সমাগত বিধানসভা উপ নিৰ্বাচন।সমান্তৰাকৈ বিধানসভাৰ উপ নিৰ্বাচনৰ পাছতে অহা ডিচেম্বৰ-জানুৱাৰী মাহত কাৰ্বি স্বায়ত্ব শাসিত পৰিষদৰ নিৰ্বাচন অনুষ্টিত হোৱাৰ সম্ভনাও ৰাজনৈতিক মহলত ইতিমধ্যে চৰ্চিত হব ধৰিছে কাৰ্বি আংলঙত।
এক কথাত কবলৈ গলে ৰাজ্য চৰকাৰৰ লগতে কাৰ্বি পৰিষদ চৰকাৰে আগন্তুক ডিচেম্বৰ-জানুৱাৰী মাহত কাৰ্বি পৰিষদৰ নিৰ্বাচন অনুষ্ঠিত কৰাৰ হেতু আভ্যন্তৰীণভাৱে যো জা চলোৱাৰ এক বিশেষ চর্চা লাভ কৰা ইতিমধ্যে পৰিলক্ষিত হৈছে আৰু তেনে এক নিৰ্বাচনৰ লক্ষ্যৰে পাহাৰীয়া জিলা কাৰ্বি আংলঙত বিজেপিয়ে নিৰ্বাচনী কোচ কাবাজ চলোৱাৰ লগতে ইখনৰ পাছত সিখন সভা অনুষ্ঠিত কৰি নিৰ্বাচনী যুঁজৰ বাবে অনুশীলন কৰা আৰম্ভ কৰা দেখা গৈছে।
অতিকৈ গুৰুত্বপূৰ্ণ যে সমাগত কাৰ্বি পৰিষদৰ নিৰ্বাচনত পশ্চিম কাৰ্বি আংলং জিলাৰ অন্তৰ্গৰ ন টাকৈ পৰিষদীয় সমষ্টিত কে’বাজনো নতুন মুখৰ প্ৰাৰ্থীয়ে এইবাৰ প্ৰাৰ্থীত্ব লাভ কৰিব বুলি বিজেপিৰ ভিতৰ চৰাত চৰ্চিত হৈছে। অৱশ্যে এই ক্ষেত্ৰত প্ৰক্ষেপিত প্ৰাৰ্থীৰ নাম প্ৰকাশ পোৱা নাই যদিও কঁপিলী, দুৱাৰ আমলা, চচেং, ৰংখাং, চিংথং, আমৰী সমষ্টিত নতুন মুখৰ প্ৰাৰ্থীয়ে প্ৰাৰ্থীত্ব লাভ কৰাৰ খৱৰ কাৰ্বি আংলঙত বিশেষ চর্চা লাভ কৰিছে।
অৱশ্যে এই খৱৰো সুনিশ্চিত হব নে নহব সেই কথাও স্পষ্ট কৈ কব নোৱাৰি, সেয়া সময়েহে কব। কাৰণ বিজেপিয়ে কয় কিবা এটা আৰু কৰে আন কিবা এটা। ইপিনে আগন্তুক কাৰ্বি পৰিষদীয় নিৰ্বাচনৰ প্ৰতি লক্ষ্য ৰাখি পশ্চিম কাৰ্বি আংলং তথা হামৰেণ পৰিষদৰ অন্তৰ্গত আৰচঙত আজি হামৰেণ বিজেপিয়ে নিৰ্বাচনকেন্দ্ৰিক সভা অনুষ্ঠিত কৰা পৰিলক্ষিত হয়।
