Tibet Flood:
দৈনিক অগ্ৰদূত ডিজিটেল ডেস্ক:নেপালত ধ্বংসস্তূপত পৰিণত কৰা আকস্মিক বানে তিব্বতৰ গিৰং বন্দৰো বিধ্বস্ত কৰে। এই জল প্রলয়ৰ আগৰ অৰু পাছৰ বন্দৰটোৰ কে’বা মহলীয়া অট্টালিকাসহ চৌপাশৰ পৰিৱেশৰ ভিডিঅ’ ৰাজহুৱা হৈছে। আকাশমাৰ্গৰ পৰা তোলা জল প্রলয়ৰ আগৰ ভিডিঅ’ত দেখা গৈছে বন্দৰৰ সুন্দৰ কে’বা মহলীয়া অট্টালিক, চীনৰ ৰাষ্ট্ৰীয় প্রতীকসহ সীমান্তৰ মূল তালাচী চকী আদি।
ইয়াৰ চৌপাশৰ বাট-পথ আদিও এই ভিডিঅ’ত দেখিবলৈ পোৱা গৈছে। ইয়াৰ বিপৰীতে জল প্ৰলয়ৰ পাছৰ ভিডিঅ’ত সমগ্ৰ বন্দৰটো বিধ্বস্ত ৰূপত দেখা গৈছে। কে’বা মহলীয়া অট্টালিকাৰ বৃহৎ অংশ হয় বানে কঢ়িয়াই অনা বোকাই পুতি পেলাইছে। নতুবা বানে অট্টালিকাটোৰ কেতবোৰ অংশ উটুৱাই লৈ গৈছে। এই ভিডিঅ’ লক্ষ্য কৰিলে বানৰ ভয়াৱহতা সঠিককৈ অনুধাৱন কৰিব পাৰি।
ভিডিঅ’ৰ জৰিয়তে স্পষ্ট হৈছে যে এই বন্দৰ আৰু ইয়াৰ ওচৰ-পাঁজৰ অঞ্চল সম্পূৰ্ণৰূপে বকৰাণিত পৰিণত হৈছে। চৌপাশ বানত উটি অহা বোকাই ঢাকি ৰখা প্ৰত্যক্ষ কৰা হৈছে। চুৰমাৰ হ’ল সীমান্তৰ চীনৰ তালাচী চকীও। তালাচী চকীৰ স্থানৰ ভূমিও বোকাই ঢাকি ৰাখিছে।
