কৰ’নাত বিধ্বস্ত ভাৰতৰ সহযোগত তিৰংগাৰ ৰঙেৰে আলোকিত নায়গ্ৰা জলপ্ৰপাত

কৰ’নাৰ দ্বিতীয় ঢৌত বিধ্বস্ত হৈ পৰিছে ভাৰত । বৰ্ধিত ক’ভিড সংক্ৰমণৰ লগতে মৃত্যুৰ হাৰো বৃদ্ধি পাইছে । এনে পৰিস্থিতিত ভাৰতক সঁহাৰি জনাই তিৰংগাৰ ৰঙেৰে ৰঙীন হৈ পৰিল নায়গ্ৰা জলপ্ৰপাত ।

আমেৰিকা আৰু কানাডাৰ মাজত আন্তৰ্জাতিক সীমা হিচাপে পৰিগণিত এই নায়গ্ৰা জলপ্ৰপাত । শুকুৰবাৰে নিশা ৯:৩০ৰ পৰা ১০ বজালৈকে আধাঘণ্টাৰ বাবে ত্ৰিৰঙত আলোকিত হৈ থাকে জলপ্ৰপাতটো ।

নায়গ্ৰা জলপ্ৰপাতৰ কানাডাত থকা অংশৰ পৰ্যটনৰ দায়িত্ব নায়গ্ৰা পাৰ্কছৰ । শুকুৰবাৰে বিষয়টো উত্থাপন কৰি তেওঁলোকে কয় যে, ক’ভিড-১৯ ভাইৰাছৰ প্ৰকোপত সম্প্ৰতি সংক্ৰমণ আৰু মৃত্যু ঊৰ্ধ্বমুখী ভাৰতত । পৰিস্থিতিৰ প্ৰতি সঁহাৰি জনাই এই বিপৰ্যয় শাম কাটি আগবাঢ়ি অহাৰ আশাৰে ভাৰতৰ জাতীয় পতাকাৰ তিনি ৰং গেৰুৱা, বগা আৰু সেউজীয়া ৰঙত ৰঙীন কৰি পেলোৱা হয় নায়গ্ৰা জলপ্ৰপাত ।

India is currently facing a surge in cases and losses of life resulting from COVID-19. In a display of solidarity and hope for India, Niagara Falls will be illuminated tonight from 9:30 to 10pm in orange, white and green, the colours of the flag of India. #StayStrongIndia pic.twitter.com/o0IIxxnCrk

— Niagara Parks (@NiagaraParks) April 28, 2021

এনেদৰে ভাৰতক সহযোগ কৰাৰ বাবে নায়গ্ৰা পৰ্যটনৰ দায়িত্বত থকা সংস্থাক সামাজিক মাধ্যমত ধন্যবাদ জনায় ভাৰতৰ সামাজিক মাধ্যম ব্যৱহাৰকাৰীসকলে ।