Biswajit Dwimary:
দৈনিক অগ্ৰদূত ডিজিটেল ডেস্ক:স’ততে বিজেপি চৰকাৰৰ বিৰুদ্ধে চ’ছিয়েল মেডিয়াত সৰৱ হৈ থকা কণ্ঠশিল্পী নিলোৎপল বৰাৰ বোধকৰো গীত খুবেই প্ৰিয় মন্ত্ৰী বিশ্বজিৎ দৈমাৰীৰ ৷ মঙলবাৰে মন্ত্ৰী গৰাকীয়ে ফেৰীৰে মাজুলী যাত্ৰাৰ কিয়দাংশ মুহূৰ্তৰ ভিডিঅ’ নিজৰ ফেচবুক পেজত আপলোড কৰি লগত সংযোজন কৰি দিছিল কণ্ঠশিল্পী নিলোৎপলৰ বহুচৰ্চিত ‘ৰিনিকি ৰিনিকি ৰাঙলী বেলিটি জিলিকি মাজুলীতে’ শীৰ্ষ গীতটি৷
কিন্ত নিলোৎপল বৰাৰ গীত আপলোড কৰি বিপদত দৈমাৰী ৷ বিজেপিৰ ঘোৰ সমালোচকজনৰ গীত আপলোড কৰাৰ বাবেই দলীয় শীৰ্ষ মহলৰ কৰ্কথনাৰ সন্মুখীন হয় মন্ত্ৰী গৰাকী ৷
উল্লেখ্য যে মুখ্যমন্ত্ৰী ড:হিমন্ত বিশ্ব শৰ্মাই সামাজিক মাধ্যমযোগে প্ৰধানমন্ত্ৰী নৰেন্দ্ৰ মোদীৰ ওপজাদিনটোত প্ৰতিজন অসমবাসীক এগছিকৈ বন্তি জ্বলাবলৈ দিয়া আহ্বানক তীব্ৰ কটাক্ষ কৰি কণ্ঠশিল্পী নিলোৎপল বৰাই কৈছিল, যিজন প্ৰধানমন্ত্ৰীয়ে অসমৰ বানপানীৰ সময়ত এবাৰো মাত নামাতিলেহি সেইজনৰ হৈ বন্তি জ্বলামেই বা কিয় ৷
ADVERTISEMENT
