কিন্তু এই পর্যন্ত চৰকাৰে কোনো সিদ্ধান্ত গ্রহণ কৰিব নোৱাৰাত বিষয়া-কর্মচাৰীসকল দুশ্চিন্তাত ভুগিছে। সূত্ৰৰ মতে, কেন্দ্রীয় বিত্ত মন্ত্রণালয়ে আইডিবিআই বেংকৰ সিংহভাগ অংশ বিক্ৰী কৰাৰ কথা গুণাগঁথা কৰিছে। যদি সেয়াই হয়, তেন্তে এই বেংক ৰিজার্ভ বেংকৰ অধীনত থাকিলেও বেংকটো ব্যক্তিগত বেংকত পৰিণত হ’ব।
আইডিবিআই বেংকৰ চৰকাৰী অংশ বিক্ৰীৰ সিদ্ধান্ত চূড়ান্তকৰণৰ উদ্দেশ্যে কালি এক উচ্চস্তৰীয় বৈঠক অনুষ্ঠিত হোৱাৰ কথা আছিল। বিনিয়োগ আৰু ৰাজহুৱা সম্পদ ব্যৱস্থাপনা বিভাগ আৰু আর্থিক সেবা বিভাগৰ সচিবদ্বয়ৰ অংশগ্রহণত হ’ব লগা এই বৈঠকে আইডিবিআই বেংকৰ ভবিষ্যৎ নিশ্চিত কৰাৰ কথা আছিল। অবশ্যে এই বৈঠক অনুষ্ঠিত হ’ল নে নাই তাৰ নিশ্চিত তথ্য এই পর্যন্ত পোহৰলৈ অহা নাই।
উল্লেখ্য যে বর্তমানে আইডিবিআই বেংকৰ ৪৫.৪৮ শতাংশ অংশৰ গৰাকী হৈছে কেন্দ্ৰীয় চৰকাৰ। বাকী অংশৰ ৪৯.২৮ শতাংশৰ গৰাকী হৈছে ভাৰতীয় জীৱন বীমা নিগম (এলআইচিআই)। কেন্দ্র আৰু এলআইচিব মুঠ ৬০.৭ শতাংশ মালিকানা বিক্ৰী কৰাৰ চিন্তা-চর্চা চলিছে। কেন্দ্ৰৰ লক্ষ্য হ’ল যে বেংকটোৰ অংশ বিক্ৰীৰ জৰিয়তে ইয়াব স’তে ব্যক্তিগত খণ্ডক জড়িত কৰি প্রতিষ্ঠানটোৰ আৰ্থিক অবস্থা অধিক টনকিয়াল কৰা।
