Narendra Modi:✒️ভাৰতীয় ৰাজনীতিত নতুন অধ্যায়—প্ৰধানমন্ত্ৰী নৰেন্দ্ৰ মোদীৰ ঐতিহাসিক কীৰ্তি, দেশৰ ইতিহাসত সৰ্বাধিক সময় ধৰি ক্ষমতাৰ শীৰ্ষত থকা নেতা হিচাপে স্থাপন কৰিলে নতুন ৰেকৰ্ড।
প্ৰাপ্ত তথ্য অনুসৰি, মোদীয়ে মুঠ ৮,৯৩১ দিন চৰকাৰ প্ৰধান হিচাপে দায়িত্ব পালন কৰিছে। এই সময়ছোৱাত গুজৰাটৰ মুখ্যমন্ত্ৰী হিচাপে তেওঁৰ কাৰ্যকালৰ লগতে ২০১৪ চনৰ পৰা আৰম্ভ হোৱা প্ৰধানমন্ত্ৰীৰ দীৰ্ঘ কাৰ্যকালো অন্তৰ্ভুক্ত হৈছে। এইদৰে তেওঁ পূৰ্বৰ ৰেকৰ্ডধাৰী পৱন কুমাৰ চামলিংক অতিক্ৰম কৰে।
২০০১ চনত গুজৰাটৰ মুখ্যমন্ত্ৰী হিচাপে আৰম্ভ হোৱা তেওঁৰ ৰাজনৈতিক যাত্ৰা এতিয়া দুটা দশকৰো অধিক সময় অতিক্ৰম কৰিছে।
২০১৪ চনত কেন্দ্ৰত ক্ষমতালৈ আহি তেওঁ ধাৰাবাহিকভাৱে তিনিটা লোকসভা নিৰ্বাচনত জয়লাভ কৰি দেশৰ ৰাজনীতিত নিজৰ দৃঢ় উপস্থিতি প্ৰতিপন্ন কৰিছে।
ৰাজনৈতিক বিশ্লেষকৰ মতে, এই দীৰ্ঘ কাৰ্যকাল মোদীৰ নেতৃত্বৰ স্থিৰতা আৰু বিস্তৃত জনসমৰ্থনৰ প্ৰতিফলন।
আনহাতে, বিৰোধী শিবিৰে দীৰ্ঘদিনীয়া শাসনৰ প্ৰভাৱ, নীতি-নির্ধাৰণ আৰু গণতান্ত্ৰিক পৰিৱেশৰ ওপৰত বিভিন্ন প্ৰশ্ন উত্থাপন কৰি আহিছে।
এই মাইলফলকত শাসকীয় শিবিৰে ইয়াক ঐতিহাসিক সফলতা হিচাপে বৰ্ণনা কৰিছে, য’ত নেতৃত্বৰ ধাৰাবাহিকতা আৰু ৰাজনৈতিক দৃঢ়তাৰ ওপৰত গুৰুত্ব আৰোপ কৰা হৈছে।