Child birth registration:দেশত জনসংখ্যা নিয়ন্ত্রণলৈ আনিবলৈ কেন্দ্ৰীয় চৰকাৰৰ লগতে ৰাজ্য চৰকাৰসমূহেও বিভিন্ন নীতি গ্ৰহণ কৰি আহিছে যদিও প্রতিবছৰে বৃদ্ধি পাইছে শিশু জন্মৰ সংখ্যা।
কেন্দ্ৰীয় গৃহ মন্ত্রণালয়ে প্রকাশ কৰি আহিছে প্ৰতি বছৰে দেশত বৃদ্ধি পাইছে জন্ম পঞ্জীয়নৰ সংখ্যা।সেই অনুসৰি, ২০২২ত দেশত মুঠ জন্ম পঞ্জীয়নৰ সংখ্যা হৈছে দুই কোটি ৫৪ লাখ ৩৯ হেজাৰ ১৬৪।
দেশৰ বিভিন্ন ৰাজ্যৰ লগতে অসমতো জনসংখ্যা নিয়ন্ত্ৰণৰ বাবে চৰকাৰে কেতবোৰ নীতি গ্রহণ কৰাৰ সমান্তৰালভাৱে জন্ম নিয়ন্ত্ৰণ কৰিবলৈ আহ্বান জনাই আহিছে যদিও বিদেশী সমস্যাৰে জৰ্জৰিত ৰাজ্যখনত প্রতি বছৰে বৃদ্ধি পাইছে জন্ম পঞ্জীয়নৰ সংখ্যা।
কেন্দ্রীয় গৃহ মন্ত্রণালয়ে প্রকাশ কৰা তথ্য অনুসৰি, বিগত ১০ বছৰত অসমত বছৰি গড়ে চাৰে সাত লাখকৈ জন্ম পঞ্জীয়ন হৈছে। ১৯৯৮, ১৯৯৯, ২০০০ত দুই-আঢ়ৈ লাখ জন্ম পঞ্জীয়ন হোৱা অসমত এই সংখ্যা সম্প্রতি প্রায় চাৰি গুণলৈ বৃদ্ধি পাইছে।
উল্লেখ্য যে কেন্দ্রীয় গৃহ মন্ত্রণালয়ে প্রকাশ কৰা তথ্য অনুসৰি, ২০১৩ৰ পৰা ২০২২লৈ অসমত মুঠ জন্ম পঞ্জীয়নৰ সংখ্যা হৈছে ৭৫ লাখ ১২ হেজাৰ ৮৯৬ জন।
একেদৰে ইয়াৰ পূৰ্বৰ ১০ বছৰত অৰ্থাৎ ২০০৩ৰ পৰা ২০১২লৈ অসমত মুঠ জন্ম পঞ্জীয়ন হৈছিল ৫৫ লাখ ৫৬ হেজাৰ ১৩৮ জন। অর্থাৎ এই ১০ বছৰৰ ব্যৱধানত ৰাজ্যখনত জন্ম পঞ্জীয়নৰ সংখ্যা ১৯ লাখ ৫৬ হেজাৰ ৭৫৮জন বৃদ্ধি পালে।
সমান্তৰালভাৱে শেহতীয়া পাঁচ বছৰত অৰ্থাৎ ২০১৮ৰ পৰা ২০২২লৈ অসমত জন্ম পঞ্জীয়নৰ সংখ্যা হৈছে ৩৬ লাখ ৫২ হেজাৰ ৭৭ জন। একেদৰে বিগত ২৫ বছৰত অৰ্থাৎ ১৯৯৮ৰ পৰা ২০২২ লৈ অসমত মুঠ জন্ম পঞ্জীয়ন হৈছে এক কোটি ৪৪ লাখ ৬২ হেজাৰ ৬৯৬ জন।
গৃহ মন্ত্রণালয়ে প্রকাশ কৰা বার্ষিক জন্ম পঞ্জীয়নৰ তথ্য অনুসৰি, ২০২২ত অসমত মুঠ জন্ম পঞ্জীয়ন হৈছিল সাত লাখ সাত হেজাৰ ৩৬টা। একেদৰে ২০২১ত ছয় লাখ ৬৩ হেজাৰ, ২০২০৩ সাত লাখ ৫১ হেজাৰ, ২০১৯৩ সাত লাখ ৬২ হেজাৰ, ২০১৮৩ সাত লাখ ৬৭ হেজাৰ, ২০১৭ত সাত লাখ আঠ হেজাৰ, ২০১৬ত সাত লাখ ৩৪ হেজাৰ, ২০১৫ত ১০ লাখ পাঁচ হেজাৰ, ২০১৪ত সাত লাখ ২৩ হেজাৰ, ২০১৩ত ছয় লাখ ৮৮ হেজাৰ, ২০১২ত ছয় লাখ ১২ হেজাৰ, ২০১১ত ছয় লাখ আৰু ২০১০ত সাত লাখ ৩২ হেজাৰ জন্ম পঞ্জীয়ন হৈছে অসমত। ১৯৯৮৩ ২,০৫,৮১২ টা জন্ম পঞ্জীয়ন হোৱা অসমত শেহতীয়া তথা ২০২২ত ৭,০৭,০৩৬টা জন্ম পঞ্জীয়ন হৈছে।
