অগ্ৰদূত বাৰ্তাঃচামতাঃ১৯ অক্টোৱৰঃ – পোহৰৰ উৎস দিপাৱলীক আদৰিবলৈ বৃহত্তৰ পশ্চিম নলবাৰী বাসীয়ে প্ৰস্তুতি চলোৱাৰ সময়ত খাটাৰূপীয়াবাথান গাওঁ হীৰাপাৰা চুবুৰীৰ ৬০ পৰিয়ালৰ শিশুৰ পৰা বৃদ্ধলৈ সকলো সম্প্ৰতি মাটিৰ চাকি তৈয়াৰ কৰাত ব্যস্ত হৈ পৰিছে ৷উল্লেখ্য যে- বৃহত্তৰ পশ্চিম নলবাৰীৰ খাটাৰূপিয়াবাথান গাওঁৰ হীৰাপৰা চুবুৰীৰ উপৰি কৈহাটী গাওঁকে ধৰি সমুদায় প্ৰায় ৬৯ পৰিয়ালত দিন – ৰাতিও মাটিৰ চাকি তৈয়াৰৰ ব্যস্ততাই এক জীৱন সংগ্ৰাম সচাঁ ছবিৰ পৰিৱেশে বিৰাজ কৰিছে ৷এই হীৰা সম্প্ৰদায়ৰ লোক সকলে পশ্চিম নলবাৰীৰ ৫৫ খন ৰাজহ গাওঁৰ উপৰি চুবুৰীয়া গাওঁ বৰমা ,নিজ জুলুকী, গোৱৰাদল,শিয়ামাৰি,টিহু, পাটিকাৰা, কঠালমুৰা, মাখিবাহা, সৰ্থেৱাৰী,বৰ্নিবাৰী,ডিৰুৱা, কেকান- জয়সাগ আৰু নলবাৰী সদৰ , জাপাকুছি, আদি গাওঁ সমুহলৈ হীৰাপাৰা চুবুৰীৰ হীৰা মাটিৰ মাটিৰ চাকিৰে দিপাৱলীৰ নিশা হিন্দুধৰ্মালম্বী লোক সকলে পদুলী পোহৰাই আহিছে ৷ইয়াৰ উপৰিও মন্দিৰ,সভা আদিত কুলবিল হীৰাপাৰাৰ হীৰা সম্প্ৰদায়ে তৈয়াৰ কৰা মাটিৰ চাকি ব্যৱহাৰ কৰি আহিছে ৷কোনো ধৰনৰ কুমাৰৰ “চাক” ব্যৱহাৰ নকৰাকৈয়ে হাতেৰে তৈয়াৰ কৰা মাটিৰ চাকি তৈয়াৰৰ ক্ষেত্ৰত চুবুৰীটোৰ বিশেষ ভাবে মহিলা সকলে জড়িত ৷ তেওঁলোকে মাটিৰ চাকি, ধূপদানি, ধূনাদানি,পাত চৰু,সৰু কুমাৰৰ চৰু,ঘট, টেকেলি তৈয়াৰ কৰে ৷ দুৰ্গাপূজা, শ্যামপূজা বা দিপাৱলী, মাঘ’ৰ মাহত সভা মহোৎসৱ উপলক্ষে ভক্তপ্ৰান ভক্তই মাটিৰ চাকি বিচাৰাত হীৰাপাৰা চুবুৰীৰ শিশু,কিশোক,কিশোৰী,মহিলা,পুৰুষ আৰু বৃদ্ধ সকলেও মাটিৰ চাকি তৈয়াৰত ব্যস্ত হৈ পৰে ৷যাৰ বাবে বৃহত্তৰ অঞ্চলটোৰ ৰাইজৰ মাজত মাটিয়ে চাহিদা লাভ কৰিছে ৷ হীৰাপাৰা চুবুৰীৰ মৃৎ শিল্পী নীলকান্ত দাসে এই প্ৰতিবেদকক জানিব দিয়া মতে -“বান পানীৰ পিচত সদ্য সামৰনি পৰা শাৰদীয় দুৰ্গা পূজাৰ সময়ত হীৰা পাৰাৰ হীৰা শিল্পীয়ে মাটিৰ চাকি বিত্ৰুী হোবাৰ পিছতহে সম্প্ৰদায়টোলৈ আশাৰ ৰেঙনি আহে ৷সম্প্ৰতি আগত শ্যামা পূজা আৰু দিপাৱলী উপলক্ষে কুলবিল হীৰাপাৰা চুবুৰীৰ পৰা ২০ লাখ মাটিৰ চাকি তৈয়াৰ কৰা হব আৰু এই ২০ লাখ মাটিৰ চাকি বিত্ৰুীৰ পিছতো গ্ৰাহকে চাকি বিচাৰি আহিলেও বঞ্চিত হব লগা হব ৷কাৰন আমাৰ চাকিৰ চাহিদা থকাৰ উপৰি ৰাইজ খনে আমাৰ প্ৰতি থকা মৰমৰ বাবেই পোৰা মাটিৰ চাকি বিত্ৰুী