Sumi- Tarkik Bora most wanted by Asam Police:
অনলাইন ট্রেডিঙৰ অবৈধ ব্যৱসায়ৰ বিৰুদ্ধে অসম আৰক্ষীয়ে আজি বিশেষ তদন্তকাৰী গোট (এছআইটি) গঠন কৰে। ইয়াৰ লগতে ৰাজ্যৰ ১৪ খন জিলাত ৰুজু হোৱা ২৮ টা গোচৰৰ তদন্তৰ বাবেও প্রতিখন জিলাৰ বিপৰীতে এটাকৈ তদন্ত গোট গঠন কৰে। জিলাৰ গোটবোৰক অপৰাধ অনুসন্ধান বিভাগ (চিআইডি) ব মহাপৰিদৰ্শক সংযুক্তা পৰাশৰৰ নেতৃত্বত গঠন কৰা এছআইটিয়ে প্রয়োজন সাপেক্ষে সহযোগিতা আগবঢ়াব।
ইপিনে, আজিও কোনো সম্ভেদ ওলোৱা নাই পলাতক চুমি বৰা আৰু তার্কিক বৰাৰ। দম্পতীৰ সম্ভেদ উদ্ধাৰৰ বাবে এছআইটিয়ে আৰক্ষীৰ বিভিন্ন পক্ষৰ লগত আলোচনা অব্যাহত ৰাখিছে। ইয়াৰ মাজতে সোমবাৰে চুমি- তাৰ্কিক বৰাক মষ্ট ৱান্টেড ঘোষণা আৰক্ষীৰ ৷ একেদৰে ছজনৰ বিৰুদ্ধে লুক আউট নটিছো জাৰি কৰে আৰক্ষীয়ে ৷ একেদৰে এসপ্তাহে আত্মগোপন কৰি থকা চুমি-তাৰ্কিক বিছাৰি আৰক্ষীয়ে অভিযান তীব্ৰতৰ কৰি তুলিছে। সন্দেহ কৰা মতে মহা প্ৰৱঞ্চক দম্পতীহাত বহি:ৰাজ্যত আত্মগোপন কৰি আছে ।
শেহতীয়া এক খবৰ অনুসৰি এখন ফুৰছুনাৰ বাহনৰে এজন দালালৰ জৰিয়তে সাত হেজাৰ টকাৰ বিনিময়ত ইণ্ডো – নেপাল সীমান্তৰেপোখৰাত আত্মগোপন কৰি থকাৰ সম্ভেদ লাভ কৰিছে আৰক্ষীয়ে ৷ প্ৰায় সাত- আঠঘন্টা গুৱাহাটীৰ পৰা গাড়ী চলাই সোমবাৰে উপস্থিত হৈছিল নেপাল সীমান্তত ৷ আনহাতে মানি ট্ৰেডিঙৰ প্ৰম’ড কৰা ইউটিউবাৰৰ বিৰুদ্ধে ৰজু কৰা হৈছে গোচৰ ৷
