সংগীতশিল্পী কেকে-ৰ আকস্মিক মৃত্যুত শোকস্তব্ধ সমগ্ৰ ভাৰত । টুইটাৰত শোকপ্রকাশ কৰিলে মুখ্যমন্ত্রী মমতা বেনাৰ্জীয়ে । তেওঁ শিল্পীৰ পৰিয়ালক সমবেদনা জনাইছে । লগতে জনালে দমদমত গান ছেল্যুট দিয়া হ’ব প্রয়াত বলিউড শিল্পীগৰাকীক । মুখ্যমন্ত্রীয়ে আৰু জনায়, কলকাতাৰ পৰা শিল্পীগৰাকীৰ নশ্বৰ দেহ তেওঁৰ পৰিয়ালক গোটোৱাৰ প্ৰস্তুতি চলাইছে প্রশাসনে ।
বুধবাৰে বাঁকুৰাৰ কর্মীসভাৰ পৰা মমতাই কয়, ‘‘কেকে-ৰ পত্নীৰ স’তে মই ফোনত কথা পাতিছো । মই চেষ্টা কৰিছো অন্তত যদি শেষবাৰ দেখা হয় । যদি বতৰ ভালে থাকে অণ্ডালৰ পৰা বিমানত দমদম যাম । তাত আমি তেওঁৰ স্মৃতিৰ উদ্দেশ্যে আৰক্ষীক গান ছেল্যুট কৰাম । কাৰণ তেওঁ এজন কৃতী শিল্পী আৰু যুৱপ্ৰজন্মৰ অতি প্রিয় । বলিউডৰ পৰা টলিউড সকলোতে তেওঁ অতি জনপ্রিয় আছিল । তেওঁৰ বহু জনপ্ৰিয় গীত আছে । সেয়ে বৈঠকটো মই সংক্ষিপ্ত কৰিবলগীয়া হৈছে ।’’
টুইটাৰত মুখ্যমন্ত্রীগৰাকীয়ে লিখে, ‘বলিউড প্লেবৈক গায়ক কেকে-ৰ আকস্মিক আৰু অকাল মৃত্যুত আমি হতচকিত আৰু মর্মাহত । মোৰ সহকর্মীসকলে কালি (মঙলবাৰে) নিশাৰ পৰা কাম কৰিছে, যাতে প্রয়োজনীয় আনুষ্ঠানিকতা, আচাৰ-অনুষ্ঠান মানি কাম হয় । শিল্পীৰ পৰিয়ালক সমস্ত প্রয়োজনীয় সহায়তা দিয়া হৈছে । তেওঁৰ পৰিয়ালক গভীৰ সমবেদনা জনাইছো ।’
The sudden and untimely demise of the Bollywood playback singer KK shocks and saddens us. My colleagues have been working from last night to ensure that all requisite support is given for necessary formalities, his rites and to his family now. My deep condolences.
— Mamata Banerjee (@MamataOfficial) June 1, 2022
তথ্য অনুসৰি, ইতিমধ্যে কেকে-ৰ পত্নী আৰু পুত্ৰ কলকাতাত উপস্থিত হৈছে । উল্লেখ্য, কলকাতাত গীতৰ অনুষ্ঠান কৰিবলৈ আহিছিল কেকেয়ে । গুৰুদাস কলেজৰ অনুষ্ঠানত মঞ্চত গীত গোৱাৰ পাছত হোটেলত গৈ তেওঁ অসুস্থ হৈ পৰে । ততাতৈয়াকৈ তেওঁক হাস্পাতালত ভর্তি কৰা হয় যদিও চিকিৎসকসকলে তেওঁক মৃত বুলি ঘোষণা কৰে । শিল্পীৰ অকালপ্রয়াণত শোকস্তব্ধ সমগ্ৰ দেশ । বলিউডৰ উপৰিও, ৰাজনৈতিক ব্যক্তিত্বসকলেও কেকে-ৰ অকাল মৃত্যুত মর্মাহত । টুইটাৰত শোকপ্রকাশ কৰিছে প্রধানমন্ত্রী নৰেন্দ্র মোদী, কংগ্রেছ নেতা ৰাহুল গান্ধীয়ে ।
Saddened by the untimely demise of noted singer Krishnakumar Kunnath popularly known as KK. His songs reflected a wide range of emotions as struck a chord with people of all age groups. We will always remember him through his songs. Condolences to his family and fans. Om Shanti.
— Narendra Modi (@narendramodi) May 31, 2022
Krishnakumar Kunnath, fondly known as KK, was one of the most versatile singers of the Indian music industry. His soulful voice gave us many memorable songs.
Saddened by the news of his untimely demise last night. My heartfelt condolences to his family & fans across the world. pic.twitter.com/7Es5qklcHc
— Rahul Gandhi (@RahulGandhi) June 1, 2022
