WorldMap : দৈনিক অগ্ৰদূত ডিজিটেল ডেস্ক : আমেৰিকা যুক্তৰাষ্ট্ৰকে ধৰি একাংশ সদস্য ৰাষ্ট্ৰৰ বিৰোধিতা সত্ত্বেও ৰাষ্ট্ৰসংঘৰ সাধাৰণ সভাই বিশ্বৰ এক নতুন মানচিত্র গ্রহণ কৰিলে।সম্প্ৰতি সাধাৰণ সভাত ভোটগ্রহণৰ জৰিয়তে সংস্থাটোৱে বিশ্বৰ এই নতুন মানচিত্র গ্রহণ কৰে। আন্তর্জাতিক সংস্থাটোৱে গ্রহণ কৰা এই নতুন মানচিত্রত দেখা গৈছে যে পূৰ্বৰ Ξ তুলনাত আফ্রিকা মহাদেশৰ আকাৰ বৃদ্ধি হোৱাৰ বিপৰীতে উত্তৰ আমেৰিকা আৰু ইউৰোপৰ আকাৰ সৰু হৈছে। অর্থাৎ এই তিনি মহাদেশত আফ্রিকাই মানচিত্রখনত অধিক ঠাই আগুৰি আছে আৰু আন দুখন মহাদেশে পূৰ্বৰ তুলনাত কম ঠাই আগুৰিছে।
এই মানচিত্ৰৰ সপক্ষে ৰাষ্ট্ৰসংঘৰ ১৬৪ দেশে ভোটদান কৰে। ইয়াৰ বিপৰীতে আমেৰিকা যুক্তৰাষ্ট্ৰসহ একাংশই বিৰুদ্ধে ভোটদান কৰে আৰু আন ছখন দেশ ভোটদানৰ পৰা বিৰত থাকে। আনহাতে, এই নতুন মানচিত্র সম্পর্কীয় প্রস্তাৱত কোৱা হৈছে যে বিশ্বক মানচিত্রত যথাযথভাবে তুলি ধৰাৰ উদ্দেশ্যে এই নতুন মানচিত্র গ্রহণ কৰা হৈছে। সেই অনুসৰি ৰাষ্ট্ৰসংঘই পূৰ্বৰ মানচিত্ৰৰ স্থানত এই নতুন মানচিত্র গ্রহণ কৰিবলৈ সদস্য ৰাষ্ট্ৰসমূহৰ প্ৰতি আহ্বান জনাইছে।
সাধাৰণ সভাত এই নতুন মানচিত্র গ্রহণ সম্পর্কীয় প্রস্তাব উত্থাপন কৰে আফ্ৰিকাৰ টগো দেশে। উল্লেখ্য যে ১৯৫৯৩ ফ্লেমিছ মানচিত্র অংকনকাৰী গেৰাৰডুছ মার্কেটৰে অংকন কৰা বিশ্বৰ মানচিত্রখনে বর্তমানেও ব্যৱহাৰ হৈ আছে। এই মানচিত্ৰৰ স্থানতে সম্প্রতি ৰাষ্ট্ৰসংঘই নতুন মানচিত্র আনিছে। ৰাষ্ট্ৰসংঘৰ সাধাৰণ সভাত এই নতুন মানচিত্র সম্পর্কীয় প্রস্তাৱ উত্থাপন কৰা টগোৱে কয় যে মানচিত্রসমূহে পৃথিৱীখন বুজি পোৱাত মানুহক সহায় কৰে।
দেশখনৰ বৈদেশিক মন্ত্ৰী ৰবাৰ্ট ডুছেইৰ মতে মানচিত্ৰসমূহে শৈক্ষিক দিক নির্দেশনা প্রদানৰ উপৰি কল্পনাক পুষ্টি যোগায় আৰু মানুহৰ সামূহিক ধাৰণাত প্ৰভাৱ পেলায়। তেওঁৰ মতে মানচিত্রসমূহ কেতিয়াও নিৰপেক্ষ নহয়। মানচিত্রসমূহে পৃথিৱীৰ বিকৃত প্রতিচ্ছবি তুলি ধৰি আহিছে বুলিও ডুছেইয়ে আক্ষেপ প্রকাশ কৰে। আনহাতে, ৰাষ্ট্ৰসংঘৰ এই প্ৰস্তাৱক সমালোচনা কৰি মার্কিন যুক্তৰাষ্ট্ৰই কয় যে সংস্থাটোৰ সাধাৰণ সভাই এনেধৰণৰ বিষয়ক গুৰুত্ব আৰোপ কৰাৰ পৰিৱৰ্তে আচল সমস্যাসমূহক অধিক গুৰুত্ব আৰোপ কৰা উচিত।
এই সম্পর্কত ৰাষ্ট্ৰসংঘস্থিত মার্কিন প্রতিনিধি য়াৰীনা ফেৰেনচেভিচে ক্ষোভৰে কয় যে এনে ধৰণৰ কাম-কাজৰ বাবে ৰাষ্ট্ৰসংঘই নিজৰ বিশ্বাসযোগ্যতা হেৰুৱাইছে। সাধাৰণ সভাত প্ৰস্তাৱটোক লৈ ভোটদান হোৱাৰ পূৰ্বে মার্কিন প্রতিনিধিগৰাকীয়ে কয়, ‘আচল সমস্যাসমূহত গুৰুত্ব আৰোপ কৰাৰ পৰিৱৰ্তে এই সংস্থাই ষষ্ঠদশ শতিকাৰে মানচিত্র প্রকল্পক লৈ বিতর্ক আয়োজন কৰিছে।’
আনহাতে, ৰাষ্ট্ৰসংঘৰ মতে মার্কেটৰৰ মানচিত্ৰই ভূখণ্ডৰ আকাৰ আৰু কোণসমূহক সংৰক্ষণত গুৰুত্ব আৰোপ কৰিছে। কিন্তু মানচিত্রখনে একোটা অঞ্চলৰ মাটিকালিক ক্ষুদ্ৰভাৱে প্রতিফলন ঘটোৱা নাই। গতিকে এনে এখন মানচিত্ৰ সলনি কৰাৰ সিদ্ধান্ত গ্রহণ কৰা হ’ল বুলি সংস্থাটোৱে দাবী কৰিছে। ভুল-ত্রুটিৰ বাবে মার্কেটৰৰ মানচিত্ৰ ইউৰোপ আৰু উত্তৰ আমেৰিকাত বাস্তৱতকৈ বহু ডাঙৰ দেখাইছে। ইয়াৰ বিপৰীতে বাস্তৱতকৈ আফ্রিকা আৰু দক্ষিণ আমেৰিকাক ক্ষুদ্ৰৰূপে তুলি ধৰা হৈছে।
ৰাষ্ট্ৰসংঘই গ্ৰহণ কৰা এই নতুন মানচিত্র প্রস্তুত কৰিছে এটা দলে। এই দলৰ অন্যতম বজান ছাভৰিকে যোৱা বছৰ কৈছিল, ‘মানচিত্ৰত পৃথিৱীৰ বিভিন্ন স্থানৰ আকাৰ-আকৃতি যথাযথ ৰূপতে প্রতিফলিত হ’ব লাগে।’ ইতিমধ্যে ফ্রান্সে মাৰ্কেটৰৰ পুৰণি মানচিত্ৰ ত্যাগ কৰি এই নতুন মানচিত্র গ্রহণ কৰিব বুলি ঘোষণা কৰিছে। লক্ষ্যণীয়ভাৱে এই মানচিত্রত গ্রীণলেণ্ডক আফ্ৰিকাৰ সমানেই ডাঙৰ দেখা গৈছে।
