Farmers Protest Enters Second Day:
কৃষকৰ দিল্লী চলো প্ৰতিবাদ কাৰ্যসূচীৰ আজি দ্বিতীয় দিন। পঞ্জাৱ আৰু হাৰিয়ানাৰ পৰা অহা কে’বা সহস্ৰাধিক কৃষকে দিল্লী সীমান্তত প্ৰৱেশ কৰাৰ বাবে অহৰহ চেষ্টা অব্যাহত ৰখাৰ বিপৰীতে দিল্লী আৰক্ষী, আৰু অৰ্ধসামৰিক বাহিনীয়ে প্ৰতিবাদকাৰী সকলক বাধা দিবলৈ পূৰ্ণ চেষ্টা কৰিছে।
বুধবাৰে পুৱাতে আৰক্ষীয়ে প্ৰতিবাদকাৰীকাৰীক ভেদিবলৈ কৃষকৰ মাজত নিক্ষেপ কৰে কন্দুৱা গেছ । উল্লেখ্য যে,মঙলবাৰে সিংঘু সীমান্তত এক উত্তপ্ত পৰিস্থিতিৰ সৃষ্টি হৈছিল। নিশা বহু পৰলৈকে প্ৰতিবাদকাৰী কৃষকসকলৰ ওপৰত কন্দুৱা গেছ নিক্ষেপ কৰিছিল আৰক্ষীয়ে। একেদৰে স্থানভেদে প্ৰতিবাদকাৰী কৃষক আৰু আৰক্ষীৰ মাজত হতাহতি পৰ্যন্ত হয় ৷ যাৰফলস্বৰূপে আহত হয় কে’বাজনো কৃষক আৰু নিৰাপ
উল্লেখ্য যে,যোৱা নিশা পুনৰ চৰকাৰ আৰু কৃষকসকলৰ মাজত আলোচনা হয় যদি অমীমাংসিত হৈ থাকে। আনহাতে পঞ্জাৱৰ আপ চৰকাৰে হাৰিয়ানা আৰক্ষী দ্বাৰা শম্ভু সীমান্তত আন্দোলনকাৰী কৃষকসকলৰ ওপৰত কন্দুৱা গেছৰ নিক্ষেপ আৰু ড্ৰোন ব্যৱহাৰ কৰাত তীব্ৰ আপত্তি কৰে ৷ এনে কাৰ্যৰ পৰা বিৰত থাকিবলৈ আহ্বান জনাইছে হাৰিয়ানা চৰকাৰক ৷
মনকৰিবলগীয়া যে,কৃষকৰ দিল্লী চলো পদযাত্ৰাৰ প্ৰতি ইতিমধ্যে মুকলি সমৰ্থন জনাইছিল পঞ্জাৱ আৰু দিল্লীৰ আপ চৰকাৰে ।
শেহতীয়া খবৰ অনুসৰি ,কৃষকসকলে প্ৰথমে দিল্লীৰ ওচৰৰ সীমান্তত একত্ৰিত হোৱাৰ পৰিকল্পনা কৰিছে তাৰ পিছত পৰৱৰ্তী পদক্ষেপ কি হ’ব এই সন্দৰ্ভত কেতবোৰ পৰিকল্পনা বৰ্তমান গোপন কৰি ৰাখিছে ৷ ইপিনে কৃষক সংগঠনে পুনৰ কয়, চৰকাৰৰে আলোচনা অব্যাহত থাকিব আৰু কৃষকসকলো আলোচনাৰ বাবে সাজু।
উল্লেখযোগ্য, ৩৫০ কৃষক সংগঠনৰ আহ্বানত পোন্ধৰশ ট্ৰেক্টৰ আৰু পাঁচশ গাড়ীৰে পঞ্জাৱ- হাৰিয়ানাৰ পৰা আহিছে প্ৰতিবাদী কৃষক সকল ৷ এইবাৰ দ্বিতীয় আন্দোলনৰ কাৰ্যসূচীৰ বাবে লগত লৈ আনিছে ছমাহৰ খাদ্য সম্ভাৰ ৷ প্রতিবাদী কৃষকসকলে সদৰী কৰা মতে, তেওঁলোকৰ হাতত বেজীব পৰা আৰস্ত কবি হাতুবীলৈ, খাদ্য সম্ভাৰলৈ সকলো সামগ্রী মজুত আছে। চোৰাংচোৱা সূত্ৰত প্রকাশ যে দীর্ঘদিন ধৰি আন্দোলন অব্যাহত ৰখাৰ পূর্ণ প্রস্তুতিসহ ৰাজধানী দিল্লীলৈ অগ্রসৰ হৈছে হেজাৰ হেজাৰ কৃষক।
