱকে বিভিন্ন কর্ম জৰিয়তে নিজকে কৰ্ম সংস্থাপিত কৰিবলৈ আগবাঢ়ি আহিছে এনে নিবনুৱা সকলৰ উপাৰ্জনৰ বাবে চৰকাৰে কি ব্যৱস্থা গ্ৰহন কৰিছে তাক ৰাজহুৱা ভাবে প্রকাশ কৰক।
বর্তমান সময়ত অসম চৰকাৰে বেদখল উচ্ছেদ কৰি বহু লাখ হেক্টৰ মাটি মুক্ত কৰিবলৈ সক্ষম হৈছে। মুখ্যমন্ত্ৰীৰ এনে সাহসী পদক্ষেপক সন্থাই প্রসংশা কৰিছো কিন্তু এই বে-দখল মুক্ত হোৱা মাটি কি কামত ব্যৱহাৰ কৰিব তাক চৰকাৰে আজিও ৰাজহুৱা ভাবে প্রকাশ কৰা নাই | চৰকাৰে মাটি সমূহ কি কামত ব্যৱহাৰ কৰিব তাক তৎকালিন ভাৱে ৰাজহুৱা ভাৱে প্ৰকাশ কৰাৰ ব্যৱস্থা গ্ৰহণ কৰক চৰকাৰে
সংগঠনটোৰ সভাপতি গৰাকীয়ে আৰু কয় যে, দাবী নীতি নিয়মৰ মাজত থাকি স্থানীয় সম্পদৰ ওপৰত ভিত্তি কৰি নিবনুৱা সকলক উচ্ছেদিত ভূমি সমূহ লীজত দিয়াৰ ব্যৱস্থা গ্ৰহন কৰক। সংবাদমেলত নিবনুৱা পৰিষদৰ সাধাৰণ সম্পাদক জীৱন ৰাজখোৱা সহ কে’বাজনো বিষয়ববীয়া উপস্থিত থাকে ৷