Assam Garia Parishad Pressmeet:
ৰাজ্যত অব্যাহত থকা উচ্ছেদৰ প্ৰসংগক লৈ শনিবাৰে গুৱাহাটীত এক সংবাদমেল সম্বোধন কৰে অসম গৰীয়া পৰিষদৰ কেন্দ্ৰীয় পৰিষদে ৷ সংবাদমেলত সভাপতি আব্দুল হামিদ আৰু সাধাৰণ সম্পাদক মইনুল হকে কয়,মুখ্যমন্ত্ৰীয়ে ৫ আগষ্টত কোৱাৰ দৰে অসমত খিলঞ্জীয়াক কৰা হোৱা নাই উচ্ছেদ মন্তব্য কাৰ্যত মিছা প্ৰমাণিত হ’ল কিয়নো গুৱাহাটীৰ বহু খিলঞ্জীয়া পৰিয়াললৈ উচ্ছেদৰ জাননী জাৰি কৰিছে প্ৰশাসনে ৷
দীৰ্ঘদিন ধৰি বহু পুৰণি মানুহ বসবাস কৰি আছে গুৱাহাটীৰ লগতে ৰাজ্যৰ ভিন্ন প্ৰান্তত ৷ অসমীয়া জাতিৰ বহু সংকট কালত অসমৰ খিলঞ্জীয়া গৰীয়া মুছলমান সকল অসমীয়াৰ লগত আছে ৷ আমি ইতিমধ্যেই উচ্ছেদক সমৰ্থন কৰো, উচ্ছেদ বিৰোধী নহয় গৰীয়া পৰিষদ৷
গৰীয়া পৰিষদৰ দুই নেতাই সংবাদমেলত আৰু কয় যে ,কোনোবাই অসমীয়া ভাষাটো শুদ্ধকৈ ক’লেই তেওঁ অসমীয়া হৈ নাযায় | উজনি অসমৰ ৩০% মানুহ প্ৰব্ৰজনকাৰী| উজনিত প্ৰব্ৰজনকাৰি মানুহ আছে বাবেই সংগঠন নতুনকৈ জন্ম হ’বলৈ সুবিধা পাইছে ৷ পুনৰ এটা কথা স্পষ্ট কৰি দিয়া হ’ল যে,আমছুৰ সৈতে আমাৰ কোনো সম্পৰ্ক নাই গৰীয়া- মৰিয়া লোকসকলৰ ৷
গৰীয়া মৰীয়া সকলৰ আজিৰ তাৰিখত অসমত এজনো বিধায়ক নাই ৷ কিন্তু আমছুৰ দৰে সংগঠন থকাৰ বাবেই এআইইউডিএফ – কংগ্ৰেছৰ আদিৰ দৰে দলৰ বিধায়কৰ সংখ্যা বৃদ্ধি হৈছে ৷ কামৰূপ, নলবাৰী , দৰঙত গৰিষ্ঠ সংখ্যক খিলঞ্জীয়া মুছলমান আছে ৷ একেদৰেউজনি অসমতো বহু স্থানত খিলঞ্জীয়া মুছলমান আছে ৷ চৰকাৰে ইচ্ছা কৰিলে চিনাক্ত কৰিব পাৰে ৷ কোনখন গাঁও কেতিয়া হৈছে, কৰ পৰা আহিছে মানুহ বিচাৰ ল’লে সকলো ওলাব ৷
মুখ্যমন্ত্ৰীলৈ গৰীয়া পৰিষদৰ বিনম্ৰ আহ্বান যে খিলঞ্জীয়া মুছলমান সকলৰ সুৰক্ষা নিশ্চিত কৰিব লাগে ৷খিলঞ্জীয়া গৰীয়া- মৰীয়া সকলৰ উচ্ছেদৰ আওতাৰ পৰা বাহিৰত ৰাখিব লাগে ৷ একাংশৰ যেতিয়া সংকট আহে শংকৰ-আজানৰ নামটো ঢাল হিচাপে ব্যৱহাৰ কৰে ৷ এনেক্ষেত্ৰত চৰকাৰে জৰীপ কৰিহে উচ্ছেদৰ ব্যৱস্থা কৰিবলৈ আহ্বান জনালে অসম গৰীয়া পৰিষদৰ সভাপতি- সাধাৰণ সম্পাদকে ।