বাস্তৱৰ নায়ক হ’ব বিচাৰে গুৰমিত চৌধুৰী

সৰু পৰ্দাত ৰামৰ চৰিত্ৰত অভিনয় কৰি জনপ্ৰিয়তা অৰ্জন কৰিছিল অভিনেতা গুৰমিত চৌধুৰীয়ে । সম্প্ৰতি তেওঁ তেওঁৰ সামাজিক কামৰ জৰিয়তে অনুৰাগীসকলৰ মনত বিশেষ স্থান দখল কৰিবলৈ সক্ষম হৈছে । কৰ’নাৰ দ্বিতীয় ঢৌৱে পূৰ্বৰ তুলনাত অধিক ক্ষতি সাধন কৰিছে । এনে পৰিস্থিতিত জনতাক সহায়ৰ হাত আগবঢ়াইছে অভিনেতাজনে । হাস্পতালৰ বিছনাৰ পৰা অক্সিজেনৰ যোগান ধৰা পৰ্যন্ত সকলো ধৰণৰে সহায় কৰিছে গুৰমিতে ।

সম্প্ৰতি তেওঁ এগৰাকী অন্তঃসত্ত্বা মহিলাক সংকটজনক অৱস্থাত জীৱনদায়ী ঔষধৰ ব্যৱস্থা কৰি প্ৰশংসিত হৈছে । গুৰমিতে কয়, ‘প্ৰকৃততে আমি সকলোৱে একজোট নহ’লে, এই বিপদৰ পৰা হাত সাৰিব নোৱাৰিম । মিডিয়াৰ এজন লোকে মোক ফোন কৰি সহায় বিচাৰিছিল । অন্য প্ৰভাৱশালী তাৰকাসকলক ফোন কৰাৰ পৰিৱৰ্তে তেওঁ মোক ফোন কৰাত ম‌ই কিছু অবাক হৈ পৰিছিলো । এইয়ে প্ৰথম তাৰ পাছত বুজি পালো যে, কিমান ‌মানুহক সহায়ৰ প্ৰয়োজন । সামাজিক মাধ্যমত সহায়ৰ বাবে হাহাকাৰ দেখি মন বিষণ্ণ হৈ পৰিছিল ।’

Happy to announce my collab with medical doctors for FREE” tele-consultation service CoviMed for HOME ISOLATED PATIENTS with mild to moderate symptoms.
whatsapp numbers
 • 8178867066
 • 8178835557
Timing: 10am to 8pm#COVIDEmergency #COVID19India #Covidhelp #HappyToHelp pic.twitter.com/zbLbohjUzh

— GURMEET CHOUDHARY (@gurruchoudhary) May 19, 2021

সম্প্ৰতি অভিনেতাজনে এটা দল গঠন কৰিছে । তেওঁ কয়, ‘এই কাম কল চেণ্টাৰৰ চাকৰিৰ দৰে । সকলো সময়তে ফোন বাজি থাকে । ক্ৰমাগত কথা কৈ থাকিব লাগে । অনুৰাগীসকলে মোক পৰ্দাৰ নায়ক বনাইছে । এইবাৰ মোৰ বাস্তৱৰ নায়ক হৈ দেখুৱাৰ সময় ।’

অভিনেতাজনে নিজৰ এই উদ্যোগক উৎসৰ্গা কৰিছে ছনু ছুডৰ নামত । গুৰমিতে সম্প্ৰতি, পাটনা, লক্ষ্ণৌত হেজাৰ বিছনাযুক্ত চিকিৎসালয় মুকলি কৰা হ’ব বুলি টুইট কৰিছিল । তেওঁ কয়, ‘এইটো এটা বৃহৎ প্ৰকল্প । সৰ্বপ্ৰথমে ভূমি চাব লাগিব । তাৰ পাছত চিকিৎসকসকলৰ দল গঠন কৰিব লাগিব । অস্থায়ী ব্যৱস্থা কৰিবৰ বাবে সম্প্ৰতি বিদ্যালয়-মহাবিদ্যালয়সমূহৰ স’তে আলোচনা কৰিছো ।’

https://twitter.com/gurruchoudhary/status/1393913317232549894?s=20

ইতিমধ্যে তেওঁ নাগপুৰত এখন অস্থায়ী ক’ভিড চিকিৎসালয় মুকলি কৰিছে । তেওঁ কয়, ‘আমাৰ দেশত ৰোগীৰ বাবে চিকিৎসকৰ সংখ্যা কম । সেই নাটনি পূৰণ কৰিবলৈ যদি আমি আৰ্টিফিচিয়েল ইণ্টেলিজেন্স ব্যৱহাৰ কৰো অধিক দ্ৰুতগতিত কাম কৰিব পাৰিম ।’

গুৰমিতক শেষবাৰৰ বাবে জি ফাইভৰ ৱেব ছবি ‘ৱাইফ’ত দেখা গৈছিল । অৱশ্যে অভিনেতাজনে সম্প্ৰতি অভিনয়ৰ বিষয়ত পৰিকল্পনা কৰা নাই । প্ৰতিদিনে মাত্ৰ দুঘণ্টাৰ বাবে শুই । তেওঁ কয়, ‘এনেকুৱা লাগে কোনোৱে সহায়ৰ বাবে ফোন কৰিছে আৰু ম‌ই সেইটো মিছ কৰিলো । ম‌ই সকলো সময়তে তদাৰক কৰি আছো ।’ বিগত বৰ্ষত গুৰমিত আৰু তেওঁৰ পত্নী দুয়োজনে কৰ’নাত আক্ৰান্ত হৈছিল ।

https://twitter.com/gurruchoudhary/status/1392881655505776647?s=20