সভাত ৰাইজক উদ্দেশ্যি ভাষণ প্ৰসংগত বিগত পাঁচ বছৰত হামৰেণ পৰিষদীয় সমষ্টিত আৰচঙ-ডেৰাজুৰি কিলিং সংযোগী পকী পথ, হামৰেণ-আৰচঙ সংযোগী পকী পথ, ৰংহিদী-উমহালাংছ সংযোগী পকী পথ, ৰংহিদী-লাংটোকথেপি সংযোগী পকী পথকে ধৰি মুঠ ১৪ টাকৈ পকী পথ নিৰ্মাণ সম্পূৰ্ণ কৰা, প্ৰধানমন্ত্ৰী আৱাস যোজনাৰ গৃহ নিৰ্মাণ, পকী দলং নিৰ্মাণ, ৰাজহুৱা প্ৰেক্ষাগৃহ, মুকলি মঞ্চ আদি নিৰ্মাণ, বিশুদ্ধ খোৱাপানী যোগানৰ কথা কাৰ্বি পৰিষদৰ কাৰ্যবাহী সদস্য মংগলছিং তিমুঙে সদৰী সমাগত কাৰ্বি পৰিষদৰ নিৰ্বাচনৰ বাবে হামৰেণ সমষ্টিবাসীক এতিয়াৰে পৰা মাৰ বান্ধি সাজু হবলৈ আহ্বান জনায়।
পূৰ্বৰ এ এছ ডি চি-কংগ্ৰেছ চৰকাৰৰ দিনত হামৰেণ সমষ্টিবাসীয়ে উল্লেখিত সুবিধা লাভৰ পৰা বঞ্চিত হৈ আহিছিল, কোনো ধৰণৰ পৰিবৰ্তনৰ মুখ দেখা নাছিল কিন্তু বিজেপি চৰকাৰৰ দিনত সমষ্টিবাসীয়ে ব্যাপক পৰিবৰ্তন দেখিবলৈ সক্ষম হৈছে আৰু উন্নয়ন-বিকাশৰ ছবি দেখিবলৈ পাইছে বুলি দাবী কৰে তিমুঙে।
মন কৰিবলগীয়া যে আয়োজিত সভাৰ মজিয়াত আজি ৩০ পৰিয়ালৰ সদস্যই এ এছ ডি চি-কংগ্ৰেছ আৰু এ পি এইছ এছ এল চি দল ত্যাগ কৰি আনুষ্ঠানিকভাৱে বিজেপিত যোগদান কৰে। অনুষ্ঠিত সভাত কাৰ্বি পৰিষদৰ কাৰ্যবাহী সদস্য মঙ্গলছিং তিমুঙৰ বিপৰীতে হামৰেণ বিজেপি মণ্ডল কমিটিৰ সভাপতি বীৰেন তিচ্ছ’, গ্ৰাম্য উন্নয়ন সমিতিৰ অধ্যক্ষ ছাৰছিং ফাংচ, হামৰেণ পৌৰসভাৰ অধ্যক্ষ বীৰেন তিচ্ছ, কাৰ্বি পৰিষদৰ বৰ্ড অধ্যক্ষ ৰঞ্জিত টেৰণ, হাৰলঙচৰা সমবায় সমিতিৰ অধ্যক্ষ পিটৰ তিমুং, হামৰেণ সমবায় সমিতিৰ অধ্যক্ষ জয়ছিং ইংতি, বিজেপি নেতা লংছিং ৰংফাৰ, ছেবীয় বে, আৰচঙ ৰংহাং উপস্থিত থাকে।
আনহাতে নিৰ্বাচনকেন্দ্ৰিক সভাৰ সামৰণিৰ পাছতে আৰচঙ আৰু নক-টেৰাং গাঁৱত দুখনকৈ চেক বিতৰণি সভা অনুষ্ঠিত কৰি কাৰ্বি পৰিষদৰ ভূমি সংৰক্ষণ বিভাগৰ অধিনত আই ডব্লিউ এম পি আঁচনিৰ জৰিয়তে মুঠ ২২৭ মহিলা আত্ম সহায়ক গোট আৰু ব্যক্তিগত হিতাধিকাৰীৰ মাজত ৫০ হেজাৰ, ২৫ হাজাৰ টকাৰ চেক বিতৰণ কৰে উক্ত বিভাগটোৰ হৈ কাৰ্বি পৰিষদৰ কাৰ্যবাহী সদস্য মংগলছিং তিমুঙে।