কৰিয়ে আমি আজোককাৰ দিনৰে পৰা জীৱিকা নিৰ্বাহ কৰি আহিছো ”বুলি কয়৷ চুবুৰীটোৰ নীলকান্ত দাস, দামোদৰ দাস, গৌতম দাস, কৈলাশ দাস,দেৱেন দাস,সূৰ্য্য দাস,অতুল দাস,বসন্ত দাস,গীৰিশ দাস, প্ৰভাত দাস,দিপক দাস,দিলীপ দাস,কন্দৰ্প দাস, মধু দাস, জয়ৰাম দাস,পুতুল দাস,পংকজ দাস,শশী দাস,ৰূপ দাস,মুকুল দাস,গায়ত্ৰী দাস,মাইকন বালা দাস,হৰেশ্বৰ দাস, মাইকন দাস,সাগৰ দাস,প্ৰমোদ দাস,টংকে দাস,জীতেন দাস,বনমালী দাস,জুনু দাস,ভাৰতী দাস,অকন দাস,বিমলা দাস,বিহুৰাম দাস,টুটু দাস আদিয়ে দিন ৰাতি একাকাৰ কৰি মাটিৰ চাকি তৈয়াৰত ব্ৰতি হৈ আছে ৷নেলকান্ত দাসে জানিব দিয়া মতে – খাটাৰূপিয়াবাথান গাওঁ খনৰ ভিতৰতে আমি হীৰা সম্প্ৰদায়ৰ লোক সকলে অৰ্থনৈতিক ভাবে দূৰ্বল আৰু চৰকাৰি আচঁনিৰ পৰা বঞ্চিত ৷আমাৰ হাতত “চাক” নাই ৷বাৰাম্বাৰ চৰকাৰ আৰু স্হানীয় বিধায়কক এই বিষয়ত অবগত কৰাৰ পিছতো বছৰ বছৰ ধৰি“ চাক”লাভ নকৰি হাতেৰে মাটিৰ বাচন- বৰ্তনত জড়িত হৈ আছে ৷এটা “ চাক”ত ২০ হাজাৰৰ পৰা ৩৫ হাজাৰ টকাৰ প্ৰয়োজন ৷কিন্তু ইমান টকাৰে “চাক” ত্ৰুয় কৰাৰ বাবে মৃৎ শিল্পী অৰ্থনৈতিক ভাবে স্বাৱনম্বী নহয় ৷ যাৰ বাবে হাতেৰে মাটিৰ বাচন – বৰ্তন তৈয়াৰ কৰিলে স্বাভাৱিকতে সৌন্দৰ্যশীল নহয় ৷ইয়াৰ বাবে তেওঁলোক বজাৰ মুল্যৰ পৰা বঞ্চিত হব লগা হয় ৷ গুৱাহাটী দীপৰ বিলত এই মৃৎ মাটি পোৱা যায় আৰু এক ট্ৰাকত ১৬-২০ কুন্টল মাটিত প্ৰায় ৩০ হাজাৰ টকাকৈ ত্ৰুয় কৰিব লাগে ৷নামনি অসমৰ অন্য ঠাইত এই মৃৎ মাটি নোপোৱাৰ বাবে মৃৎ মাটিৰ ব্যৱসায় খনটো মধ্যভোগীৰ হাত পৰাত প্ৰকৃত মাটিৰ মুল্যৰ তুলনাত অধিক টকাৰে মৃৎ মাটি ত্ৰুয় কৰিব লগা হয় বুলি অভিযোগ কৰে ৷৬৯ পৰিয়ালৰ মাহিলী মাটিৰ সামগ্ৰী তৈয়াৰ কৰি তাক বিত্ৰুী কৰি গঢ় হিচাপে ৫০০০ টকাৰ আয় হয় যদিও সেয়াৰে পৰিয়ালক পোহ পাল দিব নোৱাৰি পুৰুষ সকলে হাজিৰা কৰিব লগা হয় ৷সেহতীয়াকৈ নলবাৰী জিলা উপায়ুক্ত ভাৰত ভূষন দেৱ চৌধুৰীয়ে প্লাষ্টিক মুক্ত জিলা হিচাপে নলবাৰীক গঢ়ি তুলিবলৈ কুলবিল হীৰাপাৰা চুবুৰীৰ হীৰামাটিৰ শিল্পী নীলকান্ত দাসৰ জড়িয়তে হীৰামাটিৰ পানী খোৱা কাপ ,গিলাচ তৈয়াৰ কৰাৰ বাবে অনুপ্ৰেৰনা জনোৱাত নীলকান্ত দাস আৰু চুবুৰীৰ একাংশ হীৰা শিল্পীয়ে মাটিৰ কাপ, গিলাচ তৈয়াৰৰ কামটো মনোনিৱেশ কৰি শ-শ কাপ,গিলাচ তৈয়াৰ কৰি উলিয়াইছে