পঞ্জাৱৰ গুৰদাসপুৰৰ পৰা অহা তথা ২০২০ৰ প্ৰতিবাদত অংশ লোৱা হৰভজন সিঙে কয়, ‘বেজীৰ পৰা আৰম্ভ কৰি হাতুৰীলৈ আমাৰ প্ৰয়োজনীয় সামগ্রী সকলো আছে। শিল ভঙাৰ সঁজুলিও আছে। আমাৰ ছমাহৰ বাবে গাঁও এৰি আহিছো।
আমাৰ হাতত ছমাহৰ ৰেচন মজুত আছে। আমাৰ হাতত বহুত পৰিমাণৰ ডিজেল আছে। আনকি হাৰিয়ানাৰ পৰা কৃষকৰ সামগ্রীও কঢ়িয়াই আনিছো। উল্লেখ্য যে যোৱা ২০২০ ত দিল্লী সীমান্তত কৃষক আন্দোলন ১৩ মাহ ধৰি অব্যাহত আছিল। এইবাৰো তেনে পৰিস্থিতিৰ আশংকা প্রকাশিত হৈছে ।
প্রতিবাদী কৃষকসকলে কয় যে ইয়াৰ পূৰ্বৰ আন্দোলন ১৩ মাহ ধৰি অব্যাহত আছিল। কৃষসকলৰ দাবী পূৰণৰ প্রতিশ্রুতি দিয়া হৈছিল কেন্দ্ৰীয় চৰকাৰৰ তৰফৰ পৰা। কিন্তু এই প্রতিশ্রুতি তেওঁলোকে ৰক্ষা নকৰিলে। প্রতিবাদী কৃষকে কয়, ‘এইবাৰ যিমানদিন পর্যন্ত আমাৰ দাবী মানি লোৱা ‘নহ’ব সিমান দিন পর্যন্ত আমি আন্দোলনৰ পথৰ পৰা পিছ হোঁহকি নাযাওঁ।
কৃষকসকলৰ বিভিন্ন নেতাই জনোৱা মতে, উত্তৰ প্রদেশ, পঞ্জাৱ আৰু হাৰিয়ানা মূলত এই তিনি ৰাজ্যৰ কৃষকে আন্দোলনত অংশ লৈছে। প্রায় ৩৫০ টা সৰু-বৰ কৃষক সংগঠন ইয়াৰ লগত জড়িত হ’ব। ২০২০৩ কৃষক বিক্ষোভত উত্তাল হৈছিল সমগ্র দেশ। উত্তৰ ভাৰতৰ ৰাজ্যসমূহত ধাৰাবাহিক আন্দোলন অব্যাহত আছিল। সেই আন্দোলনত অৱশেষত পিছ নুহুকিল নৰেন্দ্ৰ মোদীৰ চৰকাৰ।
বিতর্কিত কৃষি বিধেয়ক প্রত্যাহাৰো কৰা হৈছিল। কৃষক সংগঠনসমূহেও নিজ অৱস্থানৰ পৰা আঁতৰি আহিছিল। অথচ পুনৰ কিয় পঞ্জাৱ, হাৰিয়ানাৰ কৃষক আন্দোলনত নামিল। এই ক্ষেত্রত কৃষক নেতৃত্বই কয় যে যিসমূহ দাবী পূৰণৰ বাবে দিল্লীৰ পথত নামি পৰিছে কৃষক তাৰ ভিতৰত অন্যতম হ’ল ফচলৰ ন্যূনতম সমর্থন মূল্যৰ আইনী নিশ্চয়তা প্রদান। স্বামীনাথন আয়োগৰ প্রস্তাৱ মানি লৈ ফচলৰ ন্যূনতম সমর্থিত মূল্য (এমএছপি) প্ৰদানৰ দাবী জনাইছে।
