Piyanka Gandhi Guwahati Visit:
দুদিনীয়া ভ্ৰমণসূচীৰে আজি পুৱাভাগত গুৱাহাটী বিমান বন্দৰত উপস্থিত হয় প্ৰদেশ কংগ্ৰেছৰ স্কেনিং কমিতিৰ অধ্যক্ষ প্রিয়ংকা গান্ধী । বিমান বন্দৰত উপস্থিত হোৱা কংগ্ৰেছৰ শীৰ্ষ নেত্ৰী গৰাকীক উস্ম আদৰণি জনাই এপিচিচিৰ সভাপতি গৌৰৱ গগৈ সহ ৰাজ্যিক নেতৃত্বই । কটকটীয়া নিৰাপত্তা বেষ্টনীৰ মাজেৰে কংগ্ৰেছৰ সাধাৰণ সম্পাদক গৰাকী কামাখ্যা মন্দিৰ দৰ্শনাৰ্থে ৰাওনা হয় নীলাচল পাহাৰলৈ। মন্দিৰৰ চৌহদত উপস্থিত হোৱা গান্ধীক মন্দিৰৰ দলৈ সহিতে অন্যান্য সকলে উস্ম আদৰনী জনাই ৷ মন্দিৰৰ গৰ্ভ গৃহত প্ৰৱেশ কৰি পূজা- অৰ্চনা কৰি মন্দিৰ চৌহদ প্ৰদক্ষিণ কৰি কিছু সময় অতিবাহিত কৰে ৷
ইয়াৰ পিছতে কংগ্ৰেছ নেত্ৰী গৰাকী কামাখ্যা দেৱালয়ৰ পৰা উপস্থিত হ’ব প্ৰদেশ কংগ্ৰেছৰ মুখ্য কাৰ্যালয় ৰাজীৱ ভৱনলৈ ৷ ৰাজীৱ ভৱনত কেইবাটাও দলীয় কাৰ্যসূচীত অংশ ল’ব প্রিয়ংকা গান্ধীয়ে। উল্লেখ্য যে শীৰ্ষ নেত্ৰী গৰাকীৰ গৰাকীৰ আগমণত মহানগৰীৰ চৌদিশ কংগ্ৰেছৰ দলীয় পতাকা ভৰি পৰে ৷ ঠায়ে ঠায়ে বিভিন্ন আদৰণি তোৰণ ।
মনকৰিবলগীয়া যে কংগ্ৰেছ নেত্ৰী গৰাকীয়ে দিনৰ ১১ বজাৰ পৰা নিশা ১২ বজালৈ ব্লক কংগ্ৰেছ কমিটী, জিলা কংগ্ৰেছ কমিটী, ভ্রাতৃ-ভগ্নী দল-সংগঠনৰ লগতে প্ৰদেশ কংগ্ৰেছৰ নেতৃত্বৰ লগত বৈঠকত বহিব । প্ৰিয়ংকা গান্ধীকে ধৰি স্ক্রীনিং কমিটীৰ তিনিগৰাকী সদস্যই প্রতিটো বিধানসভা সমষ্টিৰ দলীয় কৰ্মীৰ পৰা মতামত গ্রহণ কৰিব। স্ক্রীনিং কমিটীৰ তিনি সদস্যই ১০-১৫ দিনি শদিয়াৰ পৰা ধুবুৰীলৈ গৈ মতামত গ্ৰহণ কৰিব আৰু ইয়াৰ ভিত্তিতে কংগ্রেছে প্রার্থিত্ব প্রদান কৰিব ৷
