Road Accidents:✒️পথ দুৰ্ঘটনা হ্ৰাস কৰাৰ বাবে সহস্ৰাধিক ব্যৱস্থা গ্ৰহণ কৰিছে কেন্দ্ৰ আৰু ৰাজ্য প্ৰশাসনে । যোৱা কেইবছৰমানৰ পৰা সমগ্ৰ দেশতে আন্তঃগাঁথনিৰ ক্ষেত্ৰত কাম কৰা হৈছে। বৃদ্ধি পাইছে বাট-পথ আৰু উৰণীয়া সেতু ।
তথাপিও কেন্দ্ৰীয় পথ পৰিবহণ মন্ত্ৰালয়ৰ দুৰ্ঘটনাৰ প্ৰতিবেদন আতংকজনক। প্ৰতিবেদন অনুসৰি ২০২৩ চনত দেশত মুঠ ৪,৮০,৫৮৩ টা পথ দুৰ্ঘটনা সংঘটিত হৈছে।গড়ে দেশত প্ৰতি তিনি মিনিটৰ মূৰে মূৰে পথ দুৰ্ঘটনাত এজন লোকৰ মৃত্যু হয়।
কেন্দ্ৰৰ প্ৰতিবেদনত কোৱা হৈছে যে ২০২৩ চনত দেশত মুঠ ৪,৮০,৫৮৩ টা পথ দুৰ্ঘটনা সংঘটিত হৈছিল। ফলত ১,৭২,৮৯০ জন লোকৰ মৃত্যু হয়।দেশ তথা ৰাজ্যত ২০১৯ চনৰ তুলনাত ২০২০ চনত পথ দুৰ্ঘটনা হ্ৰাস পাইছে।
২০১৯ চনত সমগ্ৰ দেশতে ৪৫৬,৯৫৯ টা পথ দুৰ্ঘটনা সংঘটিত হৈছিল। ২০২০ চনত ৩,২৭২,১৮১ টা হ্ৰাস পাইছে। সেই অনুসৰি কমি আহিল মৃত্যুৰ সংখ্যা। অৱশ্যে ২০২১ চনৰ পৰা পুনৰ বৃদ্ধি পাবলৈ আৰম্ভ কৰে।
দেশ তথা ৰাজ্যত দুৰ্ঘটনা হ্ৰাস পোৱাৰ কাৰণ আছিল কভিড আৰু লকডাউন।পথৰ গাঁতৰ ফলত সৰ্বাধিক দুৰ্ঘটনা আৰু মৃত্যু হৈছে উত্তৰ প্ৰদেশ আৰু মধ্যপ্ৰদেশত।
২০২৩ চনত ৰাজ্য দুখনত গাঁতৰ বাবে ক্ৰমে ১,৩২০ আৰু ১৭৭জন লোকৰ দুৰ্ঘটনাত মৃত্যু হৈছিল।
পথ পৰিবহণ মন্ত্ৰালয়ৰ তথ্য অনুসৰি ২০২৩ চনত পথ দুৰ্ঘটনাত মৃত্যু হোৱা লোকৰ প্ৰায় ৪৫ শতাংশ (৭৭,৫৩৯) বাইক বা স্কুটাৰৰ স’তে জড়িত। হেলমেট পৰিধান নকৰাৰ বাবে ৫৪,৫৬৮ জন লোকৰ মৃত্যু হয়।
ছিটবেল্ট পৰিধান নকৰাৰ বাবে চলিত বৰ্ষত ১৬ হাজাৰৰো অধিক লোকৰ মৃত্যু হয়।২০২৩ চনত তামিলনাডুত পথ দুৰ্ঘটনাৰ হাৰ আটাইতকৈ বেছি আছিল, সেই বছৰত ৬৭,২১৩টা দুৰ্ঘটনা সংঘটিত হৈছিল।
ইয়াৰ পাছত মধ্যপ্ৰদেশ, কেৰালা, উত্তৰ প্ৰদেশ আৰু কৰ্ণাটক। সেই বছৰ উত্তৰ প্ৰদেশত সৰ্বাধিক পথ দুৰ্ঘটনাত মৃত্যু হৈছিল আৰু ২৩,৬৫২ জন লোকৰ মৃত্যু হৈছিল। মন কৰিবলগীয়া যে ২০২৩ চনত পথ দুৰ্ঘটনাৰ ক্ষেত্ৰত পশ্চিম বংগে ১১ নম্বৰ স্থান লাভ কৰিছিল।আনহাতে পথ দুৰ্ঘটনাত মৃত্যুৰ ক্ষেত্ৰত ১২ নম্বৰ স্থান লাভ কৰিছিল।