তদুপৰি কৃষক ঋণ মকুব কৰাৰ বাবেও কৃষকসকলে দাবী জনাইছে। ২০২০-২১ৰ প্ৰতিবাদত কৃষকসকলৰ বিৰুদ্ধে ৰজু হোৱা গোচৰ খাৰিজৰ দাবী জনাইছে আন্দোলনকাৰীসকলে। বিদ্যুৎ আইন ২০২০ বাতিলৰ দাবী আৰু উত্তৰ প্ৰদেশৰ লখিমপুৰ খেৰিত নিহত কৃষকৰ ক্ষতিপূৰণৰ দাবী আদিক লৈ সোমবাৰে নিশা কেন্দ্ৰীয় চৰকাৰ কৃষক সংগঠনৰ মাজত অনুষ্ঠিত বৈঠক ফলপ্রসূ নোহোৱাৰ পাছত আন্দোলনৰ কাৰ্যসূচী গ্ৰহণ কৰা হয়।
সূত্ৰত প্রকাশ যে সোমবাৰে নিশা ১১ টা বজাৰ পাছত সেই বৈঠক অনুষ্ঠিত হৈছিল। বিদ্যুৎ আইন বাতিলৰ বিষয়ে বৈঠকত অর্জুন মুণ্ডাসহ দুই কেন্দ্রীয় মন্ত্রীয়ে কৃষকসকলক আশ্বস্ত কৰে বুলিও সূত্ৰত প্রকাশ। খেৰিৰ ঘটনাত কৃষকৰ বিৰুদ্ধে ৰুজু হোৱা গোচৰ প্রত্যাহাৰ কৰা হ’ব বুলিও কৃষকৰ দলটোক জনোবা হয় যদিও তিনিটা মূল দাবী, ফচলৰ এমএছপি, কৃষি ঋণ মকুব আৰু স্বামীনাথন আয়োগৰ প্রস্তাৱ সন্দৰ্ভত দুই পক্ষ কোনো স্থিৰ সিদ্ধান্তলৈ আহিব নোৱাৰিলে।
ফলত কৃষকসকলে নিজ সংকল্পত অটল থাকিব বুলি কয়। কৃষকসকলে অভিযোগ কৰে যে দুবছৰ পূর্বে অর্ধেক দাবী পূৰণৰ প্রতিশ্রুতি দিছিল যদিও কেন্দ্রই একোৱে নকৰিলে। কৃষকসকলে শান্তিপূর্ণভাৱে সমস্যা সমাধানৰ বাবে চেষ্টা কৰিলেও চৰকাৰে সময় নষ্ট কৰা বুলি অভিযোগ কৰে কৃষকে।
সম্মিলিত কৃষক মৰ্চা আৰু জগজিত সিং দালেৱাল আৰু কিষাণ মজদুৰ সংগ্ৰাম সমিতিৰ ছাৰবান সিং পাণ্ডেৰ দৰে কৃষক নেতাসকলে তেওঁলোকৰ দাবী পূৰণত চৰকাৰৰ প্ৰতিশ্ৰুতিক লৈ শংকা প্রকাশ কৰিছে। মন কৰিবলগীয়া যে হাৰিয়ানাৰ মনোহৰ লাল খট্টৰৰ চৰকাৰে ইতিমধ্যে খৰখেদাকৈ দুখন বৃহৎ ষ্টেডিয়ামত অস্থায়ী কাৰাগাৰ নিৰ্মাণ কৰিছে ।
ইপিনে, কালিৰ বৈঠক সন্দৰ্ভত মন্ত্রী মুণ্ডাই কয়, ‘কিছুমান মানুহে সমস্যাৰ সৃষ্টি কৰিব পাৰে।’ চৰকাৰে কৃষকৰ স্বাৰ্থ ৰক্ষাৰ বাবে দায়বদ্ধ বুলি তেওঁ কয়। ইপিনে, কৃষক নেতাসকলে কয়, ‘আলোচনাৰ কোনো ফল নধবিল। আমি দিল্লী চলো যাত্ৰা আৰম্ভ কৰিম। অৱশ্যে চৰকাৰে দিয়া প্রস্তাৱসমূহ আলোচনা কৰিম। এই ক্ষেত্ৰত চৰকাৰৰ ভুল আছে।’
২০২০-২১ৰ কৃষক প্রতিবাদৰ অন্যতম নেতা ৰাকেশ টিকাইতে চৰকাৰৰ ক’লা কৃষি আইনৰ বিষয়ে সকীয়াই দি কয়, ‘বহু কৃষক ইউনিয়ন আছে আৰু বিভিন্ন সমস্যাও আছে। যদি চৰকাৰে কৃষকৰ দিল্লী যাত্ৰাত সমস্যাৰ সৃষ্টি কৰেতেন্তে আমি সমৰ্থন দিম ।
