Google:
প্রযুক্তি সংস্থা গুগলে এনড্রইড ফোন ব্যৱহাৰকাৰীক সতর্ক বার্তা দিলে। কোম্পানীটোৱে স্পষ্ট কৰি কয় যে এনড্রইড ১২ বা ইয়াতকৈ পুৰনি সংস্কৰণচালিত স্মার্টফোনত এতিয়াৰে পৰা নতুন ছিকিউবিটি আপডেট কৰিব নোৱাৰিব। ইয়াৰ ফলত এনড্রইড ১২ বা ইয়াৰ পূৰ্বৰ ভাৰ্ছনৰ স্মার্টফোনত মেলৱেৰ, স্পাইৱেৰ আৰু হেকিং এটেকৰ শংকা অধিক হ’ব। বিশ্বজুৰি প্রায় এক বিলিয়ন এনড্রইড স্মার্টফোন ব্যৱহাৰকাৰীৰ ম’বাইল হেকাৰে হেক্ বা ক্ষতিগ্রস্ত কৰাৰ শংকা আছে বুলি গুগলে সতৰ্ক কৰি দিলে। যদি আপুনি এনড্রইড ১৩ বা ইয়াৰ ওপৰৰ মডেলৰ ফোন আপডেট কৰিব নোৱাৰে, তেন্তে সেই ফোন সলনি কৰিবলৈ গুগলে পৰামৰ্শ দিছে। এনড্রইড সংস্কৰণ ১৬ৰ ৭.৫ শতাংশ, সংস্কৰণ ১৫ৰ ১৯.৩ শতাংশ, সংস্কৰণ ১৪ৰ ১৭.২ শতাংশ আৰু সংস্কৰণ ১৩ৰ ১৩.৯ শতাংশ ফোনত ছিকিউৰিটি আপডেট লাভ কৰিব।
আনহাতে, এনড্রইড সংস্কৰণ ১২ৰ ১১.৪ শতাংশ, সংস্কৰণ ১১ৰ ১৩.৭ শতাংশ, সংস্কৰণ ১০ৰ ৭.৮ শতাংশ আৰু সংস্কৰণ নৰ ৪.৫ শতাংশ ফোনত ছিকিউৰিটি আপডেট লাভ নকৰিব। ছিকিউৰিটি আপডেট লাভ নকৰা স্মার্টফোন হেকাৰে হেক্ কৰাৰ আৰু ভাইৰাছে আক্রান্ত কৰাৰ শংকা থাকে।
