Akhil Gogoi Election Campign in Kaliabar:
দৈনিক অগ্ৰদূত ডিজিটেল ডেক্স:–ৰাজ্যৰ বিধানসভা নিৰ্বাচনৰ দিন চমু চাপি অহাৰ লগে লগে তীব্ৰতৰ হৈ পৰিছে শাসক – বিৰোধী সকলো দলৰ প্ৰচাৰাভিযান। অগপৰ দূৰ্গ নামে পৰিচিত কলিয়াবৰত অগপক প্ৰত্যহ্বাবান জনাবলৈ এইবাৰ কংগ্ৰেছ মিত্ৰজোঁটৰ অন্যতম অংশীদাৰ ৰাইজৰ দলে প্ৰাৰ্থীত্ব দিছে প্ৰদীপ কুমাৰ বৰুৱাক ৷ অগপৰ প্ৰাৰ্থী কেশৱ মহন্তৰ মাৰাথন প্ৰচাৰৰ সমান্তৰালভাৱে ৰাইজৰ দলৰ প্ৰাৰ্থী প্ৰদীপ কুমাৰ বৰুৱাই গাৱে-গাৱে অব্যাহত ৰাখিছে প্ৰচাৰাভিযান ৷
কলিয়াবৰত শুকুৰবাৰে দলীয় প্ৰাৰ্থীৰ হৈ প্ৰচাৰাভিযান অংশ লৈ ৰাইজৰ দলৰ সভাপতি অখিল গগৈয়ে সাংবাদিকৰে হোৱা বাৰ্তালাপত কয় যে,বিৰোধী ঐক্যমঞ্চৰ চৰকাৰ আহিলে এইবাৰ জে’ললৈ যাব লাগিব মুখ্যমন্ত্রী হিমন্ত বিশ্ব শর্মা । কলিয়াবৰ সমষ্টিৰ ব্ৰহ্মপুত্ৰই যিমান অংশ চুই গৈছে,সমস্ত এলেকাতো আমাৰ চৰকাৰে জিঅ’বেগক জৰিয়তে কলিয়াবৰক খহনীয়া প্ৰতিৰোধ আৰু বানপানীৰ পৰা ৰক্ষা কৰাৰ ব্যৱস্থা লোৱা হ’ব ৷
গগৈয়ে আৰু কয় যে, কলিয়াবৰত যিটো ফ’ৰলেন নিৰ্মাণৰ প্ৰস্তুতি চলোৱা হৈছে ৷ সেই ফ’ৰলেন জখলাবন্ধাৰ মাজেদি নিনি হিমন্ত বিশ্বশৰ্মাৰ মাটিয়েদি আৰু বাগিচাৰ মাজেদি নিয়াৰ ব্যৱস্থা গ্ৰহণ কৰিছে ৷ যাৰফলস্বৰূপে হিমন্ত বিশ্বশৰ্মাই বহু টকা ইনকাম কৰিব খুজিছে ৷ এনেক্ষেত্ৰত আমাৰ বিৰোধী চৰকাৰ হোৱাৰ দুমাহৰ ভিতৰতে আমি মেপ খন আকৌ বদলাই ফৰলেনটো জখলাবন্ধাৰ মাজেদি নিয়াৰ পদক্ষেপ ল’ম। একেদৰে বছৰৰ সকলো সময়তে খেতি কৰা ৰাজ্য হিচাপে গঢ়ি তোলা হ’ব অসমক ৷ তদুপৰি প্ৰতিখন গাৱঁত একোটাকৈ উদ্যোগ প্ৰতিষ্ঠা কৰি নিবনুৱা নিমূলৰ প্ৰতিশ্ৰুতি দোহাৰিলে শিৱসাগৰৰ বিধায়কজনে ৷